MATIUSI 13:3 - KITABI HABARI MOPIOHE

³ Lapatao̒ ti Isa helo ngaajali mao̒ dadaata sua̒li to limongolio wolo lomake pohumaya. “Tamoo-mengia ngota lonao̒ mota lomua̒yade bili,” odi-odieelo mola ti Isa lolumulao̒ wungguli-Lio.

MATIUSI 13:3 ပူးပေါင်းရင်းမြစ်များ

JABURU 49:4

Wau̒ mamoloi̒ya mai tataa-heyaalo molinepo, hungo lo pikiilangiu̒ laba-labaalo delomo.

JABURU 78:2

Watia ohilaa molapalai aayua wau pohumaya, wau motombangai toka-toki jamani muloololio mai,

YEHESKIEL 17:2

“Wuu manusia panaa, wunggulia mao̒ ode tau-tauwalo Isirai̒lu pohumaya,

YEHESKIEL 20:49

Bo watia, Yeheskiel lopoi̒laalo kabalatani lowatia wau loloi̒ya, “Eeya Taa Laba-labaalo molanggato, diila mao̒ ahuli watia moloi̒ya mao̒ uito! Ngoa̒amila tau malo poi̒laalo suusa sababu watia motohilaa mobisala wolo pohumaya tilinggula mototolo paahamuwolo.”

MIKHA 2:4

Paladumu mapomake lotau odelo mopodalili, wau timongolio mamohutu lahu polotilimi botie, ‘Eeya maloheehu lipu lami botie wau yilohilio ode tahe lolawalo olami. Ami malo aantulu sama-samaata.’ ”

HABAKU 2:6

Bo ngoa̒amila u tilaa̒a-lukulio boito mohentea̒ wau mohanti-hantia̒ olio. Timongolio mamoloi̒ya, “Malaa̒-laa̒natilo yio̒ sababu lopohuntu balangi udiila milikimu! Ngoolo mao̒ hiheolio yio̒ mopokaya batangamu lou̒ momakusa tau-tauwalo tahi obilolia to olemu u momaayali biloli limongolio?”

MATIUSI 13:4

“Tou̒ donggo hemo mua̒yade, woluo bili u lobiihuto todalalo. Tulusi bulungi tilumombotai wau bili boito piloo̒ pulitio.

MATIUSI 13:53

Lapatao̒ ti isa yilapato lohungguli mao̒ popoo-humaayalo boito, Tio lololaa mao̒ tambati boito,

MATIUSI 22:1

Ti Isa luli lotahuda ode taa dadaata wolo lomake pohumaya, tahudaa-Lio,

MATIUSI 24:32

“Hamaa mao̒ pongaajali monto bungo lo ayu ara. Wonu tangolio ukekeei̒ moidu wau moluo̒yo, wau mahi tumbinga mai, otaawa limongoli deu̒ sembo lopolo dulahee malembidei.

MARKUSI 12:1

Lapatao̒ ti Isa lolumula helo bisala wolo pohumaya ode mongo iimamu tau̒wa, guguu-ruwaalo agama wau mongo tau̒wa lo Yahudi boito. Ti Isa lotahuda, “Woluo ngotaalio lomulo ilengi ngopita lo angguru, wau bilalaalio palipalito. Lapatao̒ uito tio malo ngau̒de huango duo̒lo pakaakasi pomitodelo angguru, tulusi tio lomongu mao̒ monala tuwau olo. Lapatao̒ uito tio loposeuwa ilengi lo angguru boito ode ngoolo lota tahi pokalajawa ilengi boito tulusi lonao̒ odelipu wewo.

MARKUSI 12:12

Yi tahimuloa lo ulipu bangusa lo Yahudi taloo̒ dungohe pohumaya boito, mahipo tolopania moheu̒pa li Isa, sababu otaawa limongolio pohumaya boito pilopo dungga li Isa ode limongolio. Bo timongolio moohe lotaa dadaata. Oditolio, timongolio malonao̒ lololaa mao̒ li Isa.

MARKUSI 3:23

Yi ti Isa lotiangai taa ngohuntua boito, wau lohungguli mao̒ olimongolio demohelu ngoolo pohumaya. “Diila pongalo aakali rohu u moleeto mopohinggi rohu u moleeto,” tahuda li Isa.

MARKUSI 4:13

Lapatao̒ ti Isa lotahuda mao̒ ode limongolio, “Wonu timongoli diila mongalati lo pohumaya boito, woloolo mola timongoli mowali mongalati lo popoo-humayaalo uwewo?

MARKUSI 4:33

Odi-odieelo mola ti Isa helo ngaajali tau wolo lopohuna dadaata pohumaya debo odelo uito, ngotilonggadu mowali opahamua limongolio.

LUKASI 12:41

“Eeya, wolo pongaajali boito pilomatuju lo Eeya ode mongowatotia meaalo totaa ngoa̒amilalo?” yilintu mao̒ lei Petrus.

LUKASI 8:10

Ti Isa lolametao̒, “Timongoli maloo̒ toduo wowohi lo Eeya u motota mao̒ hitua-tuawua u sangaja hetuuo̒lo pasali lou̒ woloolo mola Allahu Taa̒ala momalenta odelo Olongia. Bo tau-tauwalo wewo ilaajali wolo pohumaya, alihu timongolio mopoo̒tuoto, bo diila motota wolo u motoduo; wau timongolio moo̒dungohe, bo diila mongalati.”

YAHYA 16:25

“Ngoa̒amila botie polele-U̒ mai olemu wolo lumadu. Bo mamei dungga wakutuulio, Wau̒ diilalo momake lumadu, bo motahuda wolo juujulu pasali li Paapa-U̒.