KOLOSE 3:4 - KITABI HABARI MOPIOHE

⁴ Naa, pobutua mai lo tutumulo tutu limongoli yito ti Almasi wau de wonu Tio oontonga, timongoli olo mamo tibilohe pee̒-pee̒enta wo-Lio todelomo odudaa̒-Lio!

KOLOSE 3:4 ပူးပေါင်းရင်းမြစ်များ

JABURU 17:15

Bo watotia mamoo̒onto to Eeya sababu watotia diila ototala. Tou̒ watotia lobongu mai, owoluwoa lo Eeya helohutu hilaa lo watotia leengahu.

JABURU 73:24

Hedilelo lo Eeya watia wolo potua, wau de matolimoo lo Eeya watia wolo ohurumati.

MATIUSI 13:43

Wau tahi pohutua kahandaki lo Allahu Taa̒ala mamotinelo debo odelo mato lodulahu todelomo Dunia Bohu lo Allahu Taa̒ala, ti Paapa limongolio. Oditolio wonu obulonga, podungohu!”

LUKASI 17:30

Odieelo mola owowoluwoalio de todulahee lo Walao̒ Manusia poi̒laalolio mai.

YAHYA 11:25

“Wau̒lo tamongohi mai tutumulo wau mopobongu mai taa mate,” tahuda mao̒ li Isa odeli Marta “Taa u palacaya ola-U̒ matumumulo, eleponu tio mailate.

YAHYA 14:3

Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

YAHYA 20:31

Bo ngoa̒amilalo botie tiluladio mai, alihu timongoli palacaya deu̒ ti Isa yito Olongia Tamoo-poa̒ahua, Walao̒ Allahu Taa̒ala, wau sababu palacaya to o-Lio, timongoli mamoo̒tapu tutumulo.

WUNGGULI LOMONGO RASULU 3:15

Mongo wutato lomate o-Lio yila-yilateelo mao̒, lebe-lebe pomao̒ tumbao̒ Tiolo bungo lo tutumulo duo̒lo taa ngoa̒amila. Wau Allahu Taa̒ala maluli lopo tumulai o-Lio lonto opopate. Masilakusia lami lohihilao sua̒li boito.

ROMA 8:18

Ngoa̒amila polodutolo u olaasanto masaatia botie, modudua̒ huhama lowatia, sama-samaata diila mowali pobandingiolo wolo ololaio̒ u mapoi̒laalo mai olanto.

ROMA 8:19

Ngoilanggubu aalamu malo hiwoolola hemohima wakutuulio lo Allahu Taa̒ala mopoi̒laalo mai mongo wala-I̒o.

1 KORINTUS 1:7

tilinggula timongoli diila iloi̒ilangia penu boli tuwau mao̒ balakati, tou̒ timongoli donggo hemohima Eeyanto Isa Almasi meidungga mai wau oontonga lotaa ngoa̒amila.

1 KORINTUS 15:43

Tou̒ batanga boito yilobungo, batanga boito mobulilo wau molulupuhu; bo tou̒ tio muli potumulo-Lio mai, tio yito batanga u mopiohu wau molotolo.

2 KORINTUS 4:17

Wau osuusa udiila de mangolo botie, u ilolaasawa lamiaatia u donggo pohu-pohutu, mamongohi mai tilapulo olamiaatia tuwaulio osanangi tutu upolu-polutuo̒ wau bakaa. Osanangi tutu boito lebe udaa̒ mao̒ wonu pobandingio mola wolo osuusa boito lohihilao.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

PILIPI 3:21

Batanganto u molulupuhu wau mowali moa̒antulu botie, mamowali debo odelo batanga-Lio lohihilao u molaio̒. Tio mowali mohutu mai uito sababu Tio motolo miliki kawasa umopo taa̒luku totoonulalo u hitua-tuawaua.

1 TESALONIKA 4:17

Lapatao̒ uito, ito tadonggo tumutumulo tou̒ boito mapee̒-pee̒enta bintao̒-Lio woli mongolio ode delomo heengo mola modunggaya wolo Eeya todulente. Lapatao̒ ito mamo tibiluloa̒ wolo Eeya ohiheo-hiheolo mao̒.

1 TIMOTIUS 6:14

Dungohe mao̒ ngoa̒amila palenta boito wolo hilaa belesi wau diila oa̒aibu dilumutu todulahe muli podungga mai li Isa Almasi Eeyanto.

2 TIMOTIUS 1:1

Timotius, walau̒uu̒ taa otolia̒ngo! Wau̒, Paulus, moluladei tulade botie olemu, wau motiwunela hinta Allahu Taa̒la ti Paapa wau Eeyanto Isa Almasi mongohi mai balakati, odehu hilao wau salaamati olemu. To kahandaki lo Allahu Taa̒ala, wau̒ piluduo̒ lowali rasulu li Isa Almasi wau yilao-Lio u mopohabari pasali lo tutumulo upilo danti mai lo Allahu Taa̒ala. Tutumulo boito tolimonto sababu motituwau woli Isa Almasi.

2 TIMOTIUS 4:8

Wau masaatia wuupa lo ohohaama hemohima olau̒. To Dulahe Kiama, Eeya, Hakimu taa̒adili boito mamohudu mai wuupa boito olau̒, sababu wau̒ tumutumula lopiiohe wolo Allahu Taa̒ala. Wau diila bo wau̒ wambao̒ tamaa mololimo wuupa boito, bo olo ngoa̒amila tahi wimawa podudungga mai lo Eeya wolo hiwoloola daa̒.

TITUSI 2:13

Botia ito donggo hemohima Dulahe u hehalaa-puwonto boito; to Dulahe boito dunia mamoo̒onto odudaa̒ li Isa Almasi, deu̒ito-yito Allahu Taa̒ala Taa Laba-labaalo udaa̒, wau Olongia Tamoo-poa̒ahua olanto.

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

1 PETRUS 1:13

Sababu uito, mamusi timongoli dapadapato. Poo̒dahai mao̒ wau poti wunelolo lealeaatulo mao̒ to balakati u mawohi-Lio mai olemu tou̒ ti Isa Almasi de meidungga mai.

1 PETRUS 5:4

Wau tou̒ Diti Daa̒ boito de meidungga mai, timongoli mamo lolimo makuta ulaba-labaalo mobaango, udiila tamou̒le obaangio laba-labaalo.

1 YAHYA 2:28

Oditolio, mongo walau̒, poti tatapulo tumumulo motituwau woli Almasi, alihu de tou̒ Tio meidungga mai, ito motaalua wo-Lio wolo obobuheli u lealeaatu, wau diila motituuo̒ sababu moolito.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

1 YAHYA 5:12

Taa o Walao̒ Allahu Taa̒ala, o tutumulo boito; wau taa diila o Walao̒ Allahu Taa̒ala, diila o tutumulo boito.

YUDAS 1:24

Allahu Taa̒ala, tamambo modaha mai alihu timongoli diila modehu, wau tamambo modelo olimongoli ode talu-Lio u molamahu wolo weengahe wau lou̒ diila oa̒aibu.

WAHI 2:7

Titaalo tita tamoo̒ dungohu, mamusi mopoo̒tuoto wolo u tilahuda mai lo Rohullah ode jajaa-maa̒alo! Timongolio tamoo̒haama, mapoluasiyo-U̒ molamela hungo monto bungo lo ayu tutumulo to ilengi lo bubuu-ngawaalo Allahu Taa̒ala.”

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:14

Potisanangilo tutu taa u momoboa̒ jumbalio tunggula belesi alihu timongolio ohaku molamelo hungo lo ayu potumulo wau tumuwoto ode delomo kota boito moli huhebu hulubangilio.