KOLOSE 3:13 - KITABI HABARI MOPIOHE

¹³ Timongoli musi sabali ngota timongota, wau moa̒aa̒mbungua wonu woluo taa oniyati ode taawewo. Eeya wolo hilaa sanangi longambungu olimongoli, oditolio timongoli olo musi mohuto mongambungu ngota timongota.

KOLOSE 3:13 ပူးပေါင်းရင်းမြစ်များ

POHUMAYA 19:11

Taa molinepo moo̒ otongo oyiyingolio. Tio pujipuji sababu diila momandungi totala lotau to olio.

MATIUSI 5:44

Bo botia potahuda-U̒ mai olimongoli: tolia̒nga mao̒ mongo satulumu, wau dua̒i mola tau-tauwalo tahipo ngalinayawa olimongoli,

MATIUSI 6:12

Ambungua mai mongowatotia monto totala lo mongowatotia, debo odelo mongowatotia malo ngambungu taa u ototala to mongowatotia.

MARKUSI 11:25

Wau wonu timongoli modua̒, bo hilaamu diila sanangi ode tahingota-ngotaawa, ambunguwapo tau boito, alihu Allahu Taa̒ala limongoli tosologa mongambungu mai olo duduu-sawaalo limongoli. [

LUKASI 11:4

Ambungua mai duduu-sawaalo mongowatotia, sababu mongowatotia olo hemo ngambungu timii̒du tau tao̒totala to mongowatotia. Wau diila mao̒ polulia mongowatotia oolia lo palacaya towakutu mongowatotia yimontalalio.’ ”

LUKASI 23:34

Tulusi ti Isa malodua̒, “Paapa, ambunguwalo mai timongolio! Diila otaawa limongolio wolo upilohutu limongolio.”

ROMA 15:7

Sababu uito wajibulio Mongo wutato mololimo mao̒ ngota-timongota wolo hilaa sanangi, tutuuwauwa debo odelo ti Almasi olo lololimo olimongoli u lopolaio̒ Allahu Taa̒ala.

2 KORINTUS 2:10

Wonu timongoli mongambungu tamaa ilotala olimongoli yi watia olo mamo ngambungu tau boito. Sababu wolo umaa ilambungu lowatia – wonu memangi woluo tapalalu ambunguwolo, uito ambunguo mao̒ lowatia totalu li Almasi ode opopiohi mongoli.

2 KORINTUS 6:6

Wolo huhutu motulidu wau molinepo, sabali wau mopiohe hale, amiaatia helo pobiloheo̒ deu̒ amiaatia yito wato lo Allahu Taa̒ala. Wau olo lou̒ helo tiwunela toponu lo Rohullah, wau wolo tolia̒ngo u ihilasi,

GALATIA 6:2

Mamusi mobabaantua momanta banta lotau, alihu lou̒ odito timongoli modungohe palenta li Almasi.

EPESUS 4:2

Mamusi timongoli laito motidupapa lohilao, molumboyoto, wau sabali. Pobilohe mao̒ tolia̒ngi mongoli lou̒ momantu ngota timongota.

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

KOLOSE 3:12

Wutato yito umati lo Allahu Taa̒ala. Allahu Taa̒ala lomonu olimongoli wau lolulaota olimongoli u tolomodu lowali miliki-Lio. Uitolo sababuulio timongoli musi mopo biloheo̒ modehu hilao, timongoli musi ohilaa mopiohe, motidupapa lohilao, molumboyoto lohilao, wau tahangi modutolo.

YAKOBUS 2:13

Sababu Allahu Taa̒ala diila tamopo bilohei odehu hilao ode taa udiila motota modehu hilao. Bo modehu hilao lebe molotolo wolo hukuumani.

1 PETRUS 2:21

Maa uitolo Allahu Taa̒ala lotianga olimongoli. Sababu ti Almasi lohihilao malo dutolo ode limongoli, wau woleeto Tio longohi olimongoli tuwaulio obaaya, alihu timongoli modudua̒ baa̒a-Tio.