KOLOSE 4:5 - KITABI HABARI MOPIOHE

⁵ Todelomo wumbuta limongoli wolo tau-tauwalo tadiila palacaya, mamusi timongoli tumumula molinepo wau momake timii̒du hiyangio lou̒ mopio-piohulo mao̒.

KOLOSE 4:5 ပူးပေါင်းရင်းမြစ်များ

JABURU 90:12

Pongalatiyalo mai mongowatotia lo ololimbui̒o tutumulo botie alihu mongowatotia mowali taa u obudi.

DANIALI 2:8

Loo̒dungohe uito ti olongia malo lametao̒, “Tiluhata debo odelo u yilantobuu̒. Timongoli bo hemo polohu-lohudu wakutu wambai̒o, sababu otaawa limongoli deu̒ wau̒ omakusudu

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

MARKUSI 4:11

Yi ti Isa lotahuda mao̒ olimongolio. “Timongoli mailohia mai ponu lo Eeya u motota mao̒ hitua-hituawua u milakusudu hetuuo̒lo tomimbihu woloolo mola Allahu Taa̒ala momalenta. Bo tau-tauwalo bulemengio hei̒laajali wolo pohumaya,

ROMA 16:19

Ngoa̒amila tau malotota deu̒ timongoli tatapu wau motolo hilao to pongaajali pasali lo Habari Mopiohe ulonto Allahu Taa̒ala. Wau watia sanangi tosua̒li boito tomimbihu olimongoli. Otohilaa lowatia alihu timongoli molinepo tomimbihu susuu-aliyaalo umopiohe, wau mohulodu tomimbihu susuu-aliyaalo u moleeto.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

1 TESALONIKA 4:12

Wonu timongoli tumumulo odito, timongoli diila motiwunela penu boli olo tatoonu, wau tau-tauwalo tadiila palacaya li Almasi, mamo hulumati olimongoli.

1 TIMOTIUS 3:7

Tio mamusi taa otilanggula mopiohe todelomo ulipu; sababu wonu diila odito, yi tio mahinaa lotau, tilinggula modehu to uluu̒ lo Ibilisi.

YAKOBUS 1:5

Wonu woluo ngotaalio to wolotamu diila botie molinepo, mamusi tio mohile monto Allahu Taa̒ala, yi Allahu Taa̒ala mamongohi mai tinepo olio; sababu ode timii̒du tau, Allahu Taa̒ala mongohi mai wolo muula lohilao wau wolo pongolaasa hilaa hilao.

YAKOBUS 3:13

Wonu to wolotamu woluo taa molinepo wau obudi, mamusi tio mopo biloheo̒ wolo tutumulo mopiohe wau lou̒ mohutu susuu-aliyaalo umopiohe, wau tunutunuhu lohilao dupadupapa wau tinepo.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.

1 PETRUS 3:1

Odito olo timongoli, mongo dile taabua, musi taa̒luku todile talolai̒ alihu wonu towolota limongolio woluo tadiila palacaya tohabari monto Allahu Taa̒ala, pii̒limu moo̒hutu olimongolio mowali palacaya. Wau diila palalu timongoli moloi̒ya wolo-wolo olimongolio,