KOLOSE 2:7 - KITABI HABARI MOPIOHE

⁷ wau monguwaa̒ta to o-Lio. Mamusi timongoli momongu tutumuli mongoli woli Almasi odelo patoi̒o. Mamusi timongoli lebe palacaya mao̒ li Almasi, modudua̒ wolo u mapilo ngaajali olimongoli. Wau mamusi hilaa limongoli daata-daatalo mao̒ wolo lapali oduo̒lo.

KOLOSE 2:7 ပူးပေါင်းရင်းမြစ်များ

JABURU 1:3

Tau boito otilapulo todelomo totoonulalo tolopanilio; tio debo odelo bungo lo ayu tobiihu dutulaa u momungo to sembolio wau diila pee̒enta mao̒ mololante duungio.

JABURU 92:13

Taa juujulu helo tumbungai debo odelo bungo lohuruma, wau mobutu molomiodu debo odelo bungo lo ayu woohu to Libanon.

YESAYA 61:3

u mopowengahu wau moposanangi totaa u siluukali lohilao wau limilimi; mai molomela osuukali lohilao limongolio mowali lahu poloi̒laalo momuji. Timongolio madebo odelo bungo lo ayu u pilomulo lo Eeya lohihilao. Timongolio mamohutu u mopiohu wau otutu, tilinggula Eeya pou̒daa̒alo.

YEREMIA 17:8

Tio debo odelo bungo lo ayu to biihu dutulaa u tolotolohu; waa̒atio umalapo demola taluhu. Tio diila moohe sembo lo polodulahu, duduungio laito moidu. Eleponu lipu odungga lo polohengu, tio diila laito molaasa molawalo sababu tio laito ohungo.

LUKASI 6:48

Tio debo odelo taa u tou̒ momongu bele mongau̒de modelo-delomolo mao̒, lapatao̒ mohutu pandemenilio tobotu. Tou̒ woluo taluhe daa̒ wau taluhu dutula molemba bele boito, bele boito diila mowali moe̒etu, sababu mabilongu toitaato pandemeni u mopiohe.

ROMA 16:25

Ilopujiaalo mola Allahu Taa̒ala! Tio okawasa mopoo̒ lotolai iimani lo Wutato motuu̒de wolo Habari Mopiohe monto Allahu Taa̒ala upilo habari lowatia pasali li Isa Almasi. Watia lopohabari mai habari boito lotuu̒de lou̒ wolo u piloi̒laalo mai lo Allahu Taa̒ala; deu̒ito-yito tomimbihu lanjana lo Allahu Taa̒ala umahi hetu-hetuto mola lotaunu hiheolio udiila otaawa lotau.

1 KORINTUS 1:8

Ti Isa Almasi lohihilao mamo pongaku olimongoli tunggula pulitio; alihu tou̒ Tio muli meidungga mai, motapu-Lio timongoli diila oa̒ibu.

1 KORINTUS 15:58

Masababu uito, Mongo wutato taa otolia̒nguu̒, mamusi timongoli molotolo wau diila moe̒tu. Pokalajalo tulusi ode Eeya lou̒ otu-otutuulo mao̒, sababu otaawa limongoli deu̒ ngoa̒amila u kalajaa limongoli ode Eeya, ohunalio.

2 KORINTUS 1:21

Allahu Taa̒ala lohihilaolo talo powali mai olamiaatia wau Wutato molotolo motituwau woli Isa Almasi; Tiolo olo talo lulaota olanto tolomodu ode batanga-Lio.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

EPESUS 4:21

Timongoli malo dungohe tomimbihu o-Lio! Wau odelo tahidudua̒ o-Lio, timongoli mai̒laajali olo pasali pii̒li lo Allahu Taa̒ala u woluo to o-Lio!

EPESUS 5:20

Mololaita wau tomimbihu penu boli wolo olo, mamusi timongoli molapali mola oduo̒lo ode Allahu Taa̒ala ti Paapa, to tangguli Isa Almasi Eeyaanto.

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

1 TESALONIKA 5:18

Todelomo totoonulalo owowoluwoa mamusi timongoli mosukuru, sababu uitolo u otohilaa lo Allahu Taa̒ala monto olimongoli odelo taa tumu-tumulo motituwau woli Isa Almasi.

IBRANI 13:15

Sababu uito, lou̒ motimbulude li Isa, mamusi ito laito momuji boli puji to Allahu Taa̒ala; uito debo odelo bake lo sukurunto to o-Lio, u podewonto moli lapali biihunto u mopolaio̒ tanggu-Lio.

IBRANI 13:9

Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.

1 PETRUS 5:10

Bo lapatio mao̒ timongoli modutolo ngopee̒ mola, Allahu Taa̒ala lohihilao mamohutu mai olimongoli mowali wimu-wimumuto tutu. Tio mamopo tihula wau mopoo̒ lotolo olimongoli wau mopotoheto olimongoli. Sababu Tio yito Allahu Taa̒ala tamopiohe daa̒ hilaa-Lio, tamalo tianga olemu u lodudua̒ helolaasa odudaa̒a-Lio ubakaa lotimbulude toli Almasi.

YUDAS 1:12

Tou̒ timongoli mohutu potihunggu lo totamelo, pii̒li lotau-tauwala boito moo̒lonuo̒ to wolotamu. Sababu timongolio helo lamela wolo motula lou̒ diila wolitao̒-wolitao̒, wau bo mopolohuna daa̒ batanga lohihilao. Timongolio debo odelo heengo u hiliipa lodupoto, bo diila mopo tuhutai didi. Timongolio olo debo odelo bungo lo ayu udiila momungo eleponu sembo lou̒ momungo; bubuu-ngowaalo ayu umaa bilunggato waa̒atio wau mailate sama-samaata.

YUDAS 1:20

Bo timongoli, Mongo wutatuu̒, taala mao̒ tulusi tutumulumu patopatoa̒a to palacayamu li Isa Almasi. Iimanimu boito mantali daa̒. Sambela uito podua̒alo mola wolo kawasa lo Rohullah,

YUDAS 1:24

Allahu Taa̒ala, tamambo modaha mai alihu timongoli diila modehu, wau tamambo modelo olimongoli ode talu-Lio u molamahu wolo weengahe wau lou̒ diila oa̒aibu.