LUKASI 7:9 - KITABI HABARI MOPIOHE

⁹ Ti Isa lolinggolabe loo̒dungohe uito. Tio loili mao̒ wau lotahuda ode taa dadaata tadonggo hidudua̒ o-Lio, “Malo moo̒linggolabe tau botie. Penu boli towolota taulo Isirai̒lu diipo pee̒enta mao̒ Wau̒ loo̒dungga iimani debo odelo utie udaa̒lio!”

LUKASI 7:9 ပူးပေါင်းရင်းမြစ်များ

MATIUSI 15:28

Lapatao̒ ti Isa lotahuda mao̒ olio, “Ibu, otutu udaa̒ iimanimu! Huliaalo mao̒ motoduo mai wolo u otohilaamu!” To saaa̒tilo boito walao̒ taabua boito maloluli.

MATIUSI 8:10

Tou̒ ti Isa loo̒dungohe wolo uiloi̒ya lo polowila boito, Tio lolinggolabe daa̒. Lapatao̒ Tio malo tahuda ode tau-tauwalo tadonggo hidudua̒ o-Lio, “Hebati daa̒ tau botie. Boli towolota taulo Isirai̒lu diipo pee̒enta mao̒ Wau̒ loo̒dungga iimani debo odelo utie udaa̒lio!

MATIUSI 9:33

Ti Isa lopolahi mao̒ rohu u moleeto boito wau tosaaa̒tilo boito tau boito malowali lobisala. Taa dadaata boito malo linggolabe wau hipo loi̒yawa, “Diipo pee̒enta mao̒ ami heloo̒onto ulotoduo mai debo odelo utie to Isirai̒lu!”

LUKASI 7:10

Tou̒ tau-tauwalo tahe ilahulalio boito luli lohualingai ode bele lo polowila boito, wato boito maloluli.

LUKASI 7:50

Boti Isa lotahuda mao̒ to taabua boito, “Sababu yio̒ palacaya to ola-U̒, yio̒ mapiloa̒ahu. Ponao̒lo wolo damee!”

LUKASI 7:8

Sababu watia olo taa̒luku topalenta lotaa toitaato lowatia wau totibawa lowatia woluo olo mongo pajule tamusi taa̒luku topalenta lowatia. Wonu watia mopoa̒hu pajule ngota, ‘Monao̒!’ tio olo monao̒; wau wonu watia moloi̒ya ode tawewo, ‘Odia mai!’ tio olo monao̒ mai. Wau wonu watia momalenta wato lowatia, ‘Pohutua mao̒ utie!’ tio olo mopohutu uito.”