KOLOSE 4:2 - KITABI HABARI MOPIOHE

² Mamusi timongoli modua̒ mola wolo moo̒olohu wau motidapa-dapatolo mao̒, sambela molapali oduo̒lo ode Allahu Taa̒ala.

KOLOSE 4:2 ပူးပေါင်းရင်းမြစ်များ

AYUBA 15:4

Humayaalio tabibomu boito dudua̒alo, diaaluo penu boli ngotaa mao̒ tamoohe muli meaalo modua̒ mola to Allahu Taa̒ala.

JABURU 109:4

Timongolio helo potuludu olaatia, eleponu watia motolia̒ngo toli mongolio, wau malodua̒ mola toli mongolio.

MATIUSI 26:41

Poo̒daha-dahaalo mao̒, wau podua̒lo mola alihu timongoli diila odungga lomalapo. Memangi rohumu ohilaa mohutu u otutu bo diila mambo timongoli, sababu pii̒li lomanusia boito molulupuhu.”

MARKUSI 13:33

Oditolio timongoli musi mopoo̒ daha-dahaalo mao̒ wau eelailo mola, sababu diila otaawa limongoli omolua wakutuulio.

LUKASI 18:1

Lapatao̒ uito ti Isa lohungguli mao̒ pohumaya tuwau u longaajali to tahidudua̒ o-Lio alihu timongolio laito modua̒ wau diila mao̒ mopulito halaapani.

LUKASI 21:36

Poo̒daha-dahaalo mao̒, wau podua̒alo laito alihu timongoli moo̒ tahangi tou̒ ngoa̒amila sua̒li de motoduo mai wau timongoli mowali motaalua lo Walao̒ Manusia.”

WUNGGULI LOMONGO RASULU 1:14

Ngoa̒amilalo laito wolo tuwau lohilao helo tia̒mbu wau hipodua̒awa. Timongolio lodua̒ pee̒-pee̒enta wolo mongobua teto tuwotuwoto ti Maria tiilo li Isa, wau wolo mongo wutati Isa.

ROMA 12:12

Mamusi Wutato motiwunela to Eeya wolo wengahu, posabalilo todelomo usuusa, wau poti otutuulo modua̒.

EPESUS 6:18

Pohutuwalo mao̒ ngoa̒amilalo boito sambela modua̒ mola u mei̒ tulungi mai monto Allahu Taa̒ala. To timii̒du ohiyango, podua̒alo odelo woloolo mola Rohullah helodelo olimongoli. Mamusi timongoli laito dapadapato wau diila mao̒ potaa̒luku. Podua̒alo laito duo̒lo umati lo Allahu Taa̒ala.

PILIPI 4:6

Diila polawalo tomimbihu penu boli wolo. Todelomo totoonulalo sua̒li, podua̒alo wau wudua mola hihiilemu ode Allahu Taa̒ala. Wolo palaluo limongoli, poo̒taa mao̒ uito laito ode Allahu Taa̒ala wolo molapali mola oduo̒lo.

KOLOSE 1:9

Uitolo sababuulio amiaatia laito helodua̒ mola olimongoli anggadu amiaatia loo̒dungohe tomimbihu olimongoli. Pilolohone lamiaatia ode Allahu Taa̒ala alihu Rohullah mongohi mai tinepo wau huhama tilinggula timongoli motota mao̒ lou̒ wimu-wimumuto ngoa̒amilalo wolo u otohilaa lo Allahu Taa̒ala.

KOLOSE 2:7

wau monguwaa̒ta to o-Lio. Mamusi timongoli momongu tutumuli mongoli woli Almasi odelo patoi̒o. Mamusi timongoli lebe palacaya mao̒ li Almasi, modudua̒ wolo u mapilo ngaajali olimongoli. Wau mamusi hilaa limongoli daata-daatalo mao̒ wolo lapali oduo̒lo.

KOLOSE 3:15

Mamusi totoonulalo putusani limongoli tantuo mao̒ lo odudame uilohi mai li Almasi todelomo hilaa limongoli. Sababu Allahu Taa̒ala lotianga olimongoli u lowali pongawaa̒ lou̒ ngobatanga, alihu timongoli tumumulo todelomo odudame monto li Almasi boito. Mamusi timongoli mosukuru mola.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

KOLOSE 4:12

Salamu lonto olei Epapras. Tio olo lonto waiti mongoli. Tio wato li Isa Almasi, talaito hemodua̒ mola lou̒ tatapu wau molotolo hilao ode limongoli. Hepilo hilelio wolo tio̒otutua to Allahu Taa̒ala alihu iimani limongoli mowali molotolo wau timongoli tio̒otutua mowali moontapo, alihu timongoli lou̒ wimu-wimumuto ngoa̒amilalo modungohe tou̒ otohilaa lo Allahu Taa̒ala.

1 PETRUS 4:7

Totoonulalo u hitua-tuawua malembidei opopulitio, sababu uito mamusi timongoli motolo kawasa mao̒ batanga wau mopoo̒daha, alihu timongoli moo̒dua̒.

BOHULO SEMUEL 1:12

Lohiheo daa̒ ti Hana helodua̒, wau tei Eli hemopoo̒ tuotao̒ biihio lotaabua boito.

BOHULO SEMUEL 12:23

Tomimbihu batangau̒, pohileaala dua̒ wau̒ diila bolo odusa to Eeya sababu diila helodua̒ mao̒ olimongoli. Bolii̒o mao̒ wau̒ olo madebo mopoo̒latao̒ olimongoli susuu-aliyaalo u mopiohe wau u otutu.