LUKASI 8:9 - KITABI HABARI MOPIOHE

⁹ Tahidudua̒ li Isa lohintu o-Lio boli lo pohumaya boito.

LUKASI 8:9 ပူးပေါင်းရင်းမြစ်များ

MARKUSI 4:10

Tou̒ ti Isa bo tutuuwau, tau-tauwalo tamaloo̒ dungohe pongaajali-Lio lonao̒ mai ode o-Lio pee̒-pee̒enta wolo tamopulaa duulota tahidudua̒ o-Lio. Timongolio lei̒ patatao̒ o-Lio boli lo pohumaya boito.

MATIUSI 13:18

“Dungohi mao̒ wolo boliilo pohumaya pasali lo tamoo-mua̒yadea boito.

MATIUSI 13:10

Lapatao̒ tahidudua̒ li Isa lonao̒ mai wau lohintu o-Lio, “Yilongola ti Paaa̒ momake pohumaya wonu mobisala wolo taa dadaata boito?”

YAHYA 15:15

Timongoli diilalo tanggula-U̒ wato, sababu wato diila motota wolo u hekalaja lituanilio. Timongoli tanggula-U̒ mai sahabati, sababu ngoa̒amila u dilungohe-U̒ lonto li Paapa-U̒, mapiloo̒taa-U̒ mai olimongoli.

MARKUSI 4:34

Ti Isa laito hemomake pohumaya wonu Tio mongaajali tau-tauwala boito. Bo wonu Tio lohihilao wolo tahidudua̒ o-Lio, Tio mopoo̒ patatao̒ ngoa̒amilalo to olimongolio.

MATIUSI 15:15

Ualei Petrus, “Tulungia mai mopoo̒ patato pohumaya boito olamiaatia Paaa̒!”

MATIUSI 13:36

Lapatao̒ uito ti Isa lololaa mao̒ taa dadaata boito, tulusi tilumuwoto ode bele. Tahidudua̒ o-Lio malonao̒ mai wau loloi̒ya, “Nte tombanga mai li Paaa̒ to olamiaatia boli lo pohumaya pasali lo papaa-dengowalo tohiyango pale boito.”

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”