LUKASI 1:9 - KITABI HABARI MOPIOHE

⁹ Wolo undiyani, u biasaalio hepohutuo mao̒ lomongo iimamu, tei Jakaria tilunulio u tumuwoto ode delomo Bele lo Eeya wau molapo alama.

LUKASI 1:9 ပူးပေါင်းရင်းမြစ်များ

BOHULO TAWARI 23:13

Tei Amram yito tiyamo lei Haruna wolei Musa. (Tei Haruna wau waliilio mai u ohiheo-hiheolo mao̒ mapilopo tolomodulio u monguulusi pakaa-kasiyaalo poi̒baadatiala, momobu dupa ode Eeya, momaya to Eeya wau mobalakati ulipu to tanggulo Eeya.

BOHULO TAWARI 6:49

Tei Haruna wau waliilio mai hio̒ tuugasia momobu dupa, mopodewo bake yilalango toitaato mesba, mohutu mao̒ totoonulalo upacala hidala-dalaala to Huwali Leidaa̒ Laba-labaalo mantali, wau mopodewo bake polulutalo dusa umati lo Isirai̒lu. Ngoa̒amilalo boito hepohutuo limongolio lotuuu̒de wolo toonula potuhata uilohi mao̒ lei Musa wato lo Allahu Taa̒ala.

OLUO TAWARI 26:16

Tou̒ tei Ujia lolotoola mola, yi tio lowali batingga, wau uitolo uloo̒ sababu oa̒antululio. Tio helo lambanga palenta lo Eeya Allahu Taa̒alaalio sababu tilumuwota ode Bele lo Eeya helomobu dupa toitaato mesba lodupa.

OLUO TAWARI 29:11

Mongo walau̒uu̒, diilaalo mao̒ hetonggo-tonggola, sababu timongolilo tatilulaoto Eeya u moi̒baadati wau motiwato to Eeya, wau momobu dupa, boli motitau̒wa to ulipu u moi̒baadati ode Eeya.”

YIA̒APO 16:40

Uito debo odelo poe̒ela ode bangusa lo Isirai̒lu deu̒ ngopohia wali lei Haruna, diaaluo penu boli ngotaa mao̒ tamowali monao̒ mai ode mesba u momobu mao̒ dupa ode Eeya. Taa u molambanga wuu̒du boito mapo binasaalo debo odelo tei Kora wau tahidudua̒ olio. Ngoa̒amilalo boito pilohutu mao̒ debo odelo upilo malentai lo Eeya odelei Eleajar lotimbulude olei Musa.

MATIUSI 27:5

Tei Yudas lopo mahulo doi boito ode delomo Bele lo Eeya, tulusi mota lopontayungo batanga.

IBRANI 9:6

Odieelo mola ngoa̒amilalo ilatululio. Timii̒du dulahu mongo iimamu tumuwoto ode delomio to ambahu talu lokema boito u moponao̒ tuugasi limongolio.

BOHULO SEMUEL 2:28

Lonto totoonulalo suku lo Isirai̒lu matilulaotu-U̒ ngaalaa̒lio lowali iimamu-U̒, u momaya tomesba, momobu totabu, wau momake boo̒ lo epod wonu mobisala wola-U̒. Wau to limongolio boli wali limongolio mailohiya-U̒ haku u mohama mao̒ ngotayade monto bake podewo u yilalango tomesba.