KOLOSE 3:12 - KITABI HABARI MOPIOHE

¹² Wutato yito umati lo Allahu Taa̒ala. Allahu Taa̒ala lomonu olimongoli wau lolulaota olimongoli u tolomodu lowali miliki-Lio. Uitolo sababuulio timongoli musi mopo biloheo̒ modehu hilao, timongoli musi ohilaa mopiohe, motidupapa lohilao, molumboyoto lohilao, wau tahangi modutolo.

KOLOSE 3:12 ပူးပေါင်းရင်းမြစ်များ

YESAYA 42:1

Tahuda mai lo Eeya, “Utieelo wato-U̒ tabiloowo-U̒, taa tilulaotu-U̒ wau taloo̒ sanangi hilaa-U̒. Wau̒ malongohi kawasaa-U̒ to olio u modelo ua̒adili ode timii̒du bangusa.

YESAYA 45:4

Yio̒ tiango-U̒ wau wohiya-U̒ mai garai, eleponu yio̒ diila moo̒onuhe ola-U̒. Yio̒ wohiya-U̒ tuugasi motuulungi Isirai̒lu wato-U̒, sababu timongolio bangusa tilulaotu-U̒.

YESAYA 63:15

Yaa Eeya, bilohilo mai monto sologa, monto biluloa̒ lo Eeya u mantali wau molamahu. Tou̒toonu ponu wau olootolo boli obuheli daa̒ lo Eeya? Tou̒toonu watade odehu hilao wau odehu hilao Eeya? Diila mao̒ otonga mai uito monto olamiaatia.

YESAYA 65:9

Ngojumulaa taulo Isirai̒lu monto suku Yehuda mabalakatiya-U̒, wau wali mai limongolio mamomiiliki huta hihui̒-hui̒dee-U̒. Tau-tauwalo tatilulaotu-U̒ tahe motiwato to Olau̒ mamo tibiluloa̒ mola teto.

YEREMIA 31:20

Isirai̒lu, yio̒ walao̒ tai̒loponu-U̒, walao̒ ilohilaa-U̒, wau polaantapu-U̒. Timii̒du Wau̒ monganjamu Wau̒ laito moe̒elai olemu lou̒ mooloolo. Yio̒ mapohutuwo-U̒ mai wolo lealeaatu odehu hilao.

YEREMIA 31:3

lonto molamingo Wau̒ lopobilohei batanga-U̒ ode limongolio. Wuu umati lo Isirai̒lu, tumulalo muloololio mai Wau̒ laito hemomonu mai olimongoli, wau mololaalaaita mola Wau̒ madebo hemopo bilohei deu̒ Wau̒ laito momonu olimongoli.

MATIUSI 24:22

Humayaalio Allahu Taa̒ala diila mopolimbuo̒ wakutuulio; yi diaaluo boli ngota mao̒ tamoa̒ahu. Bo sababu umati-Lio, Allahu Taa̒ala mopolimbuo̒ maasa boito.

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

MATIUSI 24:31

Tolompeti leidaa̒ mapo tingohulio, wau Walao̒ Manusia mamopoa̒hu mamaa-lai̒ikati-Lio mongambu umati-Lio monto opato dulungo dunia, monto huudu hulungo u tuwau demola huudu hulungo uwewo.”

MARKUSI 13:20

Humayaalio Allahu Taa̒ala diila mopolimbuo̒ maasa boito, yi diaaluo penu boli ngotaa mao̒ tamoa̒ahu. Bo kalana umati-Lio, Allahu Taa̒ala mopolimbuo̒ maasa boito.

MARKUSI 13:22

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

MARKUSI 13:27

Tio mamopoa̒hu mai mamaa-lai̒katiyalo u mongambu umati tatilulao-Tio monto opato tutulo aalamu, monto huhuudu lodunia ode huhuudu lohulungo.”

LUKASI 1:78

Eeyanto mura lohilao wau boli tamoomonua; huna mopoa̒ahu olanto Tio dungga-dungga mai. Debo odelo mato lodulahu mobutu mai tou̒ dimodupo,

LUKASI 18:7

Naa, wolo Allahu Taa̒ala diila tamo podulua palakala lo umati-Lio lohihilao tahi pongibode o-Lio hui wau dulahu? Wolo Tio mamopo lohudu lowakutu mai motulungi olimongolio?

ROMA 1:7

Uito sababuulio watia loluladei olimongoli. Pohileaala dua̒ Allahu Taa̒ala ti Paapanto wau ti Isa Almasi mongohi mai balakati wau salaamati olimongoli.

ROMA 13:14

Hulii mao̒ Eeya Isa Almasi tamolantu mai wolo umusi pohutuo limongoli. Wau diila mao̒ podudua̒ pii̒li lomanusia odusa u bo wambao̒ mopoluli hilao to napusuulio.

ROMA 9:11

Tou̒ wolao̒ duulota boito diipo pilotutulio, Allahu Taa̒ala malolantu tulao-Tio duo̒lo wumbutio mola. Tulaoto Allahu Taa̒ala boito diila lotiwunela tou̒ wolo u mowali pohutuo lotau, bo lotiwunela to titiango Allahu Taa̒ala lohihilao. Sababu towakutu walai̒ Ribka mongo lolai̒ duulota boito diipo mowali moponao̒ hitua-tuwaua umopiohe meaalo u moleeto,

1 KORINTUS 13:4

Taa u motolia̒ngo tau-tauwalo wewo, sabali wau mopiohe hale. Tio diila lepalepata lou̒ mohiihia, diila moloi̒ya ulatabu, diila sombongi.

2 KORINTUS 6:6

Wolo huhutu motulidu wau molinepo, sabali wau mopiohe hale, amiaatia helo pobiloheo̒ deu̒ amiaatia yito wato lo Allahu Taa̒ala. Wau olo lou̒ helo tiwunela toponu lo Rohullah, wau wolo tolia̒ngo u ihilasi,

GALATIA 5:6

Sababu wonu ito malo tituwau woli Isa Almasi, sua̒li modudua̒ meaalo diila modudua̒ wuu̒du lotuuna diilalo mowali sua̒li. U polohuna daa̒ bo palacaya wambao̒ li Almasi, wau uito oontonga todelomo tolia̒ngonto ode taawewo.

EPESUS 1:4

Tou̒ diipo dunia botie pilowali-Lio mai, Allahu Taa̒ala malo lulaota olanto lotimbulude li Almasi wolo makusudu alihu ito mowali tolomodu miliki-Lio tadiila oa̒ibu totalu-Lio. Sababu ponu lo Allahu Taa̒ala,

EPESUS 4:2

Mamusi timongoli laito motidupapa lohilao, molumboyoto, wau sabali. Pobilohe mao̒ tolia̒ngi mongoli lou̒ momantu ngota timongota.

EPESUS 4:24

Mamusi timongoli tumumulo odelo manusia bohu u pilowali modudua̒ gambali lo Allahu Taa̒ala; deu̒ito-yito wolo pii̒li u otutu, motulidu wau mantali.

EPESUS 4:32

Bolii̒o mao̒, mamusi timongoli o hilao u mopiohe wau modehu hilao ode ngota-timongota, wau mongaa-ngambungua tutuuwauwa debo odelo Allahu Taa̒ala olo longambungu mai olimongoli lotimbulude li Almasi.

PILIPI 1:8

Otaawa lo Allahu Taa̒ala deu̒ watia otutu mooloolo daa̒ olimongoli wolo laasa tolia̒ngo tataabia lohilao monto li Isa Almasi lohihilao.

KOLOSE 3:10

Timongoli botia mailohia-Lio mai tutumula bohu. Timongoli yito manusia bohu, tadonggo hepo bohua-Lio mololaalaaita lo Talopowali mai olio, deu̒ito-yito Allahu Taa̒ala, lodudua̒ rupa-Lio lohihilao. Makusudulio yito alihu timongoli motota lo Allahu Taa̒ala wolo wimu-wimumuto ngoa̒amilalo.

1 TESALONIKA 5:15

Poo̒dahai mao̒ alihu diila bolo woluo tamomalasi u moleeto wolo u moleeto. Potolo panilo laito mohutu umopiohe, ngota timongotalio wau ode taa ngoa̒amila.

2 TIMOTIUS 1:9

Allahu Taa̒ala lopoa̒ahu olanto wau lomonu olanto alihu mowali umati-Lio lohihilao. Tio lohutu mai uito diila patopatoa̒ tou̒ wolo umaa kilalajanto, bo patopatoa̒ to lanjana-Lio lohihilao wau odehu hilaa-Lio. Tio longohi mai odehu hilaa-Lio lotimbulude li Isa Almasi tou̒ dunia botie diipo pilowali-Lio mai.

2 TIMOTIUS 2:10

Uitolo sababuulio wau̒ sabali helomanta ngoa̒amilalo boito duo̒lo polohuna daa̒ ode tau-tauwalo tamaa tilulaoto Allahu Taa̒ala, alihu timongolio olo moo̒toduo oa̒ahu uilohi lotimbulude li Isa Almasi, wau u tilunuhe lo odudaa̒ ubakaa.

TITUSI 1:1

Walau̒uu̒ Titusi! Wau̒, Paulus, moluladei tulade botie odelo wato lo Allahu Taa̒ala wau rasulu li Isa Almasi. Wau̒ tilulaoto wau yilao-Lio u motulungi totau-tauwalo tatilulaoto Allahu Taa̒ala alihu mowali molotolo todelomo iimani limongolio. Wau̒ olo musi modelo olimongolio alihu motota lo pongaajali u otutu u pilo ngaajali lo agamanto.

2 PETRUS 1:10

Sababu uito, Mongo wutato, potolo panilo tio̒otutua alihu titiango Allahu Taa̒ala wau tulao-Tio to batangamu boito mowali helebe motoheetao̒. Wonu timongoli mohutu mao̒ uito, timongoli diila tamomaahe iimani.

1 YAHYA 4:19

Ito motolia̒ngo, sababu Allahu Taa̒ala maleimulo lomonu mai olanto.

2 YAHYA 1:13

Mongo walao̒ monto wutato taabua li Ibu tatilulaoto olo lo Allahu Taa̒ala, lolao salamu odeli Ibu. 3

WAHI 17:14

Timongolio mamopaatea moluwali Walao̒ Himba boito. Bo Walao̒ Himba boito wolo tahidudua̒ o-Lio utatapu wau molotolo hilao tamaa tiliya-Ngio wau tilulao-Tio boito mamo poo̒laaheo̒ mongo olongia boito, sababu Tiolo Eeya lou̒ totoonulalo tuani, wau Olongia lou̒ totoonulalo olongia.”