KOLOSE 2:22 - KITABI HABARI MOPIOHE

²² Ngoa̒amila wuu̒du boito yito tomimbihu susuu-aliyaalo u odito pomake diilalo ohuna. Uito bo wuu̒du wau totoonulalo pongaajali u pilohutu lomanusia.

KOLOSE 2:22 ပူးပေါင်းရင်းမြစ်များ

YESAYA 29:13

Eeya lotahuda, “Tau-tauwala boito molubo ola-U̒ bo wolo loi̒ya, bo hilaa limongolio halahalahu monto ola-U̒. Agama limongolio bo wuu̒du lomanusia u hapaliyolo.

YESAYA 29:18

Tou̒ boito taa bungolo mamoo̒ dungohe tataa-heyaalo monto buku u pilobaca, wau taa pitoo̒ u engontielio tumutumulo to delomo modio̒lomo mamowali moo̒onto.

DANIALI 11:37

Ti Olongia boito diila tamo mandungi penu boli dewa toonu u hetuboo linenemoyaalio, tuwotuwoto dewa u hepujaa lo mongobua. Tio diila momandungi dedeewaalo boito sababu tio monganggapu bibii-ntengiyalo lebe udaa̒ woli mongolio.

YAHYA 6:27

Diila mao̒ pokalaja u moo̒tapu mai ua̒alo u mowali mopulito wau mobunuto. Pokalajaalo u moo̒tapu mai ua̒alo udiila mowali mobunuto u mongohi tutumulo ututuulio tutu wau ohiheo-hiheolo mao̒. Ua̒alo boito mawohi mai lo Walao̒ Manusia olemu, sababu Tio mapiluduo̒ lo Allahu Taa̒ala.”

1 KORINTUS 6:13

Woluo olo talo loi̒ya deu̒ ua̒alo yito duo̒lo ombongo, wau ombongo yito duo̒lo ua̒alo. Bo duduuluwolo mapo diaaluo lo Allahu Taa̒ala. Batanga lomanusia diila mowali pomake u mopowoluo mai wumbuta u huloto, bo duo̒lo momaya to Eeya wambao̒. Wau Eeya mamolaala batanga boito.

KOLOSE 2:21

“Diila mao̒ podedeta utie”, “Diila mao̒ polamita uito”, “Diila mao̒ polenggula utie”?

TITUSI 1:14

wau diilalo motidihu to tilolahepe tombilu lo Yahudi meaalo tilolahepe wuu̒du u pilohutu lotau-tauwalo tadiila mololimo pongaajali u otutu boito.

2 PETRUS 2:12

Bo guguu-ruwaalo boito, mailaba! Timongolio debo odelo binatangi upilotutu mai u wau̒polo wau pateelo mate-mateelo mao̒ wambai̒o. Timongolio diila hemo mikilangi bo wambao̒ mohutu modudua̒ naluri, tilinggula timongolio heloluhu susuu-aliyalo udiila o pahamualio wolo tataa-heyalo umohina. Sababu uito ode huhuu-hutuwaalo limongolio lohihilao, timongolio mabinasa debo odelo totoonulalo binatangi mongantau.

WAHI 17:18

Taabua taa iloontongamu boito yito kota leidaa̒, u momalenta mongo olongia todunia.”