KOLOSE 4:1 - KITABI HABARI MOPIOHE

¹ Mongo wutato tamowali tuani! Mamusi timongoli mopohutu mao̒ mongo wato limongoli lou̒ otutu wau aadili. Poo̒toloma mao̒ deu̒ timongoli olo otuani ngota tosologa.

KOLOSE 4:1 ပူးပေါင်းရင်းမြစ်များ

TAMOO-HUTUBAWA 5:8

Tumbao̒ tutumulo li olongia olo wunewunela monto tilapulo sembo.

YESAYA 58:3

Bangusa boito lohintu, “Wolo hunalio mopuasa wonu Eeya diila moo̒onto mai? Wolo hunalio ito motidupapa batanga wonu Eeya diila mopoo̒ tuotai?” Eeya lotahuda mai, “Tutuulio tutu, tou̒ timongoli donggo hipuasaawa, timongoli hemololohe untungi ode batangamu lohihilao wau hemohama untungi dadaata daa̒ totau-tauwalo tahe wuupamu.

IMAAMATI 19:13

Diila mao̒ pohama untungi daa̒ ode timongotamu meaalo molambata barangilio. Wuupa lo ngotaalio tahemo kalaja to olemu diila mao̒ otonga limongoli penu boli bo ngohui.

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

MATIUSI 20:4

Yi tio loloi̒ya mao̒ ode limongolio, ‘Ponao̒lo mola timongoli mokalaja to ilengi lo angguruu̒. Wau̒ mamo mayali olimongoli wolo wuupa u patuti.’

LUKASI 19:15

Bo tabangusa boito piluduio̒ lowali olongia, lapatao̒ luli lohualingai ode lipulio. Hua̒a tiliangio tamoomayawa olio mai lotaalua wolio, alihu otaawalio ngoolo mao̒ pae̒eda u malotapu limongolio.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

YAKOBUS 5:4

Timongoli diila hemo mayali wuupa lotau-tauwalo tahemo kalaja to halabolumu. Botia dungohilo poloi̒laalo suusa limongolio! Tau-tauwalo tahipo himoa̒ tilapula lo halabolumu hiwatia̒ mei̒ tulungi wau wuwaatii̒ mongolio mai̒lo dungohe lo Allahu Taa̒ala, Eeya Taa Laba-labaalo kawasa.

WAHI 17:14

Timongolio mamopaatea moluwali Walao̒ Himba boito. Bo Walao̒ Himba boito wolo tahidudua̒ o-Lio utatapu wau molotolo hilao tamaa tiliya-Ngio wau tilulao-Tio boito mamo poo̒laaheo̒ mongo olongia boito, sababu Tiolo Eeya lou̒ totoonulalo tuani, wau Olongia lou̒ totoonulalo olongia.”

WAHI 19:16

Tojumba-Lio wau to bungolopa-Lio tulatulade tanggulo utie, “Olongia totoonulalo olongia, wau Eeya totoonulalo tuani.”