KOLOSE 3:16 - KITABI HABARI MOPIOHE

¹⁶ Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

KOLOSE 3:16 ပူးပေါင်းရင်းမြစ်များ

BOHULO MONGO OLONGIA 3:28

Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

BOHULO TAWARI 25:7

Tadulo pulaa patota walao̒ talolai̒ limongolio boito wau mongo pohutato limongolio yito hia̒ahalia muusiki tamoolato. Ngoa̒amilalo timongolio maito dulo hetuto dulo pulaa walu lota.

NEHEMIA 12:46

Tumulalo mai jamani li Olongia Dauda wolei Asap ahali lo muusiki, tahi poolahua maa helopolahu mola lalaa-huwaalo poloi̒laalo momuji syukuru ode Allahu Taa̒ala.

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

JABURU 119:11

Pongaajali lo Eeya tilahu lowatia todelomo hilaa lowatia, alihu watia diila odusa to Eeya.

JABURU 119:54

Ngotupa lo tutumulo watia u limbulimbu to dunia, opiduduto lo Eeya pilopowali lowatia lalaa-huwaalo poloilaalo momuji.

JABURU 138:1

Lonto olei Dauda. Yaa Eeya, watotia ohilaa mosukuru mola to Eeya, wolo lealeaatu hilaa lowatotia. Totalu lo totoonulalo dewata polahua mola lowatotia poloilaalo momuji ode Eeya.

JABURU 28:7

Eeya tamoo-duo̒lawa wau tamoo-duuluwawa olo watotia, watotia palacaya to Eeya. Eeya lotulungi mai wau heloo̒ wengahe hilaa lowatotia, watotia momuji mola to Eeyawolo lahu sukuru.

JABURU 32:7

Eeyaalo tambati potituua̒ lowatotia, yilopato Eeya watotia lonto usuusa. Yi watotia helo tingalaa̒ mola wolo wengahu, sababu Eeya malo poa̒ahu olo watotia.

JABURU 71:23

Watotia motingalaa̒ wolo polupolu lo wengahu, sambelo mopolahu mola poloi̒laalo momuji ode Eeya. Jiwa wau batanga lowatotia mopolahu mola wolo wengahu, sababu Eeya malo poa̒ahu mai olo watotia.

POHUMAYA 14:8

Taa u molinepo motota woloolo mola musi mopohutu, taa u mohulodu owimbuloa lo oohulodio.

POHUMAYA 18:1

Taa u mopo halahu batanga monto taa wewo boliilio bo mopoo̒tuoto batanga lohihilao wambao̒; timii̒du huhaama lotaa wewo batatalio.

LAHU MOLAMAHU 1:1

Lahu Molamahu u pilohutu lei Salomo.

YESAYA 10:2

Wolo dudelo boito timongoli hemolanggu taa mosikini moo̒tapu haku wau ua̒adili, hemohehu haku lomongo janda wau tadidu otiilo otiyamo.

YESAYA 26:1

Tou̒ boito tau mamopolahu mola lahu botie tohuta lo Yehuda: “Malo odito lotoolio kotaanto; Allahu Taa̒ala lohihilao talomongu biintengi-Lio, tewe ito moa̒ahu.

YESAYA 30:29

Bo timongoli, umati lo Allahu Taa̒ala, mameengahu wau mopolahu mola debo odelo tou̒ hui rameyaangi lo agama. Timongoli maa motiwengahu debo odelo tau-tauwalo tahinao̒wa wolo tunutunuhu talali dulu-dulunga ode Bele lo Eeya, tamoodulua Isirai̒lu.

YESAYA 5:1

Dungohilo mai lahuuu̒ pasali ilengi lo angguru sahaabatiu̒. Sahabatiu̒ o ilengi lo angguru tobinggi lohuludu u molomiodu.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

MATIUSI 26:30

Lapatao̒ timongolio lopolahu mola lahu tuwau poi̒laalo momuji. Wau lapatao̒ uito timongolio lonao̒ mola ode Huludu Jaitun.

LUKASI 2:51

Lapatao̒ ti Isa malo hualinga woli mongolio ode Najaret, wau lodungohe olimongolio. Ngoa̒amila sua̒li boito hetilahu mao̒ liilo-Lio todelomo hilaalio.

YAHYA 15:7

Wonu timongoli debo motituwau wola-U̒ wau pongaajali-U̒ debo todelomo hilaamu, pohileaalo odeli Paapa-U̒ boli wolo u otohilaa limongoli; hihiile limongoli boito mapoo̒ poluo-Lio mai.

ROMA 10:17

Uito sababuulio tau-tauwala lowali palacaya sababu timongolio lodungohe habari, wau habari ilodungohe sababu woluo taa u lopohabari pasali li Almasi.

ROMA 15:14

Mongo wutatuu̒! Watia yakini deu̒ woluo dadaata daa̒ sua̒li u mopiohe olimongoli. Otaawa limongoli olo totoonulalo u hitua-tuawua wau mowali mongaajali olo ngota-timongota.

1 KORINTUS 14:15

Oditolio, wolo umusi pohutuo lowatia? Utie u mapohutuo lowatia: Watia mamodua̒ wolo rohu lowatia, bo watia mamodua̒ olo wolo pikiilangi lowatia. Watia mamopolahu mola wolo rohu lowatia, bo watia olo ohilaa mopolahu mola wolo pikiilangi lowatia.

1 KORINTUS 14:26

Oditolio, Mongo wutato, wolo boliilio u ngoa̒amilalo boito? Wonu timongoli moa̒mbuwa u molubo Eeya, woluo tamo polahu, woluo tamo ngaajali, woluo tamo poo̒taa hitua-tuawua monto Allahu Taa̒ala, woluo tamo bisala todelomo bahasa u moo̒linggolabe, wau woluo tamo tombango wolo u yiloi̒yaalio boito. Bo ngoa̒amilalo boito mamusi pohutuwola u mongaajali wau u opopiohu ngoa̒amilalo.

EPESUS 1:17

Watia lomolohone mola alihu Allahu Taa̒ala Eeyanto Isa Almasi, ti Paapa tamolaio̒, mongohi Rohu-Lio olimongoli. Rohu boito mamopowali olimongoli molinepo, wau mamopo ilaalo mai Allahu Taa̒ala olimongoli tilinggula timongoli mototaa-Lio.

EPESUS 5:17

Diila mao̒ potihulodu, bo tuletea mao̒ wolo u otohilaa lo Eeya.

EPESUS 5:19

Pomakea mao̒ tataa-heyaalo monto Jaburu, lahu puji poloi̒laalo momuji wau lahu lorohu, todelomo bibii-salawaalo limongoli. Mamusi timongoli wolo hilaa meengahe mopolahu mola puji poloi̒laalo momuji ode Eeya.

EPESUS 5:26

Ti Almasi lohutu mai uito alihu Tio moo̒ pobelesi jamaa̒ boito wolo pongaajali-Lio wau moli taluhu popolihu, alihu lapatao̒ uito Tio mowali wuduo-Lio ode Allahu Taa̒ala.

KOLOSE 1:28

Ti Almasi boitolo tahe pohabario lamiaatia ode timii̒du tau. Amiaatia helo poe̒ela wau longaajali olimongolio ngoa̒amilalo wolo totoonulalo tinepo. Patuju lamiaatia yito alihu timii̒du tau mowali deloolo ode Allahu Taa̒ala, odelo taa u moontapo todelomo susuu-aliyaalo rohu, sababu malo tituwau woli Almasi.

KOLOSE 1:9

Uitolo sababuulio amiaatia laito helodua̒ mola olimongoli anggadu amiaatia loo̒dungohe tomimbihu olimongoli. Pilolohone lamiaatia ode Allahu Taa̒ala alihu Rohullah mongohi mai tinepo wau huhama tilinggula timongoli motota mao̒ lou̒ wimu-wimumuto ngoa̒amilalo wolo u otohilaa lo Allahu Taa̒ala.

KOLOSE 4:6

Mamusi susuu-aliyaalo uiloi̒ya limongoli laito moo̒sanangi wau moo̒heinga. Mamusi otaawa mao̒ limongoli woloolo mola patutilio molameta totoonulalo yiyintu lotau.

1 TESALONIKA 1:8

Sababu tumulalo mao̒ monto olimongoli, habari pasali lo Eeya malo loladu demola Makedonia wau Akhaya. Wau diila bo uito wambai̒o; tumbao̒ habari pasali woloolo mola timongoli palacaya to Allahu Taa̒ala malei dungga ode utoonulalo mao̒, tilinggula amiaatia diilalo palalu moloi̒ya wolo-wolo.

1 TESALONIKA 4:18

Sababu uito, mamusi timongoli mopopoo̒o lotolao̒ lohilao, lou̒ momake tataa-heyaalo botie.

2 TESALONIKA 3:15

Bo diila pohutua tio debo odelo muusu; bo naseehatia mao̒ tio odelo ngotaalio lowutato.

1 TIMOTIUS 6:17

To tau-tauwalo tahi kayawa todunia botie, mamusi pohilemu mao̒ alihu timongolio diila mao̒ sombongi wau diila mao̒ poharapu tou̒ babaa-langiyalo udiila tatapu – debo odelo sua̒liilio wolo okokaya. Timongolio musi motiwunela to Allahu Taa̒ala talongohi mai totoonulalo u hitua-tuawua olanto lou̒ laba-labaalo daatalio alihu olaasanto mao̒.

2 TIMOTIUS 3:15

Musi eelamu mola deu̒ tumulalo mai yio̒ donggo kikiia̒i malotota lo Kitabi. Kitabi boito mowali mongohi olemu pongotota umoo̒ toduo oa̒ahu motimbulude to iimani odeli Isa Almasi.

TITUSI 3:6

Allahu Taa̒ala loluwatai Rohu-Lio to olanto lou̒ lotimbulude li Isa Almasi Olongia Tamoo-poa̒ahua olanto,

YAKOBUS 1:5

Wonu woluo ngotaalio to wolotamu diila botie molinepo, mamusi tio mohile monto Allahu Taa̒ala, yi Allahu Taa̒ala mamongohi mai tinepo olio; sababu ode timii̒du tau, Allahu Taa̒ala mongohi mai wolo muula lohilao wau wolo pongolaasa hilaa hilao.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.

YAKOBUS 5:13

Wonu to wolotamu woluo tadonggo suusa, mamusi tio modua̒. Wonu woluo tameengahe, mamusi tio mopolahu mola momuji Allahu Taa̒ala.

1 YAHYA 2:14

Watia loluladei olimongoli Mongo walao̒, sababu timongoli motota lo Allahu Taa̒ala ti Paapa. Watia loluladei olimongoli, Mongo dulaa̒, sababu timongoli motota lo Tahuda umawoluo tumulalo mai bohulio daa̒. Watia loluladei olimongoli, taa himuudawa, sababu timongoli molotolo. Tahuda lo Allahu Taa̒ala woluo todelomo hilaa limongoli, wau maa ilolaaheo̒ limongoli Taa Moleeto.

1 YAHYA 2:24

Sababu uito, habari umaa ilodungohe limongoli anggadu timongoli bohu-bohulio mai palacaya mamusi dahai limongoli tio̒otutua todelomo hilao. Wonu habari boito poo̒tuoto limongoli tio̒otutua, timongoli malaito tumumulo motituwau wolo Walao̒ wau woli Paapa.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.

2 YAHYA 1:2

Sababu Allahu Taa̒ala bilubiluloa̒ todelomo hilaanto, wau malaito woluo wolanto ohiheo-hiheolo mao̒.

WAHI 14:3

Totalu tambati huhuloa̒ li olongia wau opato mahaluku wau mongo tau̒wa topalito lotambati huhuloa̒ li olongia boito, ngohetuto lihu wopato hetuto wopato pulaa patolota boito hipolahua mola lahu tuwau ubohu. Lahu boito penu boli tatoonu diila mowali mopoo̒laatao̒ ngopohia lo ngohetuto lihu wopato hetuto wopato pulaa patolota boito tamaa yilopato lonto dunia.

WAHI 15:3

Wau timongolio hipolahua lahu lei Musa, wato lo Allahu Taa̒ala wau lahu lo Walao̒ Himba. Odie mola tingohio, “Eeya, Allahu Taa̒ala Laba-labaalo kawasa, donggo boli udaa̒ wau linggolabio huhuu-hutuwaalo Eeya! Olongia lo totoonulalo bangusa, donggo boli aadili wau otutu huhuu-hutuwaalo Eeya!

WAHI 19:10

Watia leidambao̒lo mola totalu lo malai̒kati boito wau ohilaa molubo olio, bo tio loloi̒ya mai olaatia, “Diila! Diila polubo olau̒, tubowalo Allahu Taa̒ala sababu wau̒ olo wato tutuuwauwa debo odelo yio̒ wau debo odelo ngoa̒amila wutatumu tadihu-dihu tio̒otutua to ososakusi li Isa!” Sababu ososakusi li Isa boitolo u loi̒lihami mai totau-tauwalo tahipo nubuwatia.

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.