LUKASI 11:4 - KITABI HABARI MOPIOHE

⁴ Ambungua mai duduu-sawaalo mongowatotia, sababu mongowatotia olo hemo ngambungu timii̒du tau tao̒totala to mongowatotia. Wau diila mao̒ polulia mongowatotia oolia lo palacaya towakutu mongowatotia yimontalalio.’ ”

LUKASI 11:4 ပူးပေါင်းရင်းမြစ်များ

MATIUSI 26:41

Poo̒daha-dahaalo mao̒, wau podua̒lo mola alihu timongoli diila odungga lomalapo. Memangi rohumu ohilaa mohutu u otutu bo diila mambo timongoli, sababu pii̒li lomanusia boito molulupuhu.”

KOLOSE 3:13

Timongoli musi sabali ngota timongota, wau moa̒aa̒mbungua wonu woluo taa oniyati ode taawewo. Eeya wolo hilaa sanangi longambungu olimongoli, oditolio timongoli olo musi mohuto mongambungu ngota timongota.

MATIUSI 18:35

Ti Isa lopoo̒ pulitao̒ silitaa-Lio wolo tataa-heyaalo botie, “Odito olo ti Paapa-U̒ tosologa mopohutu mai olimongoli ngota-ngota, wonu timongoli diila mongambungu wutatumu wolo ihilasi.”

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

2 TIMOTIUS 4:18

Memangi Eeya mamopo lopato olau̒ monto motii̒du tolopani u moleeto ode olau̒. Tio mamodelo olau̒ wolo moa̒ahu ode delomo yilaidia-Lio tosologa. Mamusi Tio pou̒daa̒alo ohiheo-hiheolo mao̒! Amin.

2 TESALONIKA 3:3

Bo Eeya tatapu wau molotolo hilao, Tio mamo poo̒lotolai olimongoli wau moduo̒la olimongoli monto Ibilisi.

1 KORINTUS 10:13

Timii̒du yimontala uilolaasa lo Wutato yito yimontala ubiasa heo̒laasawa lomanusia. Bo Allahu Taa̒ala tatapu wau molotolo hilao todanti-Lio. Tio diila tamopoluli to Wutato yimontalalio lebe lou̒ omambowamu. Tou̒ Wutato odungga loimontala, Tio mamongohi mai dalalo olemu alihu Wutato mowali molotolo wau moo̒ tahangi.

YAHYA 17:15

Watia diila mohile alihu ti Paapa mohama mola olimongolio monto dunia botie, bo Watia mohile alihu ti Paapa modaha olimongolio monto Ibilisi.

LUKASI 22:46

Tulusi Tio lotahuda mao̒ olimongolio, “Yilongola timongoli bo hituluhe? Pobongulo wau podua̒alo mola alihu timongoli diila odungga loimontala.”

LUKASI 8:13

Bili u lobiihuta to hibotu-botua debo odelo taa u towakutu lodungohe habari boito, lololimo wolo hilaa sanangi. Bo habari boito diila longuwaa̒to todelomo hilaa limongolio. Timongolio palacaya bo ngopee̒ mola. Wau tou̒ yimontala meidungga timongolio momaahu.

HOSEA 14:2

Muli pohualingolo ode Eeya Allahu Taa̒alaamu, wuu bangusa lo Isirai̒lu! Dusamu maa loo̒sababu olimongoli leihuluto wau lodehu.

DANIALI 9:19

Oo Eeya, dungohilo mai mongowatotia, wau ambungua mai mongowatotia, poo̒tuota mai mongowatotia wau hua̒a pohutualo mai! Diila mao̒ pohiiheo, alihu otaawa lotaa ngoa̒amila deu̒ Eeyaalo Allahu Taa̒ala. Sababu Yerusalemu wau umati lo Eeya yito miliki lo Eeya utolo-tolomodu.”

JABURU 25:18

Poo̒tuotilo mai dudutolo wau osuukali lowatotia, wau ambungualo mai ngoa̒amila dusa lowatotia.

WAHI 3:10

Masababu timongoli malo dudua̒ palenta-U̒ alihu moo̒olohu, Wau̒ olo mamoduo̒lai olemu monto maasa lou̒ mototolo u mamolemba ngoilanggubu dunia. Sua̒li boito mamotoduo mai u mohimontala ngoa̒amila tau todunia.

WAHI 2:10

Diila mao̒ oohe to dudutolo udiilalo mohiheo musi olaasawa limongoli. Eelai mao̒, Ibilisi mamopo tuwoto ngotayadi mongoli ode delomo tutupa u mohimontala olimongoli. Timongoli mamodutolo mopulu hui mola hiheolio. Mamusi timongoli tatapu wau molotolo hilao to ola-U̒ tunggula mate, yi Wau̒ mamongohi mai olemu tutumulo u tutuulio tutu wau ohiheo-hiheolo mao̒ odelo palaseni lo ohohaama.

JABURU 121:7

Eeyamamoduo̒lai olemu monto musiba, Eeya modaha olemu alihu tutumulumu moa̒ahu.

JABURU 25:11

Yaa Eeya, ambungualo mai watotia motuuu̒de wolo danti lo Eeya, sababu udaa̒ totala lowatotia.

BOHULO MONGO OLONGIA 8:36

potala monto sologa Eeya modungohe olimongolio. Wau ambungualo mai dusa umati lo Eeya Isirai̒lu wau olongia limongolio. Ambunguolo poo̒olata mai timongolio mohutu wolo u otutu. Lapatao̒ uito, yaa Eeya, potuhutalo mai didi ode lipu lo Eeya botie, lipu uiludu mai lo Eeya ode umati lo Eeya u lowali hakuulio ohiheo-hiheolo mao̒.

BOHULO MONGO OLONGIA 8:34

pohileaala dua̒ Eeya modungohe olimongolio tosologa. Pohileaala dua̒ Eeya mongambungu mai dusa umati lo Eeya botie, wau modelo olimongolio muli mohualinga ode lipu u mailudu mai lo Eeya ode loluuhuru limongolio.

ILOOWALI 48:16

Tiolo malai̒kati tamalo lopata olau̒ lonto totoonulalo baala. Hinta Allahu Taa̒ala boito mobalakati mai mongo walao̒ botie. Hinta tumumulo tulusi tangguluu̒ wau tanggulei Abraham wolei Isihaka masababu mongo walao̒ botie! Hinta owalaa̒a wombu mola, u dadaata todunia.”

LUKASI 11:5

Ti Isa lotahuda mao̒ to tahidudua̒ o-Lio, “Humayaalio ngotaalio limongolio monao̒ ode bele lo tamanilio to tomutaa̒ lou̒ hui, wau moloi̒ya, ‘Tamani bulotipo mai roti tolobotu,

LUKASI 13:4

Woloolo mola olo wolo mopulaa walulota tailate to Siloam, tou̒ monala boito lolemba olimongolio? Wolo uito tolantobi mongoli mopobayahei olimongolio lebe odusa wolo tau-tauwalo wewo tabilu-biluloa̒ to Yerusalemu?