KOLOSE 4:12 - KITABI HABARI MOPIOHE

¹² Salamu lonto olei Epapras. Tio olo lonto waiti mongoli. Tio wato li Isa Almasi, talaito hemodua̒ mola lou̒ tatapu wau molotolo hilao ode limongoli. Hepilo hilelio wolo tio̒otutua to Allahu Taa̒ala alihu iimani limongoli mowali molotolo wau timongoli tio̒otutua mowali moontapo, alihu timongoli lou̒ wimu-wimumuto ngoa̒amilalo modungohe tou̒ otohilaa lo Allahu Taa̒ala.

KOLOSE 4:12 ပူးပေါင်းရင်းမြစ်များ

MATIUSI 5:48

Allahu Taa̒ala limongoli tosologa momonu mai ngoa̒amila tau wolo wimu-wimumuto ngoa̒milalo. Timongoli olo musi odito.”

LUKASI 1:1

Teopiilus taa u obudi, Dadaata tau malo tolopani loluladei wolo aa̒atulu tomimbihu popoo-lou̒tiyalo u mailowali mai to huungonto.

LUKASI 22:44

Ti Isa lodutola daa̒ lohilao tilinggula Tio helebe tio̒otutua lodua̒. Wula-Tio debo odelo duhu u hilumeheta ode huta.]

YAHYA 12:26

Taa u motohilaa momaya ola-U̒ musi modudua̒ ola-U̒; alihu tamoomayawa ola-U̒ mowali pee̒-pee̒enta wola-U̒ tou̒toonu Wau̒ woluo. Taa u momaya ola-U̒ mahulumatio li Paapa-U̒.”

ROMA 15:14

Mongo wutatuu̒! Watia yakini deu̒ woluo dadaata daa̒ sua̒li u mopiohe olimongoli. Otaawa limongoli olo totoonulalo u hitua-tuawua wau mowali mongaajali olo ngota-timongota.

ROMA 15:30

Domi Eeyanto ti Isa Almasi, wau domi ponu uilohi mai lo Rohullah, pohile lowatia tio̒otutua olimongoli, hinta timongoli olo modua̒ mola otu-otutuulo mao̒ pee̒-pee̒enta lowatia to Allahu Taa̒ala ode laatia.

1 KORINTUS 14:20

Mongo wutato! Diila mao̒ pomikiilangi odelo tau̒kekei̒. Todelomo sua̒li u moleeto, mamusi timongoli tatapu debo odelo tau̒kikiio̒. Bo todelomo pikiilangi, mamusi timongoli debo odelo taa u malei̒daa̒.

1 KORINTUS 2:6

Eleponu odito, towolota lotaa hitumula rohanilio maloontapo, watia memangi helo bisala tomimbihu lotinepo. Bo tinepo botie, diila tinepo lodunia, meaalo tinepo lo tahidihima kawasa tojamani botie, u okokawasalio mamooli.

2 KORINTUS 13:11

Pulitio mao̒, Mongo wutato, mamusi timongoli motiwengahe, wau potolo panilo mowali wimu-wimumuto ngoa̒amilalo. Tolimowalo ngoa̒amila naseehati lowatia. Mamusi timongoli ngohilao wau tumumula mopiohe wau dame. Allahu Taa̒ala Taa Laba-labaalo ponu wau tamoo-podamea boito mapee̒-pee̒enta woli mongoli.

GALATIA 1:10

Wolo tingga woleeto boito watia oontonga mao̒ debo odelo mei̒ pasisi tomanusia? Sama-samaata diila! Watia bo motiwunelo pasisio mai lo Allahu Taa̒ala. Wolo watia donggo hemo tolopani mohama hilaa lomanusia alihu aahudu lotau? Wonu watia donggo hemohutu odito, watia diila wato li Almasi.

GALATIA 4:19

Mongo walau̒uu̒ taa otolia̒nguu̒! Watia masaatia botie luli lodutolo sababu timongoli. Watia helo dutolo debo odelo tiilo ngota lodutolo tou̒ mamo potutu mai. Watia mamo dutolo tulusi wonu pii̒li li Almasi diipo meilodungo tobatanga limongoli!

KOLOSE 1:22

Bo botia, wolo opopate lo Wala-I̒o, Allahu Taa̒ala lohutu mai wumbuta limongoli wo-Lio lowali luli lopiohe. Wolo dudelo boito timongoli lowali dilelo-Lio lotaalua Allahu Taa̒ala todelomo owowoluwoa u mantali, belesi wau diila oa̒abu.

KOLOSE 1:28

Ti Almasi boitolo tahe pohabario lamiaatia ode timii̒du tau. Amiaatia helo poe̒ela wau longaajali olimongolio ngoa̒amilalo wolo totoonulalo tinepo. Patuju lamiaatia yito alihu timii̒du tau mowali deloolo ode Allahu Taa̒ala, odelo taa u moontapo todelomo susuu-aliyaalo rohu, sababu malo tituwau woli Almasi.

KOLOSE 1:29

U mongaato sua̒li boito watia helo kalaja tio̒opatea. Watia helo hipate wolo ngoa̒amila lotolo uilohi mai li Almasi olaatia wau ukala-kalaja todelomo batanga laatia wolo polupolu lokawasa.

KOLOSE 1:7

Sua̒li boito pilo tunggulai ode Wutato lei Epapras, sahabati taa otolia̒ngo lamiaatia. Tio yito tahemo kalaja duo̒li Isa wau tahemo kalaja ode polohuna daa̒ olanto.

KOLOSE 1:9

Uitolo sababuulio amiaatia laito helodua̒ mola olimongoli anggadu amiaatia loo̒dungohe tomimbihu olimongoli. Pilolohone lamiaatia ode Allahu Taa̒ala alihu Rohullah mongohi mai tinepo wau huhama tilinggula timongoli motota mao̒ lou̒ wimu-wimumuto ngoa̒amilalo wolo u otohilaa lo Allahu Taa̒ala.

KOLOSE 4:9

Tei Onesimus mamonao̒ pee̒-pee̒enta wolei Tikhikus; tio ngotaalio lowaiti mongoli. Tio taa utatapu wau molotolo hilao, wau amiaatia motolia̒ngio. Tio wolei Tikhikus mamo poo̒taa mai olimongoli totoonulalo u hitua-tuawua uilowali totambati lowatia botie.

1 TESALONIKA 5:23

Pohileaala dua̒ Allahu Taa̒ala lohihilao talongohi olanto salaamati, mopowali mai olimongoli taa u tio̒otutua tumumulo tolomodu ode Allahu Taa̒ala. Pohileaala dua̒ Allahu Taa̒ala modaha mai batanga limongoli ngoilanggubulo mao̒, mopio rohu, nyawa meaalo wawai̒ mongoli, tilinggula diila o aibulio tou̒ Eeyanto Isa Almasi muli meidungga mai.

PILEMON 1:23

Tei Epapras, tawoluo pee̒-pee̒enta wolaatia todelomo tutupa sababu ti Isa Almasi, lolao salamulio olemu.

IBRANI 5:14

Ua̒alo u motoheeto yito ode taa leidaa̒ u sababu pongalamani, maloo̒ pohihiideo̒ toonu u mopiohe wau toonu u moleeto.

IBRANI 5:7

Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.

YAKOBUS 1:1

Mongo wutato umati lo Allahu Taa̒ala ngoa̒amilalo taloo̒-loo̒opo to ngoilanggubu dunia! Salamu lonto olaatia, Yakobus, wato lo Allahu Taa̒ala wau wato lo Eeya Isa Almasi.

YAKOBUS 1:4

Poo̒dahai mao̒ alihu otaaba lohilaamu boito tulusi molaio̒ dilumutu timongoli tio̒otutua mowali wimu-wimumuto tutu wau diila okulangia penu boli todelomo sua̒li loolo.

YAKOBUS 5:16

Sababu uito, mamusi timongoli mongaa-ngaakua totala wau moduu-duua̒wa mola, alihu timongoli poo̒luli-Lio mai. Dua̒ lotaa umodudua̒ u otohilaa lo Allahu Taa̒ala okawasa daa̒.

2 PETRUS 1:1

Mongo wutato tao̒tu-otutuulo mao̒ palacaya debo odelo amiaatia! Ti Isa Almasi, deu̒ito-yito Allahu Taa̒ala wau Olongia Tamopo-poa̒ahua olanto, lopoluasi mai olanto palacaya to o-Lio, sababu Tio helohutu u otutu. Tulade botie lonto olei Simon Petrus, ngotaalio lowato wau rasulu li Isa Almasi.

YUDAS 1:24

Allahu Taa̒ala, tamambo modaha mai alihu timongoli diila modehu, wau tamambo modelo olimongoli ode talu-Lio u molamahu wolo weengahe wau lou̒ diila oa̒aibu.