KOLOSE 2:8 - KITABI HABARI MOPIOHE

⁸ Mamusi timongoli mopoo̒ daha-dahaalo mao̒, diila bolo woluo tamoheinga olimongoli wolo totoonulalo palasapa lomanusia udiila ohuna, bo moo̒ lapalo wambai̒o. Totoonulalo palasapa boito diila lonto li Almasi, bo lonto pongotota lomanusia wambao̒ wau lonto roroo-huwaalo ukawa-kawasa todunia.

KOLOSE 2:8 ပူးပေါင်းရင်းမြစ်များ

LAHU MOLAMAHU 2:15

Wau̒paalo aa̒a-pulaalo huta boito, aa̒a-pulaalo huta kekeei̒ u hemo poruusa ilengi lo angguru, sababu ilengi lo angguru lami donggo hipongoa̒ala.

YEREMIA 29:8

Wau̒ Eeya, Taa Laba-labaalo kawasa, Allahu Taa̒ala lo Isirai̒lu, mopoe̒elai olimogoli alihu batangamu diila mao̒ polulimu wimbuloa lomongo nabi tahi biluloa̒wa to huungi mongoli meaambo penu boli tatoonu wambai̒o tamoloi̒ya deu̒ timongolio mowali molaamali dulahee momooli. Diila mao̒ poo̒tuota limongoli ngoa̒amila tohiilopi mongolio.

MATIUSI 10:17

Poo̒daha-dahaalo mao̒, sababu timongoli mawau̒polio wau mapo taaluolio wolo mahakama. Timongoli masikisaalio to bebee-leyaalo potabiaalo.

MATIUSI 16:6

Ti Isa lotahuda olimongolio, “Poo̒daha-dahaalo mao̒ ragi tau-tauwalo Parisi wau Saduki.”

MATIUSI 7:15

“Poo̒daha-dahaalo mao̒ tomongo nabi paluti. Timongolio monao̒ mai ode limongoli motihutu debo odelo himba, bo tutuulio tutu timongolio debo odelo saligala mongantau.

WUNGGULI LOMONGO RASULU 17:18

Guguu-ruwaalo alilani Epikuros wau alilani Stoa helo susuua̒lia olo wolio. Dengolo lota limongolio hipoloi̒yawa, “Wolo otaawa lotau botie? Pongototalio bo ngoi̒di, bo tio dadaata bisalaalio!” Dengolo lota tawewolio hipoloi̒yawa, “Oontonga mao̒ tio hemo pohabari pasali lo dedeewaalo bangusa wewo.” Timongolio loloi̒ya odito, sababu tei Paulus helo bisala pasali li Isa wau pasali lou̒ muli tumumulai monto opopate.

WUNGGULI LOMONGO RASULU 17:32

Tou̒ tau-tauwala boito loo̒dungohe pasali lou̒ muli tumumulai tou̒ mailate mao̒, woluo towolota limongolio tahe lopoi̒ii̒ mao̒ olei Paulus. Woluo olo talo loi̒ya, “Ami ohilaa modungohe Wutato muli mobisala mai pasali losua̒li botie.”

ROMA 16:17

Mongo wutato! Pohile lowatia lou̒ tio̒otutua: Poo̒daha-dahaalo mao̒ totau-tauwalo tahemo potoodei owowoluwoa u mopobuu-bua̒alawa wau mopo puyoo̒to opopalacaya lotau ode Eeya. Sua̒li boito bubuu-lemenga lou̒ wolo u mapilo ngaajali olimongoli. Walahe mao̒ tau-tauwalo debo odelo uito.

1 KORINTUS 10:12

Taa u molantobe batangalio tihutihula motoheeto, mamusi mopoo̒daha-dahaalo mao̒; tio diila bolo modehu.

1 KORINTUS 8:9

Bo, poo̒daha-dahaalo mao̒! Diila bolo motoduo mai ode taawewo mowali odusa – sababu iimanilio diipo molotolo – masababu Wutato molopato penu boli mohutu wolo wambai̒o.

2 KORINTUS 10:5

wau helo ngantulu totoonulalo bintengi lo osombongi u bilongu motehengi pongotota pasali lo Allahu Taa̒ala. Amiaatia helo tawalo pikiilangi lotau-tauwalo wau lohutu olimongolio taa̒luku toli Almasi.

GALATIA 1:14

Todelomo sua̒li moponao̒ agama lo Yahudi, watia mongilaboto wolo odaata taulo Yahudi tango-hilaide lowatia. Watia osumangati daa̒ todelomo susuu-aliyaalo tomimbihu uu̒du linenemoya lamiaatia.

GALATIA 4:3

Odito olo wolanto; ngotilonggadu ito diipo leidaa̒, ito pohutulio wato lo roroo-huwaalo motolo kawasa todunia botie.

GALATIA 4:9

Bo botia timongoli motota lo Allahu Taa̒ala, meaalo lebe tuhata mao̒, Allahu Taa̒ala motota olimongoli. Naa, yilongola timongoli mohuto muli mohualinga ode roroo-huwaala lodunia botie, u molulupuhu wau mosikini? Yilongola timongoli mohuto muli pohutulio wato lo roroo-huwaalo boito?

GALATIA 5:15

Bo wonu timongoli tinggai aa̒awuta, poo̒dahai, de timongoli pee̒-pee̒enta moa̒antulu.

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

EPESUS 4:20

Boti Isa Almasi tao̒taawa limongoli diila odito!

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

TINGULI 6:12

yi poo̒dahai mao̒ tio̒otutua alihu timongoli diila mao̒ molipata to Eeya tamalo lopata olimongoli lonto Masiri, tambati limongoli pilowato.

PILIPI 3:2

Poo̒daha-dahaalo mao̒ totau-tauwalo tahi pohutua susuu-aliyaalo u moleeto, tau-tauwalo tapaatuti unteelo ‘apula’. Timongolio hipo huntulawa alihu tau-tauwala tunaalo.

KOLOSE 2:18

Diila mao̒ polulia batanga limongoli popoluhio lotaa u diila tio̒otutua motidupapa lobatanga wau tamolubo mamaa-lai̒katiyalo. Tau boito batingga wolo pipii-kilangilio tomimbihu dunia wau u tolomodu hemo pomangga-mangga bibii-bibiilohio,

KOLOSE 2:20

Timongoli mailate pee̒-pee̒enta woli Almasi, wau mailopato lonto roroo-huwaalo ukawa-kawasa aalamu botie. Naa, yilongola timongoli hitumula debo odelo taa donggo kiluwaasa lodunia botie? Yilongola timongoli taa̒luku tou̒ wuwuu-uduwaalo debo odelo utie,

KOLOSE 2:22

Ngoa̒amila wuu̒du boito yito tomimbihu susuu-aliyaalo u odito pomake diilalo ohuna. Uito bo wuu̒du wau totoonulalo pongaajali u pilohutu lomanusia.

KOLOSE 2:23

Memangi oontonga mao̒ sua̒li boito molinepo, wolo nasehatilio alihu tau molubo malai̒kati, mopodupapa batanga, wau moposikisa batanga; bo ngoa̒amilalo boito diila ohuna u mongotongo napusu lomanusia.

1 TIMOTIUS 6:20

Wolo umapilo malacaya olemu, dahai mao̒ uito tio̒otutua, Timotius! Walahe mao̒ totoonulalo loi̒ya udiila ohuna wau polo hahaamawa tomimbihu susuu-aliyaalo u wolo talatala tilanggula “Pongotota”.

2 TIMOTIUS 3:13

Hiambola tau-tauwalo tahileeta wau tau-tauwalo tahipo himbuloa malebe moleetao̒. Timongolio mohimbulo totaa wewo lebe-lebe pomao̒ penu boli timongolio lohihilao ilowimbuloa olo.

IBRANI 13:9

Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.

IBRANI 3:12

Mongo wutato, poo̒daha-dahaalo mao̒ diila bolo woluo to wolotamu ngotaalio tahilaalio odito leetio wau diila o iimani, tilinggula tio mobale wau mohalahe monto Allahu Taa̒ala tatumu-tumulo!

1 PETRUS 1:18

Otaawa limongoli wolo umapilo mayali u lopo lopato olimongoli lonto tutumulo udiila ohuna upilo walisi mai linene moyamu. Bayaliilio diila hitua-tuwaua umowali moluusa debo odelo talaa̒ meaalo hulawa,

2 PETRUS 3:17

Bo timongoli, Mongo wutato tao̒tolia̒ngo, malotota pasali losua̒li boito. Sababu uito, poo̒dahailo mao̒, diila bolo timongoli odelowa ode dalalo umoo̒ lapalo lotau-tauwalo tahi luusawa pii̒lilio tilinggula timongoli modehu monto tambati potidutaa̒ limongoli u motoheeto.

2 YAHYA 1:8

Sababu uito, poo̒dahailo diila bolo timongoli oolia lou̒ wolo umaa tilolopani mai lamiaatia olimongoli. Potolo panilo alihu timongoli mololimo monto Allahu Taa̒ala wuupamu ngoa̒amilalo.