KOLOSE 2:4 - KITABI HABARI MOPIOHE

⁴ Poo̒taa mai lowatia utie alihu timongoli diila bolo o aakalia penu boli lotatoonu olo lotaa bo mopiohu totunggilo toli mongoli.

KOLOSE 2:4 ပူးပေါင်းရင်းမြစ်များ

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

MATIUSI 24:4

Ti Isa lolametao̒, “Poo̒dahai mao̒, diila bolo o aakalialio timongoli.

MARKUSI 13:22

Sababu tahi poa̒ahua paluti wau mongo nabi paluti mamei dungga mai. Timongolio mamo kalaja mai huhuu-tuwaalo upolu-polutuo̒ wau momoo̒-linggolabeyalo u mohimbulo wonu potala mowali, umati lo Allahu Taa̒ala olo.

WUNGGULI LOMONGO RASULU 20:30

Tumbao̒ towolota lo Mongo wutato lohihilao olo malumunetai tau-tauwalo tamamo pohabari habari udiila otutu. Timongolio mohutu u odito alihu tau-tauwala tamalo malacaya li Isa malapalolo wau modudua̒ olimongolio.

1 KORINTUS 2:4

Habari upilo tunggulai lowatia ode limongoli, diila pilo tunggulai lowatia wolo tataa-heyaalo u moheinga modudua̒ tinepo lomanusia. Watia lopo tunggulai uito wolo pohuli u lopobukuti deu̒ Rohullah okawasa.

2 KORINTUS 11:3

Bo watia molawalo pikiilangi limongoli maa owaingalio udiilalo tatapu wau molotolo hilao toli Almasi, debo odelo ti Hawa omoo̒omolu olo ilowainga lo aakali moleeto lo tulidu.

GALATIA 2:4

eleponu woluo tau-tauwalo tahipo huntulawa sua̒li boito. Timongolio yito tau-tauwalo tahelo tiwantoa̒ todelomo kaumunto wau lotihutu debo odelo wutato. Timongolio tilumuwota lou̒ poo̒-poo̒oyo u motulete ololopato uwoluo to olanto sababu ito lotituwau woli Isa Almasi. Timongolio ohilaa mopo walingao̒ olanto ode delomo owowoluwoa u muloololio mai odelo wato,

EPESUS 4:14

Yi ito diilalo mowali mongo walao̒ tahepo bale-baleangio wau heo̒ delo-delowalio odito mota odia mai lo pongaajali u hidala-dalaala lotahi o aakalia dadaata u moleeto. Timongolio hemopoo̒ lapala tau wolo yimbulo u hidala-dalaala limongolio.

EPESUS 4:17

Sababu uito domi tanggulo Eeya, uti-utieelo u mapolele wau popidudutai lowatia: diilalo potitumulo debo odelo tau-tauwalo tadiila hitootawa to Allahu Taa̒ala, wau momikiilangi udia-diaaluo mao̒.

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

KOLOSE 2:18

Diila mao̒ polulia batanga limongoli popoluhio lotaa u diila tio̒otutua motidupapa lobatanga wau tamolubo mamaa-lai̒katiyalo. Tau boito batingga wolo pipii-kilangilio tomimbihu dunia wau u tolomodu hemo pomangga-mangga bibii-bibiilohio,

KOLOSE 2:8

Mamusi timongoli mopoo̒ daha-dahaalo mao̒, diila bolo woluo tamoheinga olimongoli wolo totoonulalo palasapa lomanusia udiila ohuna, bo moo̒ lapalo wambai̒o. Totoonulalo palasapa boito diila lonto li Almasi, bo lonto pongotota lomanusia wambao̒ wau lonto roroo-huwaalo ukawa-kawasa todunia.

2 TIMOTIUS 2:16

Walahe mao̒ bibii-salawaalo udiila ohunalio wau u mohina Allahu Taa̒ala. Bibii-salawaalo debo odelo uito bo mohutu totau helebe moleetao̒.

2 TIMOTIUS 3:13

Hiambola tau-tauwalo tahileeta wau tau-tauwalo tahipo himbuloa malebe moleetao̒. Timongolio mohimbulo totaa wewo lebe-lebe pomao̒ penu boli timongolio lohihilao ilowimbuloa olo.

1 YAHYA 2:18

Mongo walau̒, pulito lojamani malembidei! Mapiloo̒taa olimongoli tou̒ dipolulio mai deu̒ Musu li Almasi mamei dungga mai; wau botia mailumeneto dadaata tau tahelo musu li Almasi. Uito tuotio deu̒ pulito lojamani malembidei.

1 YAHYA 2:26

Tiluladei laatia utie olimongoli tomimbihu tau-tauwalo tadonggo hipo tolopania mohimbulo olimongoli.

1 YAHYA 4:1

Mongo wutato tao̒tolia̒ngo! Diila mao̒ palacayai to ngoa̒amila tau tahi pongakua o Rohullah, bo tesiyopo timongolio u motota mao̒ wolo Rohu uwoluo toli mongolio boito asaliilio mai lonto Allahu Taa̒ala meaalo diila. Sababu dadaata nabi paluti mabolo to utoonulalo.

2 YAHYA 1:7

Dadaata tamoo-himbuloa malo loo̒opo ode ngoilanggubu dunia. Timongolio yito tau-tauwalo tadiila motolo akuo deu̒ ti Isa Almasi meidungga mai ode dunia odelo ngotaalio lomanusia. Taa udebo odelo uito yito tamoo-himbuloa, wau Musu li Almasi.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

WAHI 20:3

Lapatao̒ malai̒kati boito lopomahula mola naha boito ode delomo pangato lomautu, tulusi longunti pangato boito wau silehelilio, alihu naha boito diilalo mowali mohimbulo to babaa-ngusawalo tou̒ diipo maasa ngolihu lotaunu mola boito mopulito. Lapatao̒ uito tio musi huliaalo towakutu ungopee̒ mola.

WAHI 20:8

wau tio mamonao̒ mongaakali babaa-ngusawalo taloo̒-loo̒po to ngoilanggubu dunia, deu̒ito-yito Gog wau Magog. Ibilisi mongambu olimongolio u mopaatea, tuwaulio lojumulaa udadaata tutu, debo odelo daata lohungayo todeheto.