KOLOSE 2:2 - KITABI HABARI MOPIOHE

² Ngoa̒amilalo botie hepilohutu lowatia alihu hilaa limongolio mowali molotolo wau timongolio mototoolia̒nga tilinggula timongolio moa̒ita tutu mowali tuwau. Lou̒ odito timongolio tio̒otutua mongalati boli yakini wau motota hitua-tuawua u milakusudu tiluuo̒ Allahu Taa̒ala, deu̒ito-yito ti Almasi lohihilao.

KOLOSE 2:2 ပူးပေါင်းရင်းမြစ်များ

BOHULO MONGO OLONGIA 3:28

Tou̒ bangusa lo Isirai̒lu loo̒dungohe pasali loputuusani lei Salomo todelomo palakala boito, timongolio malo linggolabu wau lohurumati olio. Sababu, malo ilaalo deu̒ Allahu Taa̒ala malongohi mai hikimati olio loponao̒ u aadili.

JABURU 133:1

Lahu jiara lei Dauda. Donggo boli piohio wau sanangiilio, wonu umati lo Allahu Taa̒ala hitumula mopiohu wau dame!

YESAYA 32:17

Timii̒du tau mamohutu mao̒ wolo u otutu, tilinggula woluo osalaamati wau oodame u ohiheo-hiheolo mao̒.

YESAYA 40:1

Odieelo mola tahuda mai lo Allahu Taa̒alaamu, “Liyangalo, liyangalo bangusaa-U̒!

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

YEREMIA 9:24

Tatoonu tao̒hilaa motiwengahu pasali lou̒ hitua-tuawua, maamusi motiwengahu deu̒ tio motota wau mongalati ola-U̒; deu̒ otaawalio Wau̒ momonu u ohiheo-hiheolo mao̒ wau Wau̒ mopotihula butoo̒ boli ua̒adili todunia. Ngoa̒amilalo boito moposanangi hilaa-U̒. Wau̒, Eeya talo tahuda mai uito.”

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 13:11

Ti Isa lolametao̒, “Sababu timongoli mailohia ponu u motota mao̒ hitua-tuawua u sangaja tiluuo̒ alihu diila otaawa pasali lou̒ woloolo mola Allahu Taa̒ala momalenta, hiambola timongolio diila.

LUKASI 1:1

Teopiilus taa u obudi, Dadaata tau malo tolopani loluladei wolo aa̒atulu tomimbihu popoo-lou̒tiyalo u mailowali mai to huungonto.

YAHYA 10:30

Wau̒ wau ti Paapa-U̒ yito tuwau.”

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 16:15

Ngoa̒amila uwoluo toli Paapa yito hakuu-U̒. Uito sababuulio Wau̒ motahuda mai deu̒ wolo upilo tunggulai lo Rohu olemu, tilolimo-Lio lonto ola-U̒.”

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 5:17

Boti Isa lotahuda mao̒ olimongolio, “Allahu Taa̒ala debo hemo kalaja tunggula botia, wau Wau̒ olo musi mokalaja.”

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 6:69

Mongo watotia mapila-lacaya wau yakini deu̒ Eeyaalo utolia tamantali lonto Allahu Taa̒ala.”

WUNGGULI LOMONGO RASULU 4:32

Ngoa̒amila taa palacaya boito hitumula ngohilao wau ngojiwa. Diaaluo penu boli ngota mao̒ limongolio hemo nganggapu deu̒ wolo u mililikilio yito uolio lohihilao. Totoonulalo u hitua-tuawua uwoluo toli mongolio, pilomake limongolio pee̒-pee̒enta.

ROMA 15:13

Allahu Taa̒ala yito tambati potiwunela mola limongoli. Pohileaala dua̒ Tio mopoo̒polu mai hilaamu wolo ngoa̒amilalo wengahu wau salaamati sababu timongoli palacaya o-Lio, alihu wolo kawasa lo Rohullah timongoli lebe mao̒ motiwunela mola to Allahu Taa̒ala.

ROMA 16:25

Ilopujiaalo mola Allahu Taa̒ala! Tio okawasa mopoo̒ lotolai iimani lo Wutato motuu̒de wolo Habari Mopiohe monto Allahu Taa̒ala upilo habari lowatia pasali li Isa Almasi. Watia lopohabari mai habari boito lotuu̒de lou̒ wolo u piloi̒laalo mai lo Allahu Taa̒ala; deu̒ito-yito tomimbihu lanjana lo Allahu Taa̒ala umahi hetu-hetuto mola lotaunu hiheolio udiila otaawa lotau.

ROMA 2:4

Meaalo timongoli diila botie paduli omuula lo Allahu Taa̒ala wau otanggalo hilaa boli osabali-Lio u odito udaa̒? Tantu otaawa limongoli deu̒ Allahu Taa̒ala mopo bilohei opopiohu hilaa-Lio sababu Tio motohilaa alihu timongoli molilihu monto dusa limongoli.

1 KORINTUS 14:31

Wolo dudelo u odito, Mongo wutato ngoa̒amilalo, ngota-ngota, mowali mopo tunggulo habari monto Allahu Taa̒ala; alihu ngoa̒amilalo mowali mololimo pongaajali wau mowali helebe palacaya mao̒.

1 KORINTUS 2:12

Wau ito diila yilohia-Lio mai rohu lodunia botie, bo Rohu ulonto Allahu Taa̒ala, alihu otaawanto ngoa̒amila u mailohi lo Allahu Taa̒ala olanto.

GALATIA 3:28

Todelomo sua̒li botie diilalo pilopo woluo polohiheede towolota taulo Yahudi wau taa diila Yahudi, towolota lowato wau taa lolopato, towolota talolai̒ wau taabua. Wutato ngoa̒amilalo tuwau sababu ti Isa Almasi.

EPESUS 1:7

Sababu, lo opopate li Almasi, ito yilopatio lo Allahu Taa̒ala, bolilio mao̒ Tio malo ngambungu olanto lonto duduu-saanto.

EPESUS 3:16

Watia modua̒ mola bolo potala Allahu Taa̒ala talaba-labaalo lailaio̒ motuhatawa u mopoo̒ lotolo hilaa limongoli wolo Rohu-Lio.

EPESUS 3:3

Allahu Taa̒ala lomuo̒ hitua-tuawua u milakusudu hetuuo̒lo lanjana-Lio wau piloo̒taa-Lio mai olaatia. (Tomimbihu sua̒li botie matiluladei lowatia toitaato wolo limbu-limbuo̒,

EPESUS 6:22

Uitolo sababuulio watia lolao mai olio odeli mongoli u mopoo̒taa owowoluwoa lamiaatia olimongoli ngoa̒amilalo, alihu moo̒ udaa̒ hilaa limongoli.

PILIPI 2:1

Timongoli molotolo, sababu timongoli lotituwau woli Almasi. Wau timongoli iloliyango sababu ti Almasi lomonu olimongoli! Timongoli dilelo lo Rohullah, wau timongoli olo totoolia̒nga wau lodehu hilao ngota timongota.

PILIPI 3:8

Diila bo wambao̒ susuu-aliyaalo boito; bo tumbao̒ totoonulalo u hitua-tuawua he ilanggapu lowatia odelo susuu-aliyaalo u bo moo̒luhi wambai̒o. U mililiki lowatia masaatia botie yito lebe ohalaga: deu̒ito-yito motota li Isa Almasi, Eeyaau̒. Sababu ti Almasi, yi mailopato lowatia totoonulalo u hitua-tuawua. Ilanggapu lowatia ngoa̒amilalo boito odelo puputo wambao̒, alihu watia mowali moo̒tapu li Almasi,

KOLOSE 1:26

deu̒ito-yito habari u ngotilonggadu hehetu-hetuto lotaunu yilalu mola hetiluo̒ lo Allahu Taa̒ala ode taa ngoa̒amila, bo botia piloi̒laalo mai ode umati-Lio.

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

KOLOSE 1:9

Uitolo sababuulio amiaatia laito helodua̒ mola olimongoli anggadu amiaatia loo̒dungohe tomimbihu olimongoli. Pilolohone lamiaatia ode Allahu Taa̒ala alihu Rohullah mongohi mai tinepo wau huhama tilinggula timongoli motota mao̒ lou̒ wimu-wimumuto ngoa̒amilalo wolo u otohilaa lo Allahu Taa̒ala.

KOLOSE 2:19

tilinggula diilalo motidihu toli Almasi talowali tau̒wa. To walungo tau̒wa li Almasi, ngangaawaa̒lo mao̒ tataalo wau pilo potuwau lotoonula leleetualio, wau mobutu modudua̒ otohilaa lo Allahu Taa̒ala.

KOLOSE 3:14

Wau ulebe polohuna daa̒, deu̒ito-yito: Timongoli musi mototoolia̒nga sababu tolia̒ngo boitolo u mopotuwau tutu to Mongo wutato ngoa̒amilalo tilinggula mowali wimu-wimumuto ngoa̒amilalo.

KOLOSE 4:3

Podua̒alo mola olo ode lamiaatia alihu Allahu Taa̒ala mongohi hiyango u mopiohe olamiaatia umopo loladu habari hitua-hituawua u milakusudu hetuuo̒lo pasali li Almasi. Sababu sua̒li boitolo yi watia masaatia botie woluo todelomo tutupa.

KOLOSE 4:8

Watia molao mai olio ode limongoli wolo alaasani alihu otaawa limongoli owowoluwoa lamiaatia wau timongoli oliyanga.

1 TESALONIKA 1:5

Sababu amiaatia mopo tunggulai Habari Mopiohe tolimongoli diila wolo loi̒ya wambao̒, bo olo wolo kawasa wau wolo Rohullah. Wau amiaatia mayakini daa̒ lou̒ u obobanari lo Habari Mopiohe boito. Otaawa limongoli woloolo mola amiaatia tumutumulo ode polohuna daa̒ limongoli tou̒ amiaatia woluo tohuungi mongoli.

1 TESALONIKA 3:2

tou̒ amiaatia donggo molao mota wutatonto tei Timotius. Tio ngotaalio tamoomayawa Allahu Taa̒ala tahemo kalaja pee̒-pee̒enta wolamiaatia u hemo pohabari Habari Mopiohe pasali li Almasi. Amiaatia molao mai olei Timotius ode limongoli alihu tio mopolotolo olimongoli wau mohuntula olimongoli u lebe palacaya li Almasi.

1 TESALONIKA 5:14

Pohile lamiaatia olo, Mongo wutato, poe̒ela mao̒ lou̒ mopiohe wau dame taa diila mohuto mokalaja; potatapua wau poo̒lotola mao̒ hilaa lotaa hiwoohea; tulungia mao̒ taa palalu tulungialo wau posabalilo totaa ngoa̒amila.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

IBRANI 10:22

Sababu uito, duloolo ito mohimbide Allahu Taa̒ala wolo hilaa motulidu wau iimani motoheeto; wolo hilaa umaa pilomantali monto pongolaaasa utilala, wau wolo batanga u mapiloo̒ belesi wolo taluhe u mantali.

IBRANI 6:11

Amiaatia motohilaa daa̒ alihu timongoli ngota-ngota osumangati tulusi demola pulitio tilinggula timongoli mololimo wolo u hehala-halapuo limongoli boito.

2 PETRUS 1:10

Sababu uito, Mongo wutato, potolo panilo tio̒otutua alihu titiango Allahu Taa̒ala wau tulao-Tio to batangamu boito mowali helebe motoheetao̒. Wonu timongoli mohutu mao̒ uito, timongoli diila tamomaahe iimani.

2 PETRUS 1:3

Allahu Taa̒ala malomake kawasa ilahi-Lio u longohi mai to olanto totoonulalo hitua-tuawua u palaluwolo ode tutumulo potabiaalo. Tio lohutu mai utie loli wolo u otaawanto pasali li Isa Almasi, tamalo tianga olanto u molaasa mao̒ odudaa̒ wau opopio-Hio.

2 PETRUS 3:18

Mamusi timongoli helebe moo̒laasa ponu li Isa Almasi, Eeya wau Olongia Tamoo-poa̒ahua olanto, wau mamusi timongoli olo helebe motota o-Lio. Ilopujiaalo mola Tio, botia wau dilumutu ohiheo-hiheolo mao̒! Amin. Hulumati lamiaatia, Petrus 9

1 YAHYA 3:19

Odieelo mola dudelolio ito motota deu̒ ito tuwo-tuwoto mongo walao̒ Allahu Taa̒ala tao̒tutu, wau hilaanto mowali moduo̒oto totalu lo Allahu Taa̒ala.

1 YAHYA 5:7

Mohelu totolu sakusi: Rohullah, taluhu wau duhu – toto-totoolulo boito mongohi sakusi u tutuuwauwa.