KOLOSE 3:14 - KITABI HABARI MOPIOHE

¹⁴ Wau ulebe polohuna daa̒, deu̒ito-yito: Timongoli musi mototoolia̒nga sababu tolia̒ngo boitolo u mopotuwau tutu to Mongo wutato ngoa̒amilalo tilinggula mowali wimu-wimumuto ngoa̒amilalo.

KOLOSE 3:14 ပူးပေါင်းရင်းမြစ်များ

YAHYA 13:34

Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

YAHYA 15:12

Uti-utieelo palentaa-U̒; tolia̒ngalo ngota timongota, tutuuwauwa debo odelo Wau̒ momonu olimongoli.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

ROMA 13:8

Diila mao̒ pobuli penu boli wolo too̒lita wambai̒o, ngopohia biloli tolia̒ngo ode ngota-timongota. Sababu tamo tolia̒ngo ngota timongotalio, malo poo̒polu ngoa̒amila butoe̒e Musa.

EPESUS 1:4

Tou̒ diipo dunia botie pilowali-Lio mai, Allahu Taa̒ala malo lulaota olanto lotimbulude li Almasi wolo makusudu alihu ito mowali tolomodu miliki-Lio tadiila oa̒ibu totalu-Lio. Sababu ponu lo Allahu Taa̒ala,

EPESUS 4:3

Potolo panilo tio̒otutua tumumula wolo dame alihu otuuwau u pilowali mai lo Rohullah debo taataalo.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

KOLOSE 2:2

Ngoa̒amilalo botie hepilohutu lowatia alihu hilaa limongolio mowali molotolo wau timongolio mototoolia̒nga tilinggula timongolio moa̒ita tutu mowali tuwau. Lou̒ odito timongolio tio̒otutua mongalati boli yakini wau motota hitua-tuawua u milakusudu tiluuo̒ Allahu Taa̒ala, deu̒ito-yito ti Almasi lohihilao.

1 TESALONIKA 4:9

Diilalo palalu olamiaatia moluladei olimongoli pasali woloolo mola timongoli musi motolia̒nga mongo wutato tango iimani. Timongoli lohihilao mai̒laajali lo Allahu Taa̒ala u mototoolia̒ngo.

1 TIMOTIUS 1:5

Patuju lo naseehatiu̒ boito yito alihu tau mowali motolo miliki hilaa ubelesi wau hilaa u maloo̒tapu tenelo Eeya u mantali, wau tio̒otutua palacaya to Eeya, wau lou̒ odito timongolio mowali motolia̒nga timongotalio.

IBRANI 6:1

Sababu uito, duloolo ito molaia̒ ode totoonulalo pongaajali u wumbutio mola leeto pasali omoontapo tutumulo lo Nasara, wau diila bo wambao̒ mopoo̒tuoto dadaa-saliyalo bohulo pongaajali lo agamanto. Diilalo mao̒ wuliyonto dasali lo pongaajali deu̒ tau musi mohuheli mohutu susuu-aliyaalo udiila ohuna wau musi palacaya to Allahu Taa̒ala,

1 PETRUS 4:8

Lebe mao̒ lou̒ totoonulalo u hitua-tuawua, mamusi timongoli tio̒otutua motolia̒nga ngota timongota, sababu wolo mototoo lia̒nga boito timongoli mamoti dapato olo u mongangaa-mbungua.

2 PETRUS 1:7

Wau tumumulo modudua̒ u otohilaa lo Allahu Taa̒ala musi olo poimumutolo wolo modehu hilao tomongo wutato ngoi̒imani. Wumbutio mola mamusi tolia̒ngumu tomongo wutato ngoi̒imani duhengalo wolo tolia̒ngo ode taa ngoa̒amila.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.

1 YAHYA 4:21

Sababu uito, utieelo palenta uilohi mai li Almasi to olanto: Titaalo tita tamo tolia̒ngo Allahu Taa̒ala musi olo motolia̒ngo wutatio.