KOLOSE 4:6 - KITABI HABARI MOPIOHE

⁶ Mamusi susuu-aliyaalo uiloi̒ya limongoli laito moo̒sanangi wau moo̒heinga. Mamusi otaawa mao̒ limongoli woloolo mola patutilio molameta totoonulalo yiyintu lotau.

KOLOSE 4:6 ပူးပေါင်းရင်းမြစ်များ

BOHULO TAWARI 16:24

Wungguliyalo odudaa̒a-Lio ode babaa-ngusawalo, wau totoonulalo huhutuu-Lio umolotolo boli buheli daa̒ ode umati lomanusia.

JABURU 105:2

Polahua mola poloilaalo momuji ode Eeya, pohabariyalo totoonulalo ilomata lo Eeya u moo̒linggolabe.

JABURU 119:13

Wolo suala daa̒ watia mopo malalumu ngoa̒amila butoo̒ u yiludu mai lo Eeya.

JABURU 119:46

Wuu̒du lo Eeya mapololadu lowatotia ode mongo olongia, wau watotia diila tamoo̒ toduo mai woolito.

JABURU 45:2

Tataa-heyaalo mopiohu yilumepato lonto hilaau̒, pilodewou̒ lahuuu̒ odeli olongia. Debo odelo pena ngotaalio lo pujangga tamoolato, dilau̒ dapadapato molapalao̒ sai̒ri.

JABURU 66:16

Ponao̒olo mai wau dungohilo, wuu ngoa̒amila bangusa taa hisaalea, masilita mai lowatia mai wolo u hepilohutu lo Allahu Taa̒ala ode laatia.

POHUMAYA 10:21

Loi̒ya lotaa u mopiohu, debo odelo balakati ode taa dadaata; oohulodu lo taa mohulodu momate-mateelo mao̒ batangalio lohihilao.

POHUMAYA 15:4

Tataa-heyaalo lotaa mopiohu moo̒duhenga sumaangati, tataa-heyaalo u moo̒ngongoto hilao mopo lupuhu sumaangati.

POHUMAYA 15:7

Tataa-heyaalo lotaa molinepo polupolu lo pongotota, bo pikiilangi lotaa mohulodu diila odito.

TAMOO-HUTUBAWA 10:12

Lapali lotaa molinepo mohutu olio hurumatiolo, bo taa mohulodu mabinasa sababu loloo-iyaalio lohihilao.

YEHESKIEL 43:24

lapatao̒ deloa mai ode Olau̒. Mongo iimamu musi momua̒yadeo̒ watingo ode yitaato binatangi boito duuduluo wau molumbilao̒ mowali bake ode Olau̒.

IMAAMATI 2:13

Timii̒du bake pohinta musi watingaalo, sababu watingo odelo tuoto Daantia lo Allahu Taa̒ala woli mongoli. Oditolio ngoa̒amila dewo musi watingaalo.

MATIUSI 5:13

“Timongoli watingo lodunia. Wonu watingo diilalo olamita, wolo donggo mowali poo̒ panggelolo? Diduluo mao̒ hunalio, bo mapomahulio wau podudutaa̒ lotau.

MARKUSI 9:50

Watingo boito mopiohu, bo wonu didu olamita, tingga donggo mowali muli poo̒ panggelolo? Oditolio mamusi timongoli mowali debo odelo watingo – poti tumulolo pee̒-pee̒enta wolo mopiohe wau dame.”

LUKASI 4:22

Tataa-heyaalo u yilapali-Lio mopiohe daa̒, tilinggula timongolio lolinggolabe wau lodaha o-Lio. Timongolio maloloi̒ya, “Diila bo walae̒e Yusu Tio botie?”

EPESUS 4:29

Wonu timongoli mobisala, diila mao̒ pomake tataa-heyaalo u kootolo. Pomakea mao̒ wambai̒o tataa-heyaalo umopo dulungo wau u motulungi taa wewo. Tataa-heyaalo debo odelo uito mamoo̒ toduo mai u mopiohu titau-tauwalo tamo dungoheo̒.

TINGULI 11:19

Pongaajalia mao̒ tomongo walai̒ mongoli. Bisalaawa mao̒ todelomo bele wau to bulemengo bele, tou̒ mohuheli wau tou̒ mokalaja.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

1 PETRUS 3:15

Bo todelomo hilaamu, mamusi timongoli mongohi li Almasi polo hulumati u tolomodu umotuu̒de wolo huhuloa̒-Lio odelo Eeya. Wau mamusi timongoli laito dapadapato mongohi tameto to timii̒du taa mohintu tomimbihu halapani u mililiki limongoli.