KOLOSE 3:5 - KITABI HABARI MOPIOHE

⁵ Sababu uito, pateilo mao̒ totoonulalo otohilaa lodunia u laito mopoo̒suusa batanga limongoli, debo odelo polohuloto, susuu-aliyaalo udiila paatuti, ohilaa moo̒huu̒, ohilaa u moleeto, wau ololanggamu (sababu ololanggamu yito tutuuwauwa wolo molubo balaahala).

KOLOSE 3:5 ပူးပေါင်းရင်းမြစ်များ

PILOTIMUA̒TA 37:22

Ngoilanggubu oa̒ato tohe boito wolo totoo-yungowalo wau tataa-ngolio pilohutu lonto ngopitango huhuu-lawaalo tutu dilupa.

MATIUSI 15:19

Sababu monto hilao tumoodei totoonulalo pikiilangi moleeto, umoo̒ sababu tau momate mateelo mao̒, mojina, mohutu u huloto, motao̒, mosakusi paaluti wau mopitana.

ROMA 1:26

Sababu manusia helohutu u odito, yi Allahu Taa̒ala lopoluli olimongolio lodudua̒ napusu limongolio u hina. Mongobua limongolio diilalo ohilao tomongo lolai̒ debo odelo u biasaalio tomanusia, bo ohilao topangelio mongobua.

ROMA 1:29

Hilaa limongolio ngoa̒amila polupolu wolo u moleeto, udiila otutu; polupolu wolo langgamu, polupolu wolo ohutodu wau laasa molonuo̒; polupolu wolo hilaa umomate mate-mateelo mao̒, moloohulua, mohimbulo wau moniyatia. Timongolio motohilaa moloi̒ya taa wewo,

ROMA 6:13

Diila mao̒ wudua olo pongawaa̒ lo batangamu ode kawasa lodusa u pohunaalo ode totoonulalo makusudu u moleeto. Bo wuduwalo mola batanga limongoli ode Allahu Taa̒ala odelo tamaa yilimbato lonto opopate ode tutumulo. Wuduwalo mola batanga limongoli lealeaatulo mao̒ to Allahu Taa̒ala alihu pohunaalo u mohutu kahandaki lo Allahu Taa̒ala.

ROMA 6:6

Otaawanto deu̒ watadento udeedelo odelo manusia mapilate yila-yilateelo mao̒ pee̒-pee̒enta woli Almasi toa̒yu salipu alihu kawasa lo watadento u odusa boito antuluwolo; lou̒ odito ito diilalo pilowato lodusa.

ROMA 7:23

bo watia mongalati deu̒ todelomo batanga lowatia woluo olo butoo̒ wewo u dulu-dulude – deu̒ito-yito butoo̒ u bubuu-lemenga wolo butoo̒ u ilaku lo aakali wau pongolaasa lowatia. Uito sababuulio watia malei awade tobutoo̒ lodusa u dulu-dulude todelomo batanga lowatia.

ROMA 7:5

Sababu, muloolololio mai ito tumutumulo helo dudua̒ pipii-iliyaalo lomanusia. Tou̒ boito totoonulalo ilohilaa u odusa, u tilumoodei sababu woluwolio lobutoo̒ agama, odulude todelomo batanganto. Uito sababuulio ito helohutu susuu-aliyaalo u moo̒pate.

ROMA 8:13

Sababu wonu timongoli tumumulo modudua̒ pii̒li lomanusia, yi timongoli maamate; bo wonu wolo kawasa lo Rohullah, timongoli tulusi wambao̒ mopopate totoonulalo huhutuumu u odusa, yi timongoli matumumulo.

1 KORINTUS 5:1

Watia otutuulio mao̒ malo lolimo dudulohu deu̒ towolota limongoli woluo totoonulalo huhutu huloto ulaba-labaalo: Woluo towolota lo Wutato tahe lojina wolo tiilolio watoo̒. Penu boli tau-tauwalo tadiila hitootawa to Allahu Taa̒ala olo diila hipohutua debo odelo uito!

1 KORINTUS 6:11

Dengolo lota towolota limongoli muloololio mai opii̒li debo odelo uito. Bo botia timongoli piloi̒laalo belesi lonto dusa. Timongoli malowali tolomodu haku lo Allahu Taa̒alanto. Timongoli maluli mopiiohe wolo Allahu Taa̒ala, sababu timongoli palacaya to Eeya Isa Almasi wau sababu kawasa lo Rohu lonto Allahu Taa̒ala.

1 KORINTUS 6:13

Woluo olo talo loi̒ya deu̒ ua̒alo yito duo̒lo ombongo, wau ombongo yito duo̒lo ua̒alo. Bo duduuluwolo mapo diaaluo lo Allahu Taa̒ala. Batanga lomanusia diila mowali pomake u mopowoluo mai wumbuta u huloto, bo duo̒lo momaya to Eeya wambao̒. Wau Eeya mamolaala batanga boito.

1 KORINTUS 6:18

Pohalaheo̒ monto totoonulalo huhutu u huloto. Sababu ngoa̒amila dusa wewo u pilohutu lotau, lotoduo to bulemengo batanga lotau boito. Bo taa mohutu u huloto, boliilio mao̒ mohutu dusa ode batangalio lohihilao.

2 KORINTUS 12:21

Watia moohe diila bolo tou̒ watia de monao̒ mai Allahu Taa̒ala mamopo dupapa olaatia totalu limongoli wau watia mahumoyongo sababu dadaata towolota limongoli tao̒dusa muloololio mai, diila helo bolio̒ wau diila lohuheli hemohutu totoonulalo huhutu limongolio u huloto, kootolo wau diila paatuti.

GALATIA 5:24

Tau-tauwalo tamalowali miliki li Isa Almasi, tau-tauwala boito malo popate pii̒li lo manusialio wolo totoonulalo napusu wau u otohilaalio.

EPESUS 4:19

Timongolio madiilalo owoolito, tilinggula timongolio helo dudua̒ totoonulalo ilohilao moo̒ohuu̒ limongolio, wau tumutumulo huloto lodudua̒ totoonulalo otohilaa lohilao.

KOLOSE 2:11

Sababu lotituwau woli Almasi, timongoli matiluuna, diila wolo tuuna upilohutu lomanusia, bo wolo tuuna u pilohutu li Almasi, talopo lopato olimongoli lonto kawasa lo watade u odusa.

1 TESALONIKA 4:3

Uti-utieelo kahandaki lo Allahu Taa̒ala: Alihu timongoli tumumulo tolomodu ode o-Lio, mantali, mopo walaheo̒ totoonulalo huhutu u huloto.

1 TESALONIKA 4:5

Diila mao̒ potitumulo modudua̒ u otohilaa lonapusu ode dilemu, debo odelo u hepilohutu lotaa diila hitootawa lo Allahu Taa̒ala.

1 TIMOTIUS 6:10

Sababu monto hilaa lodoi boitolo, tumoodei totoonulalo u moleeto. Woluo ngobutao̒ tau u bo mohilapita doi tilunggula madiilalo lodudua̒ pongaajali lo Nasara, lapatao̒ timongolio ilodungga lou̒ polodutolo dadaata ulopo a̒antulu hilaa limongolio.

IBRANI 12:16

Poo̒dahai mao̒ alihu diila bolo woluo tatumumulo huloto meaalo diila motolongaku susuu-aliyaalo urohu, debo odelo u pilohutu lei Esau. Tio lopotali hakuulio odelo walao̒ tamohuhula daa̒, bo duo̒lo ua̒alo ngomanggo.

IBRANI 13:4

Ngoa̒amila tau musi mopo biloheo̒ sikapu hulumati topolo nikawa, uito sababuulio mamusi tamo tolodile tatapu wau molotolo hilao ngota timongota. Taa u huloto wau taa u mojina maa aadilio lo Allahu Taa̒ala.

IBRANI 13:5

Diila mao̒ tutumulumu okawasa lou̒ motolia̒ngo todoi, bo mamusi timongoli olulia lohilao lou̒ wolo uwoluo toli mongoli. Sababu Allahu Taa̒ala malo tahuda, “Wau̒ diila tamo poluli meaalo mamololaa mao̒ olemu.”

YAKOBUS 4:1

Monto utoonu asaliilio mai lou̒ totoonulalo umoo̒ loohulua wau moo̒ buutola to wolotamu? Diila maa uito u asaliilio mai lou̒ totoonulalo otohilaamu u wambao̒ tulusi hemopaatea todelomo batangamu u moo̒tapu osanangi todunia!

1 PETRUS 2:11

Mongo wutato taa tao̒tolia̒ngo! Timongoli yito tau deli wau tamoo-leleyangia todunia botie. Sababu uito watia mohile lou̒ tio̒otutua alihu timongoli diila mao̒ modudua̒ napusu lomanusia ulaito mopaatea moluwali jiwa.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”

WAHI 22:15

Bo tau-tauwalo tahi pohutua susuu-aliyaalo u hina, tahi pomakea ii̒i-limiyaalo gaibu, wau tau-tauwalo tahi pohutua huhuu-hutuwaalo u huloto, tamoomatea mate-mateelo mao̒, tahi polubowa balaahala, wau tau-tauwalo tahi pohimbuloa, mopio wolo loi̒ya meaalo wolo huhutu, ngoa̒amila tau boito tambatilio to bulemengo kota boito.