KOLOSE 3:3 - KITABI HABARI MOPIOHE

³ Sababu timongoli mailate, wau tutumuli mongoli tutuuo̒ pee̒-pee̒enta woli Almasi todelomo Allahu Taa̒ala.

KOLOSE 3:3 ပူးပေါင်းရင်းမြစ်များ

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

YAHYA 14:19

Bolo ngopee̒ mola dunia diilalo moo̒onto ola-U̒. Bo timongoli mamoo̒onto ola-U̒. Wau sababu Wau̒ tumutumulo, timongoli olo matumumulo.

YAHYA 3:16

Sababu Allahu Taa̒ala odito momonu mai manusia todunia botie, tilinggula Allahu Taa̒ala longohi mai Wala-I̒o tatuwa-tuwaulo, alihu timii̒du taa palacaya o-Lio diila binasa, bo moo̒tapu tutumulo ututuulio tutu wau ohiheo-hiheolo mao̒.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 5:21

Allahu Taa̒ala boito mopobongu mai taamate, wau mongohi olimongolio tutumulo ututuulio tutu wau ohiheo-hiheolo mao̒; odito olo Walao̒ mongohi mai tutumulo u ohiheo-hiheolo mao̒ totaa mohuto wohia-Lio tutumulo.

YAHYA 5:24

Otutu banali totoonulalo tahudaa-U̒ botie: Taa umopoo̒ tuotao̒ totoonulalo tahudaa-U̒, wau palacaya o-Lio talolao mai ola-U̒, o tutumulo ututuulio tutu wau ohiheo-hiheolo mao̒. Tio diila tahukuu-maniyolo; tio malo lopato lonto opopate wau loo̒tapu tutumulo.

YAHYA 5:40

Bo timongoli diila motohilaa monao̒ mai ode ola-U̒ u moo̒tapu tutumulo ohiheo-hiheolo mao̒.

ROMA 5:10

Wonu tomaasa ito mumuusua wolo Allahu Taa̒ala, ito pilopodeme wo-Lio lotimbulude to opopate lo Wala-I̒o, tidiyolo mao̒ botia tou̒ lapatio mao̒ wumbutanto wolo Allahu Taa̒ala luli lopiohe, tantu ito mapo aahuwolo olo motimbulude to tutumuli Almasi.

ROMA 5:21

Naa, ito musi mate sababu ito malohutu dusa. Bo Allahu Taa̒ala momonu olanto wau longohi mai dalalo olanto luli lopiiohe wo-Lio. Wau sababu wumbutanto wolo Allahu Taa̒ala maluli lopiohe, yi Tio longohi mai tutumulo tutu wau ohiheo-hiheolo mao̒ to olanto lotimbulude li Isa Almasi, Eeyanto.

ROMA 6:11

Timongoli olo musi monganggapu batanga limongoli mate duo̒lo dusa, bo tumumulo todelomo wumbuta u motoheeto wolo Allahu Taa̒ala motimbulude li Isa Almasi.

ROMA 6:2

Tantu diila! Dusa diilalo okawasa to olanto, oditolio, diila pongalo aakali ito tumumulo mololaalaaita mohutu dusa?

ROMA 8:2

Sababu butoo̒ lo Rohullah ulohutu mai olanto tilumumula lotituwau woli Isa Almasi tamalo lopatai olaatia lonto hukuumani uloo̒ sababu dusa wau opopate.

1 KORINTUS 15:45

Todelomo Kitabi tulatulade odie, “Manusia tabohulio, yito tei Adamu, lowali mahaluku tatumu-tumulo,” bo tei Adamu tapulitio yito Rohu u mongohi tutumulo.

1 KORINTUS 2:14

Taa diila o Rohullah, diila mowali mololimo u piloi̒laalo mai lo Rohu boito, sababu ode tau boito susuu-aliyaala boito debo odelo tuwaulio lo ohulodu wambai̒o. Tau boito diila moo̒ pahaamu o-Lio, sababu susuu-aliyaala boito bo mowali tilikiyolo wolo dudelo lorohani.

2 KORINTUS 5:14

Ponu li Almasilo u motolo kawasa olamiaatia; wau amiaatia mongalati deu̒ wonu ngotaalio mailate ode taa ngoa̒amila, yi uito boliilio deu̒ ngoa̒amila tau mailate.

2 KORINTUS 5:7

Sababu amiaatia tumutumulo patopatoa̒ to palacaya li Almasi, diila patopatoa̒ tou̒ wolo u oontonga,

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

EPESUS 3:9

wau olo alihu motimbuludei olaatia ngoa̒amila tau motota mao̒ woloolo mola Allahu Taa̒ala, Talopowali ngoilanggubu aalamu botie, moponao̒ lanjana-Lio u anggadu muloololio mai daa̒ hitua-tuawua u milakusudu hetuuo̒lo duo̒lo dunia.

PILIPI 4:7

Yi salaamati monto Allahu Taa̒ala udiila pongalo aakali opahamua lomanusia, mamodaha hilaa wau pikiilangi limongoli umalo tituwau woli Isa Almasi.

KOLOSE 1:5

Timongoli palacaya wau timongoli motolia̒ngo, sababu timongoli hemo tiwunela tou̒ wolo umaa podapato lo Allahu Taa̒ala tosologa olimongoli. Timongoli maloo̒ dungohu pasali losua̒li boito, tou̒ Habari Mopiohe u otutu pilo tunggulai ode limongoli.

KOLOSE 2:20

Timongoli mailate pee̒-pee̒enta woli Almasi, wau mailopato lonto roroo-huwaalo ukawa-kawasa aalamu botie. Naa, yilongola timongoli hitumula debo odelo taa donggo kiluwaasa lodunia botie? Yilongola timongoli taa̒luku tou̒ wuwuu-uduwaalo debo odelo utie,

KOLOSE 2:3

Ti Almasilo talomuo̒ totoonulalo tinepo wau pongotota lo Allahu Taa̒ala u muloololio mai tutuuo̒.

KOLOSE 3:4

Naa, pobutua mai lo tutumulo tutu limongoli yito ti Almasi wau de wonu Tio oontonga, timongoli olo mamo tibilohe pee̒-pee̒enta wo-Lio todelomo odudaa̒-Lio!

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

1 PETRUS 3:4

Bolii̒o mao̒, mamusi ogaagamu tumoodei monto delomo hilao, pii̒li u molumboyoto wau moduo̒oto; uitolo ogaaga ubakaa u ohalaga daa̒ modudua̒ to bibilohu Allahu Taa̒ala.

1 PETRUS 4:2

Sababu uito, mamusi timongoli tumumulo wumbutio mola todunia botie modudua̒ otohilaa lo Allahu Taa̒ala wau diila modudua̒ otohilaa lomanusia.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

WAHI 2:17

Titaalo tita tamoo̒ dungohu, mamusi mopoo̒ tuoto wolo u tilahuda mai lo Rohullah to jajaa-maa̒alo! Timongolio tamoo̒haama, mapoluasiyo-U̒ molamela manna u tutuuo̒, wau ngota-ngota mamololimo monto ola-U̒ botu moputio̒ tuwau. To botu boito tulatulade tanggulo tuwau u bohu, udiila otaawa penu boli lotatoonu, ngopohia lotaa mololimo mao̒.”