LUKASI 10:4 - KITABI HABARI MOPIOHE

^4-5 Diila podelo dompeti meaalo bututu losadaka, meaalo sapatu. Diila mao̒ pohuheli tohuungo dalalo u mosalamu penu boli to ngotaalio olo. Wonu timongoli tumuwoto tobele ngowale, polelea mao̒ mulomulo, ‘Pohileaala dua̒ moa̒ahulo tato delomo bele botie.’

LUKASI 10:4 ပူးပေါင်းရင်းမြစ်များ

LUKASI 22:35

Lapatao̒ uito ti Isa lotahuda mao̒ ode limongolio, “Muloololio mai tou̒ Wau̒ lolao olimongoli lou̒ diila lopoluasi olimongoli helodelo dompeti, bututu meaalo sapatu, wolo timongoli ilopulita lolo-loolo?” “Diila!” tametao̒ limongolio.

OLUO MONGO OLONGIA 4:29

Tei Elisa loili mao̒ odelei Gehasi lapatao̒ loloi̒ya, “Aliheo̒! Hamaawa mao̒ tungguduu̒ wau lato ponao̒lo ode bele li Ibu botie. Diila mao̒ pohuheli mongohi salamu penu boli olo tatoonu taa odunggaamu todalalo. Wonu taa mongohi salamu olemu, diila mao̒ poboyu u momaalasi salamulio. Tou̒ meidungga mota, hua̒a podutua tungguduu̒ towawaao̒ lowalao̒ boito.”

POHUMAYA 4:25

Maamusi bayamu mopotinelao̒ ojuujulu lo hilaamu; diila palalu yio̒ motitihutu debo odelo ohele to walungo botu.

OLUO MONGO OLONGIA 4:24

Lapatao̒ tio lopohuli lopolana tokolodai boito, tio loloi̒ya mao̒ ode tamoomayawa olio, “Polinggahe mota kolodai botie alihu teteei̒o molinggahe daa̒; diila mao̒ ilangia linggahio wonu diila ahulau̒.”

BOHULO SEMUEL 21:8

Lapatao̒ malohintu tei Dauda odelei Ahimelek, “Wolo ti Paaa̒ tahutahu totobuo̒ meaambo wamilo u mowali pomake lowatia? Palenta li Baginda boito bolo tilimahuo̒lo mola tilinggula watia lomonggata wolo tametamea̒a daa̒ wau diilalo ilohiyango helohama wamilo meaambo tingolo uwewo.”

ILOOWALI 24:56

Bo wato boito loloi̒ya mao̒, “Diila mao̒ polaahangi olaatia. Eeya mohutu nonao̒ lowatia ohaasili; poluasia mai watia mohualinga odeli tuani lowatia.”

ILOOWALI 24:33

Tou̒ ua̒alo mapilo hintalio mao̒, wato boito loloi̒ya, “Watia diila tamo lamela tou̒ diipo mopo tunggulai tahuli udilelo mai lo watia.” Ualei Laban, “Toduwolo mobisala.”

MARKUSI 6:7

Tio lotiangai mopulaa duulota tahidudua̒ o-Lio, tulusi lolao olimongolio duduulota wau longohi kawasa olimongolio u mopohinggi roroo-huwaalo u moleeto.