KOLOSE 4:10 - KITABI HABARI MOPIOHE

¹⁰ Tei Aristarkus, tawoluo todelomo tutupa pee̒-pee̒entaa wolaatia, lolao salamu ode limongoli. Odito olo tei Markusi, walao̒ mohutato wolei Barnabas. (Timongoli mailaolaa habari u molutulao̒ olio wonu tio monao̒ mai ode limongoli).

KOLOSE 4:10 ပူးပေါင်းရင်းမြစ်များ

WUNGGULI LOMONGO RASULU 12:12

Tou̒ malo ngalati lo owowoluwoa boito, tei Petrus lonao̒ mota ode bele li Maria, tiilo lei Yahya tailuntelio olo Markusi. Mota teto ngohuntua tahia̒mbua wau donggo hipodua̒awa.

WUNGGULI LOMONGO RASULU 12:25

Lapatao̒ tei Barnabas wolei Saulus lopoo̒ lapato kalaja limongolio, timongolio luli lohualinga lonto Yerusalemu wolo lodelo olei Yahya Markusi pee̒-pee̒enta woli mongolio.

WUNGGULI LOMONGO RASULU 13:13

Lonto Papos, tei Paulus wau mongo sahabatilio lobite ode Perga to Pampilia. Mota teto tei Yahya Markusi lololaa mao̒ olimongolio, tulusi luli lohualinga ode Yerusalemu.

WUNGGULI LOMONGO RASULU 13:5

Tou̒ leidungga mola ode Salamis, timongolio helo pohabari tahuda lo Allahu Taa̒ala to bebee-leyaalo potabiaala lo Yahudi. Tei Yahya Markusi lomantu olimongolio tononao̒ limongolio.

WUNGGULI LOMONGO RASULU 19:29

Yi tolonggalo boito lololadu lomola ode ngoilanggubu kota. Lapatao̒ woomboa lo tahipo tolonggaloa boito malo heu̒pa olei Gayus wolei Aristarkus, deu̒ito-yito tau-tauwalo Makedonia tahe lohiyo olei Paulus todelomo nonao̒lio, lapatao̒ lodedea̒ mola olimongolio ode tanalapa lokota boito.

WUNGGULI LOMONGO RASULU 20:4

Tei Sopater walae̒e Pirus u asaliilio mai lonto Berea lonao̒ pee̒-pee̒enta wolio; odito olo tei Aristarkus wolei Sekundus taulo Tesalonika, wau tei Gayus taulo Derbe. Tei Timotius olo tei Tikhikus wolei Tropimus, tau-tauwala lonto polopinsi Asia.

WUNGGULI LOMONGO RASULU 27:2

Ami lotitae̒ to kaapali u leidungga mai lonto Adramitium, lapatao̒ lomonggato wolo kaapali boito umalei dapato mobite mola ode raraa-buwaalo to polopinsi lo Asia. Tei Aristarkus, ngotaalio lo Makedonia talei dungga mai lonto Tesalonika, lobite olo pee̒-pee̒enta wolami.

WUNGGULI LOMONGO RASULU 4:36

Odito olo wolei Yusu. Tio olo lopotali huta milikilio, tulusi halagaalio boito dilelolio wau yilohilio ode mongo rasulu. Tei Yusu botie yito ngotaalio wali mai lei Lewi lonto Siprus, mongo rasulu longunte olio olo Barnabas (boliilio Tamoo-liyango).

ROMA 16:2

Tolimoa mao̒ tio odelo tala ngota umati lo Eeya. Memangi odieelo mola tau-tauwalo tapalacaya ode Allahu Taa̒ala waajibu mololimo ngota timongota. Tulungia mao̒ tio, wonu tio mei̒ tulungi olimongoli, sababu tio lohihilao malomantu taa dadaata – leituoto olo watia.

ROMA 16:7

Potunggula mao̒ olo salamu lowatia odelei Andronikus wolei Yunias. Timongolio ngosuku ngobangusa wolaatia wau mapee̒enta tilumuwoto ode tutupa pee̒-pee̒enta wolaatia. Tou̒ watia diipo palacaya li Isa Almasi, timongolio maleimulo palacaya. Timongolio otaawa lotaa dadaata towolota lomongo rasulu.

2 TIMOTIUS 4:11

Bo tei Lukasi talo titolaa mao̒ wolau̒. Yimailo mao̒ tei Markusi wau delowa mai tio wolemu, sababu tio mowali momantu kalajau̒.

PILEMON 1:23

Tei Epapras, tawoluo pee̒-pee̒enta wolaatia todelomo tutupa sababu ti Isa Almasi, lolao salamulio olemu.

PILEMON 1:24

Tolimowa mao̒ olo salamu lomongo tamani lowatia; Markusi, Aristarkus, Demas wolei Lukasi.

1 PETRUS 5:13

Mongo tamani ngojamaa̒ to Babiloni, tao̒lo tilulaoto Allahu Taa̒ala, lolao salamu olemu; odito olo walau̒uu̒ tei Markusi taa tao̒tolia̒ngo.