KOLOSE 3:1 - KITABI HABARI MOPIOHE

¹ Timongoli maluli pilotumu-lai pee̒-pee̒enta woli Almasi. Sababu uito mamusi timongoli motolopani u moo̒tapu susuu-aliyaalo u tosologa, tou̒toonu ti Isa hemo malenta pee̒-pee̒enta wolo Allahu Taa̒ala.

KOLOSE 3:1 ပူးပေါင်းရင်းမြစ်များ

JABURU 110:1

Jaburu lei Dauda. Eeya lotahuda odeli tuani laatia, “Potihuloo̒lo mola to ambahu olowala-U̒, tunggula mumuu-suumu potaa̒a-lukuwo-U̒ to olemu.”

JABURU 16:11

Pobilohe mai lo Eeya olo watotia dalalo dulu-dulunga ode tutumulo; to Eeya watotia heloo̒tapu wengahu daato-daatalo mao̒ wau osanangi tutu u ohiheo-hiheolo mao̒.

POHUMAYA 15:24

Taa u molinepo modudua̒ dalalo motao̒du udulu-dulungo ode tutumulo; diila dalalo motuhuto udulu-dulungo ode opopate.

TAMOO-HUTUBAWA 10:2

Paatutilio wonu taa molinepo moponao̒ hitua-tuawua u mopodungga mai umopiohu, wau taa mohulodu moponao̒ u moleeto.

MATIUSI 22:44

‘Eeya lotahuda ode Eeyau̒: potihuloo̒lo to ambahu olowala-U̒, tunggula Wau̒ mohutu mao̒ ngoa̒amila lawani-Mu taa̒aluku to ole-Mu.’

MATIUSI 26:64

Ti Isa lolametao̒, “Odi-oditolo loi̒yamu. Bo pomalacayalo: tumulalo mai tosaaa̒ti botie, timongoli mamoo̒onto Walao̒ Manusia hulo-huloa̒a to ambahu olowala lo Allahu Taa̒ala Taa Laba-labaalo kawasa, wau meidungga mai toitaato heengo tohulungo.”

MATIUSI 6:20

Bolii̒o mao̒, pohimoo̒lo halata tosologa, tou̒toonu diaaluo wale wau taato u mopolusa wau tamootao̒wa diila monao̒ mai u motao̒ mao̒.

MATIUSI 6:33

Oditolio, potolo anipo meimulo alihu Allahu Taa̒ala momalenta mai tutumulumu wau pohutua mao̒ kahandaki-Lio. Yi, ngoa̒amila u wewolio mawohi mai lo Allahu Taa̒ala olo olemu.

MARKUSI 12:36

Lebe-lebe pomao̒ tei Dauda lohihilao – sababu ililihami mai lo Rohullah – loloi̒ya, ‘Eeya lotahuda ode Eeyaau̒: huloo̒olo to ambahu olowala-U̒ tunggula Wau̒ mohutu mumuu-suumu taa̒aluku to ole-Mu.’

MARKUSI 14:62

“Wau̒lo Tio,” tametao̒ li Isa, “wau timongoli ngoa̒amila mamoo̒onto Walao̒ Manusia motihuloa̒a to ambahu olowala lo Allahu Taa̒ala Taa Laba-labaalo kawasa wau dungga-dungga mai todelomo heengo monto hulungo!”

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

LUKASI 12:33

Potaliyalo milikimu wau wohia mota doilio ode taa mosikini. Pohutua mao̒ ode batangamu lohihilao dompeti udiila mowali moodulo, deu̒ito-yito halata u tilahu tosologa. Halata boito diila mowali mooli sababu tamootao̒wa diila mowali mohama wau wale olo diila mowali mopolusa mao̒.

LUKASI 20:42

Lebe-lebe pomao̒ tei Dauda lohihilao loloi̒ya todelomo Jaburu, ‘Eeya lotahuda to Eeyau̒: Potihuloo̒lo to ambahu olowala-U̒,

LUKASI 22:69

Bo tumula mao̒ botia, Walao̒ Manusia mamo tihuloa̒a to ambahu olowala lo Allahu Taa̒ala Taa Laba-labaalo kawasa.”

WUNGGULI LOMONGO RASULU 2:34

Tei Dauda lohihilao diila lobotula mola ode sologa, bo tei Dauda loloi̒ya, ‘Eeya lotahuda ode Eeyau̒:

WUNGGULI LOMONGO RASULU 7:55

Bo tei Stepanus tamaa kiluwaasa lo Rohullah, yilumanggela mola ode hulungo. Tio loo̒onto mola ololaio̒ Allahu Taa̒ala wau ti Isa tihutihula totambati okawasa to ambahu olowala lo Allahu Taa̒ala.

ROMA 8:34

Wolo woluo tao̒hilaa mopotala olanto? Deti Isa Almasi tamopo duulua olanto! Tiolo tamailate, wau tumbao̒ Tiolo tamaaluli pilopo tumu-Lio mai lonto opopate wau maito totambati lo Allahu Taa̒ala tao̒kawasa.

ROMA 8:6

Wonu pikiilangimu kiluwasa pii̒li lomanusia yi akibatilio opopate. Bo wonu pikiilangimu kiluwasa lo Rohullah, yi akibatilio yito tutumulo wau odudame wolo Allahu Taa̒ala.

2 KORINTUS 4:18

Sababu amiaatia diila mopoo̒tuoto sua̒li u oo̒onto, bo tumbao̒ udiila oo̒onto. U oo̒onto bo moo̒ tahangi ngopee̒ mola, bo udiila oo̒onto boito ohiheo-hiheolo mao̒ ohiheo-hiheolo mao̒.

EPESUS 4:10

Wau Tio tamalo tuhutai boito, Tiolo olo talo botula demola tambati ulebe molanggato daa̒ monto ngoa̒amila hulungo tilinggula ngoilanggubu aalamu ilotuanga lo ilowoluwoa-Lio.

EPESUS 5:22

Dile taabua, tuu̒dio motaa̒luku todile talolai limongoli, tutuuwauwa debo odelo to Eeya.

KOLOSE 2:20

Timongoli mailate pee̒-pee̒enta woli Almasi, wau mailopato lonto roroo-huwaalo ukawa-kawasa aalamu botie. Naa, yilongola timongoli hitumula debo odelo taa donggo kiluwaasa lodunia botie? Yilongola timongoli taa̒luku tou̒ wuwuu-uduwaalo debo odelo utie,

KOLOSE 3:2

Podulunga mao̒ pikiilangi limongoli to susuu-aliyaalo uteto, diila to susuu-aliyaalo u todunia.

IBRANI 1:13

Allahu Taa̒ala diila pee̒enta mao̒ lotahuda odie penu boli ode ngotaalio lo malai̒kati, “Huloo̒olo towimbihu olowala-U̒, dilumutu mumuusu-Mu potaa̒lukuwo-Mu de ole-Mu.”

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 10:12

Bolii̒o mao̒, ti Almasi lopodewo bo tuwau bake u pongambungualo dusa, wau bake boito pohupohutu u ohiheo-hiheolo mao̒. Lapatao̒ lopodewo bake boito, ti Almasi lotihuloa̒ to ambahu olowala lo Allahu Taa̒ala wau momalenta pee̒-pee̒enta wo-Lio.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 8:1

Bungo lou̒ ngoa̒amilalo bisalanto botie yito: Ito o Iimamu Daa̒ tadebo odelo uito, tahulo-huloa̒ hemomalenta pee̒-pee̒enta wolo Allahu Taa̒ala Laba-labaalo udaa̒ tosologa.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.