KOLOSE 3:23 - KITABI HABARI MOPIOHE

²³ Penu boli kalaja wolo u wohilio olemu, mamusi kalajai mao̒ limongoli wolo hilaa u lealeaatu, debo odelo Eeyaalo tahe bayawa limongoli, wau diila bo manusia.

KOLOSE 3:23 ပူးပေါင်းရင်းမြစ်များ

OLUO TAWARI 31:21

Tio ilohaasili, sababu totoonulalo u pilohutulio ode Bele lo Eeya meaambo u modungoheo̒ bubuu-too̒waalo lo Eeya, pilopo nao̒lio wolo lealeaatu lohilao wau wolo tolia̒ngo to Eeya Allahu Taa̒alaalio.

JABURU 103:1

Lonto olei Dauda. Pujiaalo mola Eeya, wuu jiwa laatia, lealeaatu hilaa lowatia, pomujilo tanggu-Lio u mantali.

JABURU 119:10

Wolo lealeaatu lohilao watia motolopani motota to Eeya, diila mao̒ polulia mai watia mohei monto palenta lo Eeya.

JABURU 119:145

Wolo lealeaatu lohilao watotia mongiibode ode Eeya; tametilo mai watotia yaa Eeya, watotia ohilaa modungohe palenta lo Eeya.

JABURU 119:34

Pohutualo watotia mongalati butoo̒ lo Eeya alihu dungohe lowatotia, wau pohutuo lowatotia wolo lealeaatu lohilao.

TAMOO-HUTUBAWA 9:10

Kalajailo totoonulalo tuugasimu wolo tio̒otutua. Sababu de madiduuluo mai pikiilangi wau kalaja. Diduuluo ilimi meaambo hikimati todunia lotaa mate. Wau oditoolo mola umapo nao̒owamu.

YEREMIA 3:10

Lapatao̒ lohutu mao̒ ngoa̒amilalo boito, Yehuda tadiila tatapu wau molotolo hilao boito luli lohualingai ode Olau̒ bo lou̒ diila tio̒otutua, sababu hilaalio diila otutu wau belesi. Wau̒, Eeya, malo tahuda mai.”

MATIUSI 6:16

“Wonu timongoli mopuasa, diila mao̒ potihutoo̒ debo odelo tahi munapikia. Timongolio molomelo baya limongolio alihu ngoa̒amila tau motota deu̒ timongolio hipuasawa. Eelai mao̒, ui-uitolo wuupa u matilolimo limongolio.

ROMA 14:6

Taa u mopou̒daa̒ duduu-laheyaalo utantu-tantu, tau boito mohutu odito u mohulumati Eeya. Taa u molamelo tilolahepalo mao̒, mohutu odito u mohulumati Eeya, sababu tio mosukuru ode Allahu Taa̒ala to ua̒alo boito. Odito olo wolo taa bo molamelo ua̒alo utantu-tantu wambao̒; tau boito olo mohulumati Eeya wau mosukuru to Allahu Taa̒ala.

ROMA 14:8

Wonu ito tumumulo, ito tumumulo duo̒lo Eeya. Wau wonu ito mate, ito mate olo duo̒lo Eeya. Oditolio, tumumulo meaalo mate, ito yito miliki lo Eeya.

EPESUS 5:22

Dile taabua, tuu̒dio motaa̒luku todile talolai limongoli, tutuuwauwa debo odelo to Eeya.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

1 PETRUS 1:22

Sababu timongoli lodungohe to pongaajali lo Allahu Taa̒ala, yi timongoli lopo belesi batanga wau timongoli lotolia̒nga tau-tauwalo tango iimani lou̒ ihilasi. Sababu uito, mamusi timongoli motolia̒nga ngota timongota wolo lealeaatu lohilao.

1 PETRUS 2:13

Domi Eeya, mamusi timongoli taa̒luku ode timii̒du tamoo-kawasawa manusia: mopio toli Kaisari tamoo-kawasawa ulaba-labaalo mopiohe,

1 PETRUS 2:15

Sababu Allahu Taa̒ala motohilaa alihu wolo totoonulalo huhutuumu u mopiohe timongoli mongunti tunggilo lotaa u mohulodu mobisala.