KOLOSE 3:10 - KITABI HABARI MOPIOHE

¹⁰ Timongoli botia mailohia-Lio mai tutumula bohu. Timongoli yito manusia bohu, tadonggo hepo bohua-Lio mololaalaaita lo Talopowali mai olio, deu̒ito-yito Allahu Taa̒ala, lodudua̒ rupa-Lio lohihilao. Makusudulio yito alihu timongoli motota lo Allahu Taa̒ala wolo wimu-wimumuto ngoa̒amilalo.

KOLOSE 3:10 ပူးပေါင်းရင်းမြစ်များ

ILOOWALI 5:1

Uti-utieelo daputali lowali mai lei Adamu. [Tou̒ Allahu Taa̒ala lopowali mai manusia, pilopowali-Lio timongolio debo odelo Allahu Taa̒ala lohihilao.

AYUBA 29:14

Huhutuuu̒ juujulu diila o aibu; pilopo tihuluu̒ u aadili laito.

JABURU 51:10

Poluliaalo mai watotia modungohe habari moe̒engahu, alihu hilaa upilopo toyopu mai lo Eeya botie muli motingalaa̒ meengahu.

YESAYA 52:1

Pobongulo, wuu Yerusalemu, pobongulo! Poo̒lotola mola hilaamu! Pomakeaalo pakeyangi lo odudaa̒amu! Wuu Yerusalemu, kota u mantali, taa najisi diilalo tumuwoto molibaya hulubangimu.

YESAYA 59:17

Eeya helomake ua̒adili wau osalaamati odelo boo̒ wate wau heelemu waja. Eeya oteekati u moponguli owowoluwoa wau molontuli mai udiila aadili.

YEHESKIEL 11:19

Timongolio mawohiya-U̒ hale u bohu wau watade u bohu. Hale limongolio udebo odelo toheeto botu mahamaa-U̒ wau tuloa̒a-U̒ wolo hale u modungohe to Olau̒.

YEHESKIEL 18:31

Pohuhelia mao̒ totoonulalo u moleeto u hepohutuo limongoli wau huliilo mao̒ hilao wau pikiilangimu mowali bohu. Yilongola timongoli musi mate?

YEHESKIEL 36:26

Yi timongoli mahiya-U̒ mai hale u bohu wau pikiilangi u bohu. Hilaamu u debo odelo toheeto botu boito matuloa̒a-U̒ mai wolo hilao u modungohe.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

ROMA 12:2

Diila mao̒ poduduo̒ totoonulalo dudelo lodunia botie. Hulii mao̒ Allahu Taa̒ala tamohutu mai batangamu lohihilao mowali bohu, alihu timongoli molomelo. Lou̒ odito timongoli mambo motota mao̒ u otohilaa lo Allahu Taa̒ala – deu̒ito-yito wolo umopiohe wau umoo̒ sanangi hilaa-Lio wau u wimu-wimumuto ngoa̒amilalo.

ROMA 13:12

Hui mangopee̒ mopaluto; wau ngopee̒po madulahu. Oditolio, opiohelio ito mohuheli mohutu totoonulalo huhutu u moleeto. Ito musi mopo wimumuto batanganto wolo sinapangi mobaango.

ROMA 13:14

Hulii mao̒ Eeya Isa Almasi tamolantu mai wolo umusi pohutuo limongoli. Wau diila mao̒ podudua̒ pii̒li lomanusia odusa u bo wambao̒ mopoluli hilao to napusuulio.

ROMA 6:4

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

ROMA 8:29

Timongolio tamaa tilulaoto Allahu Taa̒ala, matilantu-Lio olo lonto bohulio u lowali ngolupa wolo Wala-I̒o, deu̒ito-yito ti Isa Almasi. Lou̒ odito Walao̒ boito lowali tabohulio towolota lomongo wutato dadaata.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:16

Uitolo sababuulio amiaatia diila lotombodu. Eleponu amiaatia debo odelo sipati lobatanga he oduhenga mola lusaalio, bo debo odelo sipati lorohu amiaatia pilowali mai bohu timii̒du dulahu.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

2 KORINTUS 5:17

Taa umalo tituwau woli Almasi, mowali manusia bohu sama-samaata. U deedelo madiduu̒ – ngoa̒amilalo malowali bohu.

GALATIA 3:27

Timongoli ngoa̒amilalo mapilo lihulio to tangguli Almasi, oditolio timongoli malo lolimo tobatanga limongoli pipii-iliyaalo li Almasi lohihilao.

GALATIA 6:15

Tiluuna meaalo diila tiluuna, uito diila polohuna daa̒. U polohuna daa̒ yito mowali manusia bohu.

EPESUS 2:10

Ito yito pilowali lo Allahu Taa̒ala, wau lotimbulude li Isa Almasi, Allahu Taa̒ala lopoo̒piohu mai olanto alihu ito mohutu mao̒ susuu-aliyaalo u mopiohe umaa pilohetu-Lio olanto.

EPESUS 2:15

Butoo̒ agama lo Yahudi wolo papaa-lentawalo wau wuwuu-udulio mailuluto li Almasi alihu dulo bangusa boito mowali ngobangusa manusia bohu, talo tituwau wo-Lio. Wolo pohuli boitolo ti Almasi lopowoluo mai polodame.

KOLOSE 3:12

Wutato yito umati lo Allahu Taa̒ala. Allahu Taa̒ala lomonu olimongoli wau lolulaota olimongoli u tolomodu lowali miliki-Lio. Uitolo sababuulio timongoli musi mopo biloheo̒ modehu hilao, timongoli musi ohilaa mopiohe, motidupapa lohilao, molumboyoto lohilao, wau tahangi modutolo.

KOLOSE 3:14

Wau ulebe polohuna daa̒, deu̒ito-yito: Timongoli musi mototoolia̒nga sababu tolia̒ngo boitolo u mopotuwau tutu to Mongo wutato ngoa̒amilalo tilinggula mowali wimu-wimumuto ngoa̒amilalo.

PILEMON 1:6

Watia modua̒ mola pohileaala dua̒ potolo wutatonto odelo tau-tauwalo palacaya mamoo̒ toduo mai huhaama ulebe udaa̒ mao̒ to ngoa̒amilalo balakati u mililikinto sababu lotituwau woli Almasi.

IBRANI 6:6

Lapatao̒ uito timongolio momaahe iimani! Diila pongalo aakali muli modelo olimongolio umuli molilihu monto duduu-sawaalo limongolio. Sababu timongolio donggo hipo salipua poli Walao̒ Allahu Taa̒ala wau helohutu o-Lio hilinaa totalu lotaa dadaata.

1 YAHYA 2:3

Wonu ito modungohe papaa-lentawalo Allahu Taa̒ala, uito tuotio deu̒ ito motota lo Allahu Taa̒ala.

1 YAHYA 2:5

Bo taa u modungohe tahuda lo Allahu Taa̒ala, tau boito motolia̒ngo Allahu Taa̒ala lou̒ wimu-wimumuto tutu. Uitolo tuotio deu̒ ito tumutumulo motituwau wolo Allahu Taa̒ala.

WAHI 21:5

Lapatao̒ Tio tahulo-huloa̒a toitaato tambati huhuloa̒ li olongia boito lotahuda, “Botia Wau̒ mamohutu ngoa̒amilalo bohu!” Tio lotahuda olo olaatia, “Tuladelo utie, sababu tataa-heyaalo botie otutu wau mowali palacayalo.”