KOLOSE 3:8 - KITABI HABARI MOPIOHE

⁸ Bo botia mamusi timongoli molapi mao̒ susuu-aliyaalo u moleeto monto batanga limongoli: diilalo poingo, meaalo molilau meaalo o pongolaasa molonuo̒ ode taa wewo. Diila mao̒ poluwala sama-samaata monto tunggili mongoli loi̒ya u momuayo meaalo loi̒ya u kootolo.

KOLOSE 3:8 ပူးပေါင်းရင်းမြစ်များ

JABURU 37:8

Diila mao̒ poingo wau ohilaa mopatu, uito bo moo̒topotala.

POHUMAYA 17:14

Molumula polohaamawa yito debo odelo momuo̒ dalalo taluhu; sababu uito potoulilo tou̒ polohaamawa diipo meitumulo.

POHUMAYA 19:19

Huliilio mao̒ taa u hua̒a moingo molamita lohihilao akiibatilio. Wonu yio̒ motulungi olio, yio̒ bo moduhenga oyiyingolio.

POHUMAYA 29:22

Taa u hua̒a moingo mohutu totaa dadaata mohaamawa wau odusa.

MATIUSI 5:22

Bo botia potahuda-U̒ mai olimongoli, titaalo tita tamoingo taawewo, maa adiliyolo; wau titaalo tita tamomuayo taawewo, maa adiliyolo totalu lo Mahakama Agama. Wau titaalo tita moloi̒ya taawewo, ‘Mohulodu’, paatuti tapilola ode delomo tulu lonalaka.

MARKUSI 7:22

mojina, mohimbulo, mopitana, wau mohutu totoonulalo u moleeto, mowali tamaa̒, diila o adabu, mohiihia, sombongi, wau mototolo ajaliiyolo.

ROMA 13:13

Ito musi mohutu susuu-aliyaalo uhulu-hulumati debo odelo ubiasaalio hepohutuo lotau tou̒ dulahu; diila mao̒ pohutu potihunggu daa̒ u limba-limbata to omambowa meaalo motihuwoo̒. Diila mao̒ potihuloto meaalo opii̒li udiila oa̒dabu. Diila mao̒ poloohulua, meaalo mohiihia.

1 KORINTUS 3:3

sababu timongoli donggo tumutumulo modudua̒ pii̒limu odelo manusia. Sababu wonu timongoli donggo hemohiihia wau hemolohulua ngota timongota, wolo uito diila mopo bilohei deu̒ timongoli donggo hitumula modudua̒ pii̒li lomanusia, debo odelo tau-tauwalo tadiila hitootawa to Allahu Taa̒ala?

2 KORINTUS 12:20

Watia molawalo deu̒ tou̒ watia de mola mobiilohe woli mongoli, odungga lowatia diila debo odelo wolo u hehalapuo lowatia, wau timongoli olo mamoo̒ dungga olaatia diila debo odelo u hehalapuo limongoli. Diila bolo de woluo tamolohulua, mohiihia, hilaa mopatu, polohuna daa̒ batanga lohihilao, mopipii-tanawa, mopo totoodei hilao lotau alihu moingo, sombongi wau motolonggalo.

GALATIA 5:15

Bo wonu timongoli tinggai aa̒awuta, poo̒dahai, de timongoli pee̒-pee̒enta moa̒antulu.

GALATIA 5:20

todelomo polubowa balaahala wau ilimi mongisimu; todelomo mumuusua, molohulua, mohiihia, ngoi̒nta moingo, wau polohuna daa̒ batanga lohihilao; owowoluwoa hipoo̒-poo̒owa wau hemo tiwa-tiwambao̒,

GALATIA 5:26

Ito diila mowali batingga, wau mopo papaalata tohilao, wau ohilao mohiihia ngota timongota.

EPESUS 4:22

Sababu uito yinggila mao̒ manusia deedelo wolo pohuli tutumulo deedelo udonggo herusaalio lou̒ totoonulalo ilohilaalio umopo lapalo.

EPESUS 4:25

Sababu uito Mongo wutato ngoa̒amilalo, diilalo pohimbulo. Potiwalilo juujulu ode ngota timongotalio, sababu ito ngoa̒amila yito tutuuwauwa pongawaa̒ lobatanga li Almasi.

EPESUS 4:26

Wonu timongoli moingo, diila mao̒ polulia oyiyingo boito moo̒sababu olimongoli odusa. Diila mao̒ poingo ngotupa lodulahu.

EPESUS 4:29

Wonu timongoli mobisala, diila mao̒ pomake tataa-heyaalo u kootolo. Pomakea mao̒ wambai̒o tataa-heyaalo umopo dulungo wau u motulungi taa wewo. Tataa-heyaalo debo odelo uito mamoo̒ toduo mai u mopiohu titau-tauwalo tamo dungoheo̒.

EPESUS 5:4

Diila paatuti olo olimongoli moloi̒ya tataa-heyaalo u kootolo, u huloto wau udiila paatuti. Bolii̒o mao̒ mamusi timongoli molapali mola sukuru ode Allahu Taa̒ala.

KOLOSE 3:5

Sababu uito, pateilo mao̒ totoonulalo otohilaa lodunia u laito mopoo̒suusa batanga limongoli, debo odelo polohuloto, susuu-aliyaalo udiila paatuti, ohilaa moo̒huu̒, ohilaa u moleeto, wau ololanggamu (sababu ololanggamu yito tutuuwauwa wolo molubo balaahala).

KOLOSE 3:9

Diila mao̒ pohimbulo ngota timongota, sababu tutumulo udeedelo wolo ngoa̒amila watadelio mailinggi limongoli.

1 TIMOTIUS 1:13

eleponu omoo̒omolu watia helo pitana wau longalinaya wau lohina o-Lio. Bo Allahu Taa̒ala lomonu mai olaatia, sababu tou̒ boito watia diipo palacaya, oditolio diila otaawa laatia wolo umusi pohutuo laatia.

1 TIMOTIUS 1:20

To wolotalio yito tei Himeneus wolei Aleksander. Taduulota boito mahi lukuumaniu̒ lou̒ lohudu olio ode Ibilisi, alihu timongolio mobalajali mao̒ u mohuheli momuayo Allahu Taa̒ala.

IBRANI 12:1

Naa, tomimbihu olanto lohihilao, to palitunto woluo dadaata daa̒ sakusi! Sababu uito, duloolo ito molapi ngoa̒amila umoo̒ buheeto olanto wau dusa utulusi dembi-dembinga to olanto. Wau duloolo ito wolo moo̒olohu maju moluhu polo taadenga u woluo totalunto.

YAKOBUS 2:7

Timongoliolo tahelo hina tanggulo u hulu-hulumati utilolimo limongoli lonto Allahu Taa̒ala!

1 PETRUS 2:1

Sababu uito, yinggilalo monto batangamu totoonulalo u moleeto; diilalo pohimbulo, wau diila mao̒ poti munapiki. Diila mao̒ pohiihia, wau diila mao̒ pohina taa wewo.

2 PETRUS 2:18

Timongolio helohutu poopolo-ilaalowalo u hilangga-langgata wau toongi; napusu u huloto pilomake limongolio huna mopo topotala totau-tauwalo taboheli wambao̒ lolopato lonto awoota lotaa hitumula yilapalo.

2 PETRUS 2:7

Bo tei Loti tapiloa̒ahu, sababu tio lodudua̒ u otohilaa lo Allahu Taa̒ala; tio lodutolo laba-labaalo sababu pii̒li udiila lotuu̒de wolo tau-tauwalo tahi ruusawa.

YUDAS 1:13

Tutuuwauwa debo odelo buo̒olo moo̒huu̒ daa̒ todeheto mopotoodei putii̒o, odito olo timongolio mopoo̒ putio̒ totoonulalo huhutu u moo̒olito. Timongolio yito debo odelo bibii-natangiyalo u helonao̒ ode utoonulalo mao̒ udiila otatapua poti biluloa̒alo umaa pilopo dapato tambatilio lo Allahu Taa̒ala todelomo dio̒lomo ulaba-labaalo moo̒tihela hapato u ohiheo-hiheolo mao̒.

YUDAS 1:8

Odito olo tau-tauwala boito hipo aa̒angania tilinggula timongolio helohutu dusa tobatanga limongolio lohihilao. Timongolio momilohe dupadupapa okokawasa lo Allahu Taa̒ala wau hemohina to motii̒du mahaluku u molamahu tosologa.

WAHI 16:9

Manusia pilobu lopatulio ulaba-labaalo, wau timongolio helo laa̒anati tanggulo Allahu Taa̒ala, tao̒kawasa to babaa-lawaalo boito. Eleponu odito, timongolio diila lohuto lolilihu lonto duduu-sawaalo limongolio wau diila lohuto lomuji odudaa̒ lo Allahu Taa̒ala.