KOLOSE 3:7 - KITABI HABARI MOPIOHE

⁷ Muloololio mai timongoli lohihilao olo hipodudua̒ totoonulalo ilohilaa boito, tou̒ timongoli kiluwasalio.

KOLOSE 3:7 ပူးပေါင်းရင်းမြစ်များ

ROMA 7:5

Sababu, muloolololio mai ito tumutumulo helo dudua̒ pipii-iliyaalo lomanusia. Tou̒ boito totoonulalo ilohilaa u odusa, u tilumoodei sababu woluwolio lobutoo̒ agama, odulude todelomo batanganto. Uito sababuulio ito helohutu susuu-aliyaalo u moo̒pate.

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

KOLOSE 2:13

Muloololio mai, timongoli mailate delo dudelo lorohu kalana timongoli odusa, wau kalana timongoli diila tiluuna delo dudelo lahiri. Bo botia Allahu Taa̒ala lopotumulai olimongoli pee̒-pee̒enta woli Almasi. Allahu Taa̒ala malo ngambungu mai totoonulalo dusaanto,

TITUSI 3:3

Sababu muloololio mai ito lohihilao olo mohulodu, yilapalo wau diila modungohu. Ito pilowato lonapusu hidala-dalaala wau u otohilaa; ito hitumula wolo tilolahepe ninii-yaitaalo u moleeto wau mohiihia, wau tinggai mololoonua̒.