KOLOSE 3:9 - KITABI HABARI MOPIOHE

⁹ Diila mao̒ pohimbulo ngota timongota, sababu tutumulo udeedelo wolo ngoa̒amila watadelio mailinggi limongoli.

KOLOSE 3:9 ပူးပေါင်းရင်းမြစ်များ

POHUMAYA 13:5

Taa juujulu molonuo̒ to wimbulo, pii̒li lotaa moleeto moo̒olito wau henteo̒lio.

YESAYA 63:8

Eeya lotahuda mai, “Otutu, timongolio yito umati-U̒, mongo walao̒ tadiila moo̒kikiio̒ hilao.” Yi Eeya mowali Tamoo-poa̒ahua olimongolio,

IMAAMATI 19:11

Diila mao̒ potao̒, mongaakali meaalo mohimbulo.

JEPANYA 3:13

Taulo Isirai̒lu tadonggo ilolabita, diila tamohutu u moleeto poli penu boli ode olita; timongolio diilalo mohimbulo wau diila olo mongaakali. Timongolio maa maa̒mulu wau moa̒ahu, wau diila molaasa moohe penu boli ode olita.”

JAKARIA 8:16

Uti-utieelo papaa-lentaalo u musi pohutuo limongoli: Wonu mobisala, poloi̒ya u otutu ode timongotamu. Wohia mao̒ polomutoo̒ u aadili wau u moo̒dame.

YAHYA 8:44

Ibilisi wambao̒ ti paapamu, wau timongoli mohuto modudua̒ u otohilaa lipaapamu. Tumulalo mai bohulio ibilisi boito moomatea mate-mateelo mao̒. Tio diila pee̒enta mao̒ motiwambao̒ ode u otutu, sababu diaaluo u otutu to olio. Wonu tio mohimbulo, uito mawaajibu, sababu mao̒dito pii̒liilio. Tio mohimbuloa wau bungo lou̒ totoonulalo yimbulo.

ROMA 6:6

Otaawanto deu̒ watadento udeedelo odelo manusia mapilate yila-yilateelo mao̒ pee̒-pee̒enta woli Almasi toa̒yu salipu alihu kawasa lo watadento u odusa boito antuluwolo; lou̒ odito ito diilalo pilowato lodusa.

EPESUS 4:22

Sababu uito yinggila mao̒ manusia deedelo wolo pohuli tutumulo deedelo udonggo herusaalio lou̒ totoonulalo ilohilaalio umopo lapalo.

EPESUS 4:25

Sababu uito Mongo wutato ngoa̒amilalo, diilalo pohimbulo. Potiwalilo juujulu ode ngota timongotalio, sababu ito ngoa̒amila yito tutuuwauwa pongawaa̒ lobatanga li Almasi.

KOLOSE 3:8

Bo botia mamusi timongoli molapi mao̒ susuu-aliyaalo u moleeto monto batanga limongoli: diilalo poingo, meaalo molilau meaalo o pongolaasa molonuo̒ ode taa wewo. Diila mao̒ poluwala sama-samaata monto tunggili mongoli loi̒ya u momuayo meaalo loi̒ya u kootolo.

1 TIMOTIUS 1:10

ode tau-tauwalo tahi hulotowa, homoseki, tamootao̒wa, tamoo himbulowa, mongo sakusi yimbulo, wau boli tatoonu wambai̒o tahipo hutua susuu-aliyaalo u bubuu-lemenga wolo pongaajali u otutu.

WAHI 21:27

Bo taa umohutu susuu-aliyaalo umoo̒ lonuo̒, meaalo taa u mohimbulo – limbui̒o mao̒ penu boli wolo unajisi wambai̒o, sama-samaata diila tatumuwota ode delomio. Tamaa tumuwotao̒ bo taa u tanggulio tulatulade todelomo Buku Taa Tumutumulo, buku lo Walao̒ Himba boito.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”

WAHI 22:15

Bo tau-tauwalo tahi pohutua susuu-aliyaalo u hina, tahi pomakea ii̒i-limiyaalo gaibu, wau tau-tauwalo tahi pohutua huhuu-hutuwaalo u huloto, tamoomatea mate-mateelo mao̒, tahi polubowa balaahala, wau tau-tauwalo tahi pohimbuloa, mopio wolo loi̒ya meaalo wolo huhutu, ngoa̒amila tau boito tambatilio to bulemengo kota boito.