MATIUSI 11:3 - KITABI HABARI MOPIOHE

³ “Ti Paaa̒alo tamamei dungga mai modudua̒ danti lo Allahu Taa̒ala, meaanto amiaatia musi mohima mai taawewo?”

MATIUSI 11:3 ပူးပေါင်းရင်းမြစ်များ

ILOOWALI 12:3

Wau̒ mamo balakati mai tau-tauwalo tamobalakati olemu wau molaa̒nati tau-tauwalo tamo laa̒nati olemu. Wau kalana yio̒ Wau̒ mamo balakati mai ngoa̒amila bangusa to dunia.”

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

JABURU 118:26

Mabara-balakatilo tio tadungga-dungga mai to tanggulo Eeya, amiaatia mobalakati olimongoli monto Bele lo Eeya.

YESAYA 7:14

Botia, Eeya lohihilao mamongohi mai tuoto olemu: Ngotaalio tadulahu tabanta-bantaala mamo potutu mai ngotaalio talolai̒ tau̒nteelio Imanuel.

HOSEA 3:5

Bo mamei dungga wakutuulio bangusa lo Isirai̒lu muli mohualinga ode Eeya Allahu Taa̒ala limongolio, wau odeli olongia limongolio monto wali mai lei Dauda. Lapatao̒ timongolio mamoohe wau mohulumati mola to Eeya, wau mololimo babaa-lakati-Lio.

OBAJA 1:21

Ulipu lo Yerusalemu talaito otilapulo mamoluhu Edom wau mopo taa̒aluku mao̒. Yi Wau̒ Eeya mamo malenta odelo olongia.”

MIKHA 5:2

Oditolio, Eeya mamopoluli umati-Lio kiluwaasa lo mumuu-suuwaalo limongolio tunggula taabua tatilantu u mowali tiilo lo takaawasa boito malo potutu mai o-Lio. Lapatao̒ uito tau-tauwalo ngobangusaalio tawoluo to polayahu mamuli potuwaulo wolo bangusa limongolio.

HAGAI 2:7

Ngoa̒amila bangusa maporamee-U̒ wau halata upango limongolio madeloo mai odia, tilinggula Belee-U̒ mamopolu wolo okokaya limongolio.

JAKARIA 9:9

Wuu ulipu lo Sion, poti wengahulo! Wuu ulipu lo Yerusalemu, pongiibodulo mola meengahu! Bilohilo! Olongiamu dungga-dungga mai wolo ohaama! Tio olongia aadili talodelo mai oa̒ahu. Bo lealeaatu odupapa lohilao tio meidungga tae̒tae̒ to kolodai, kolodai tuwau u buboto.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

MALEAKHI 4:2

Bo to olimongoli taa modungohe ola-U̒, kawasaa-U̒ u mopoa̒ahu mamobutu mai debo odelo mato lodulahu, wau tinelio mowali mopoo̒oluli. Timongoli mamolopato wau meengahe debo odelo walao̒ sapi u boheli yilumualai monto lantunga.

YIA̒APO 24:17

Iloontongau̒ tio, bo diila botia; tilontongau̒ tio, monto u molamingo. Ngotaalio li olongia lonto Isirai̒lu asaliilio mai, mamei dungga odelo binatangi motinelo laba-labaalo mobaango. Mongo tau̒wa lo Moab mapo woomuolio bangusa Set maa antuluolio.

MATIUSI 11:10

Sababu tei Yahya boitolo tamila kusudu todelomo ayati lo Kitabi botie, ‘Tabotieelo utoliya-U̒, tahuda lo Allahu Taa̒ala, Wau̒ lolao mai olio leimulo wole-Mu alihu tio momuo̒ dalalo ole-Mu.’

MATIUSI 11:4

Ti Isa lolametao̒, “Pohualingolo mola odelei Yahya wau polelea mao̒ wolo u mai̒lo dungohe wau iloontonga limongoli:

MATIUSI 21:5

“Polelea mao̒ ode Sion, Olongiyamu donggo dungga-dungga mai ode olemu. Tio dupadupapa lohilao wau tae̒tae̒ mai to kolodai tuwau, walao̒ kolodai tuwau udonggo buboto.”

MATIUSI 21:9

Taa dadaata u hinao̒wa totalu wau towulea li Isa hiwatia̒, “Pomali-tutuo̒olo mola Walae̒e Dauda! Mabala-balakatilo Tio tadungga-dungga mai to tanggulo Eeya! Pomujilo mola Allahu Taa̒ala Taa Laba-labaalo molanggato!”

MARKUSI 11:9

Tahinao̒wa totalu wau tahidudua̒ mai to wulea, ngoa̒amilalo hetingalaa̒ mengahu,

LUKASI 19:38

Timongolio malo nguatio̒, “Mabala-balakatilo Olongia tadungga-dungga mai to tanggulo Eeya! Salaamati tosologa, wau ilopujialo mola Allahu Taa̒ala!”

YAHYA 11:27

“Eeya,” tametao̒ li Marta, “Watotia palacaya Eeya Walao̒ Allahu Taa̒ala, Olongia Tamoo-poa̒ahua tamamei dungga mai ode dunia botie.”

YAHYA 12:13

Yi timongolio malohama duduu-ngowaalo Palemu tulusi mota lolutulai o-Lio, sambela hiwaatia̒ wolo wengahe daa̒, “Pujiaalo mola Allahu Taa̒ala! Mabala-balakatilo Tio tadungga-dungga mai to tanggulo Eeya. Mabala-balakatilo Olongia lo Isirai̒lu!”

YAHYA 16:14

Tio mamopo u̒daa̒ ola-U̒, sababu wolo u pilotunggu-Lio mai olemu, tilolimo-Lio lonto ola-U̒.

YAHYA 4:21

“Pomalacayalo,” tahuda li Isa olio, “Tosaaa̒ti tuwau tau mamolubo Allahu Taa̒ala, diilalo tohuludu botie wau diila olo to Yerusalemu.

YAHYA 6:14

Tou̒ taa dadaata loo̒onto mao̒ moo̒linggolabe u pilohutu li Isa, timongolio malo loi̒ya, “Otutu, utieelo Nabi tahe halapuwolo meidungga mai ode dunia!”

YAHYA 7:31

Dadaata towolota lotau-tauwalo boito mapilacaya o-Lio, wau hemoloi̒ya, “Wonu Olongia Tamoo-poa̒ahua boito meidungga mai, wolo Tio mowali mohutu lebe dadaata mao̒ u moo̒linggolabe wolo tau botie?”

IBRANI 10:37

Sababu todelomo Kitabi tulatulade, “Bo ngopee̒ mola poli wambai̒o, yi Tio tamaa meidungga boito, mahua̒a meidungga; Tio diila tamo polohu-lohudu podunggaa-Lio mai.