LUKASI 8:2 - KITABI HABARI MOPIOHE

² Odito olo dengolo lota mongobua tamaa piloo̒luli lonto rohu u moleeto wau ngongoto. Timongolio boitolo ti Maria tai̒lunte Mahadalena (pitu rohu u moleeto u mailinggi lonto oli Mahadalena);

LUKASI 8:2 ပူးပေါင်းရင်းမြစ်များ

MARKUSI 16:9

Tou̒ ti Isa lobongu mai lonto opopate, didimodupo todulahu Ahadi, Tio bohulio lopobilohe batanga-Lio odeli Maria Mahadalena. (Lonto oli Maria boito pee̒enta ti Isa helohinggi pitu rohu u moleeto.) Mongobua boito lonao̒ mota odelei Petrus wau mongo sahabatilio, tulusi helo hungguli mao̒ wolo limbulimbu ngoa̒amila u mapiloo̒taa mai lo taamuda boito ode limongolio.

YAHYA 19:25

Totili losalipu li Isa tihutihulo tiilo li Isa, wutatiilo-Lio taabua, ti Maria dile lei Kleopas, wau ti Maria Mahadalena.

WUNGGULI LOMONGO RASULU 1:14

Ngoa̒amilalo laito wolo tuwau lohilao helo tia̒mbu wau hipodua̒awa. Timongolio lodua̒ pee̒-pee̒enta wolo mongobua teto tuwotuwoto ti Maria tiilo li Isa, wau wolo mongo wutati Isa.

LUKASI 23:55

Mongobua talonao̒ mai woli Isa lonto Galilea lodudua̒ olei Yusu wau lomilohe kuubulu boito. Timongolio olo loo̒onto woloolo mola milate li Isa pilopo balatio todelomo kuubulu.

LUKASI 23:49

Wau ngoa̒amila tamoo̒taawa woli Isa, tuwotuwoto mongobua talo dudua̒i o-Lio lonto Galilea, hitihula lonto u molamingo wau loo̒onto ngoa̒amilalo boito.

LUKASI 23:27

Dadaata taa tunu-tunuhe towulea li Isa – to wolotalio woluo olo dengolo lota mongobua. Mongobua boito hehiyonga wau hipo hilimutawa li Isa.

LUKASI 8:30

Ti Isa lohintu mao̒ totau boito, “Tatoonu tanggulumu?” “Tanggulo watia ‘Legiun’,” tametao̒ lotau boito – sababu woluo ngohuntua rohu u moleeto umaa tilumuwoto ode delomo batangalio.

MARKUSI 16:1

Tou̒ dulahu Saabati malo paluto, ti Maria Mahadalena, ti Maria tiilo lei Yakobus, wau ti Salome lonao̒ mota lotali mai pipii-delowaalo u polamahulo tomilate li Isa.

MATIUSI 4:24

Habari pasali li Isa boito malo loladu to ngoilanggubu lipu lo Siria, tilinggula dadaata taa lonao̒ mai ode o-Lio. Timongolio lodelo mai tau-tauwalo tahi duutola totoonulalo ngongoto u hidala-dalaala wau tahi suusawa. Tau-tauwalo tai̒lo tuanga lorohu u moleeto, tahe dudeetolo, didu mowali monao̒, ngoa̒amilalo piloo̒luli li Isa.