KOLOSE 2:20 - KITABI HABARI MOPIOHE

²⁰ Timongoli mailate pee̒-pee̒enta woli Almasi, wau mailopato lonto roroo-huwaalo ukawa-kawasa aalamu botie. Naa, yilongola timongoli hitumula debo odelo taa donggo kiluwaasa lodunia botie? Yilongola timongoli taa̒luku tou̒ wuwuu-uduwaalo debo odelo utie,

KOLOSE 2:20 ပူးပေါင်းရင်းမြစ်များ

YAHYA 15:19

Humayaalio timongoli miliki lodunia, timongoli matolia̒ngo lodunia debo odelo milikiilio. Bo Wau̒ malo lulaoto olimongoli lonto dunia botie, oditolio timongoli diilalo miliki lodunia, uito sababuulio dunia molonui̒ mongoli.

2 KORINTUS 10:3

Amiaatia memangi donggo tumutumula todelomo dunia, bo amiaatia diila mohipate patopatoa̒ topatuju tomimbihu dunia.

GALATIA 4:3

Odito olo wolanto; ngotilonggadu ito diipo leidaa̒, ito pohutulio wato lo roroo-huwaalo motolo kawasa todunia botie.

GALATIA 6:14

Watia sama-samaata diila mohuto mopomangga penu boli wolo wambai̒o, ngopohia Eeyanto Isa Almasi tamailate tosalipu. Sababu tumbao̒ karana Tio mailate tosalipu, yi dunia diilalo oboliilio wolo-wolo olaatia. Wau duo̒lo dunia botie, watia olo debo odelo tamailate.

EPESUS 2:15

Butoo̒ agama lo Yahudi wolo papaa-lentawalo wau wuwuu-udulio mailuluto li Almasi alihu dulo bangusa boito mowali ngobangusa manusia bohu, talo tituwau wo-Lio. Wolo pohuli boitolo ti Almasi lopowoluo mai polodame.

KOLOSE 2:14

wau diila lopomata tuladu lo bilolinto, u longanjamu olanto wolo dadaa-ntiyaalo u mobuheeto. Wolo lopo salipu mao̒ tulade boito to ayu salipu, Allahu Taa̒ala lolulutao̒ ngoa̒amila dau̒wa ode olanto.

KOLOSE 2:16

Sababu uito diila mao̒ polulia tau mopotala olimongoli tomimbihu ua̒alo wau minuumani, meaalo tomimbihu duduu-laheyaalo buka lo agama, meaalo totoonulalo lameyangi hulala bohu, meaalo tomimbihu dulahu Saabati.

KOLOSE 2:21

“Diila mao̒ podedeta utie”, “Diila mao̒ polamita uito”, “Diila mao̒ polenggula utie”?

KOLOSE 2:8

Mamusi timongoli mopoo̒ daha-dahaalo mao̒, diila bolo woluo tamoheinga olimongoli wolo totoonulalo palasapa lomanusia udiila ohuna, bo moo̒ lapalo wambai̒o. Totoonulalo palasapa boito diila lonto li Almasi, bo lonto pongotota lomanusia wambao̒ wau lonto roroo-huwaalo ukawa-kawasa todunia.

KOLOSE 3:3

Sababu timongoli mailate, wau tutumuli mongoli tutuuo̒ pee̒-pee̒enta woli Almasi todelomo Allahu Taa̒ala.

IBRANI 13:9

Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.