KOLOSE 3:2 - KITABI HABARI MOPIOHE

² Podulunga mao̒ pikiilangi limongoli to susuu-aliyaalo uteto, diila to susuu-aliyaalo u todunia.

KOLOSE 3:2 ပူးပေါင်းရင်းမြစ်များ

BOHULO TAWARI 22:19

Oditolio, patutilio timongoli motiwato to Eeya Allahu Taa̒ala limongoli wolo lealeaatu loyiwa batangamu. Tumulailo momongu bele ode Eeya, alihu Bulua Daantia-Lio wau ngoa̒amila pakaakasi wewo u pomake tolomodu u poi̒baadatiala mowali potambatiyalo teto.”

BOHULO TAWARI 29:3

Tumbao̒ sababu tolia̒nguu̒ to Bele lo Allahu Taa̒alau̒ boito wau̒ malohudu olo talaa̒ wau hulawa lonto halata milikiiu̒ lohihilao:

JABURU 62:10

Manusia bo ngohiipo napasi, udaa̒ kikiio̒ tutuuwauwa diila ohalaga. Wonu timengoolo, timongolio mopatato moheelo, lebe moheelao̒ wolo ngopohiipo lo napasi.

JABURU 91:14

Tahuda lo Eeya, “Taa u ilohilao ola-U̒ mapoa̒ahuwo-U̒, tamomasisi ola-U̒ maduo̒la-U̒.

POHUMAYA 23:5

Sababu, todelomo ngoi̒nta lomato wambai̒o halatamu boito mamooli, debo odelo tio opolipio̒ wau tumomboto to dulente debo odelo bulungi angga-angga.

TAMOO-HUTUBAWA 7:14

Oditolio, potiwengahulo wonu yio̒ donggo muujuru. Bo wonu yio̒ odungga lobaala, diila mao̒ lipata deu̒ Allahu Taa̒ala mongohi mai duduuluolo. Diila otaawanto wolo u mamotoduo mai wumbutio mola.

MATIUSI 16:23

Ti Isa maloili mao̒ tulusi lotahuda odelei Petrus, “Pohinggi mao̒ monteea Tamoo-heingawa ode dusa! Yio̒ mongabu-ngabuuto ola-U̒. Pikiilangimu boito pikiilangi lomanusia; diila pikiilangi lo Allahu Taa̒ala!”

MATIUSI 6:19

“Diila mao̒ pohimoa̒a halata ode batangamu todunia, tou̒toonu wale wau taato mowali mopolusa wau tamootao̒wa monao̒ mai motao̒ mao̒.

LUKASI 12:15

Lapatio mao̒ totaa ngoa̒amila tawoluo teto, ti Isa lotahuda, “Poo̒daha-dahaalo mao̒ wau pou̒lintapolo mola, diila bolo timongoli mowali tamaa̒. Sababu tutumulo manusia diila tolomodu mohalapu to okokayalio, eleponu halataalio laba-labaalo daata.”

LUKASI 16:11

Oditolio, wonu tomimbihu okokaya lodunia botie timongoli madiilalo mowali palacayalo, tatoonu tamohuto mopo palacaya mao̒ olemu okokaya lo lohani?

PILIPI 1:23

Watia bilantangalio monto mohu-mohuwalia. Otohilaa daa̒ lowatia mololaa mao̒ dunia botie wau mola motibiluloa̒ woli Almasi, sababu uitolo ulaba-labaalo mopiohu;

KOLOSE 3:1

Timongoli maluli pilotumu-lai pee̒-pee̒enta woli Almasi. Sababu uito mamusi timongoli motolopani u moo̒tapu susuu-aliyaalo u tosologa, tou̒toonu ti Isa hemo malenta pee̒-pee̒enta wolo Allahu Taa̒ala.

KOLOSE 3:5

Sababu uito, pateilo mao̒ totoonulalo otohilaa lodunia u laito mopoo̒suusa batanga limongoli, debo odelo polohuloto, susuu-aliyaalo udiila paatuti, ohilaa moo̒huu̒, ohilaa u moleeto, wau ololanggamu (sababu ololanggamu yito tutuuwauwa wolo molubo balaahala).