KOLOSE 2:18 - KITABI HABARI MOPIOHE

¹⁸ Diila mao̒ polulia batanga limongoli popoluhio lotaa u diila tio̒otutua motidupapa lobatanga wau tamolubo mamaa-lai̒katiyalo. Tau boito batingga wolo pipii-kilangilio tomimbihu dunia wau u tolomodu hemo pomangga-mangga bibii-bibiilohio,

KOLOSE 2:18 ပူးပေါင်းရင်းမြစ်များ

ILOOWALI 3:13

Lapatao̒ Eeya Allahu Taa̒ala lotahuda mao̒ ode taabua boito, “Yilongola mapilo hutumu uito?” Ualio mao̒, “Watotia ilaakali lo tulidee, tilinggula mai̒lo tamela lo watotia hungo boito.”

AYUBA 38:2

“Tatoonu yio̒, tilinggula buheli molawalao̒ hikmati-U̒ wolo tataaheemu u mohulodu wau latabu boito?

YESAYA 57:9

Timongoli hemomake winulo wau yilonta, tulusi monao̒ hemolubo dewa Molokh. Timongoli hemolao mongo utolia ode lilii-puwaalo u molamingo, tumbao̒ ode dunia lotaa mate.

YEHESKIEL 13:3

Eeya Taa Laba-labaalo molanggato lotahuda mai, “Matopotala mongo nabi tamohulodee boito! Potuhata lo Eeya u tilumoodu to hilaalio u lotapulio lonto bayahu bo topikii-langilio lohihilao wau bibilohio paaluti ngoa̒amilalo.

DANIALI 11:38

Bolii̒yo mao̒, tio mamo hulumati dewa udiipo pee̒enta mao̒ hetilubo linenemoyaalio, deu̒yito-yito dewa u mooduo̒lawa bibii-ntengiyalo. Tio mamopodewo hulawa, talaa̒, poliyoto wau dedee-wowaalo wewolio udadaata ngoa̒amilalo ode dewa udiipo pee̒enta mao̒ hetilubo linenemoyaalio.

YIA̒APO 25:18

sababu ololeeto u mailanjana limongolio ode limongoli to Peor, wau sababu ti Kojbi walao̒ ngotaalio lotau̒wa to Midian. Ti Kojbi boito taabua tapilatelio yila-yilateelo mao̒ tou̒ lotoduo mai baala sababu u yilowali to Peor.”

MATIUSI 24:24

Sababu malumenetai tahi poa̒ahua paaluti wau mongo nabi paluti. Timongolio mamokalaja mao̒ totoonulalo huhutu upolu-pulutuo̒ wau momoo̒o-linggolabewalo, wonu mowali, umati lo Allahu Taa̒ala olo.

ROMA 1:25

Allahu Taa̒ala tao̒tutu, tiluloa̒ limongolio wolo hitua-tuawua upaaluti. Diila Talopowali mai bo tumbao̒ tapilowali boitolo tatilubo wau tabilaya limongolio. Lebe-lebe pomao̒ talopowali mai boitolo tawajibulio pujiolo ohiheo-hiheolo mao̒! Amin.

ROMA 16:18

Sababu tau-tauwalo tahi pohutua odito diila bo mokalaja odeli Isa Almasi Eeyanto, tumbao̒ bo uhemo potolu lohilao tou̒ wolo u otohilaa limongolio lohihilao. Wolo pipio wau tataa-heyaalo u mopiohe, timongolio hemo himbulo totau-tauwalo tadiila hitotaawa lolo-loolo.

1 KORINTUS 13:4

Taa u motolia̒ngo tau-tauwalo wewo, sabali wau mopiohe hale. Tio diila lepalepata lou̒ mohiihia, diila moloi̒ya ulatabu, diila sombongi.

1 KORINTUS 3:3

sababu timongoli donggo tumutumulo modudua̒ pii̒limu odelo manusia. Sababu wonu timongoli donggo hemohiihia wau hemolohulua ngota timongota, wolo uito diila mopo bilohei deu̒ timongoli donggo hitumula modudua̒ pii̒li lomanusia, debo odelo tau-tauwalo tadiila hitootawa to Allahu Taa̒ala?

1 KORINTUS 4:18

Dengolo lota towolota limongoli malowali sombongi, sababu timongoli hemo lantobu olaatia diila tamonao̒ mai ode limongoli.

1 KORINTUS 4:6

Mongo wutato! Duo̒lo polohuna daa̒ batanga limongoli, watia malomake ngoa̒amilalo boito tolei Apolos wau tobatanga laatia lohihilao. Makusudu laatia alihu monto obaaya lamiaatia boito timongoli mowali mopoo̒laato wolo boli loloi̒ya, “Potidihulo towuu̒du uwoluo.” Lou̒ odito diaaluo penu boli ngotaa mao̒ limongoli tamopo mangga-mangga lo tahingota-ngotaawa, lapatao̒ mohina taawewo.

1 KORINTUS 8:1

Botia tomimbihu ua̒alo uwohi odelo dewo ode balaahala. Memangi otutu debo odelo loi̒ya lotau, “Ito ngoa̒amilalo malotota.” Bo pongotota moo̒hutu totau sombongi, hiambola tolia̒ngo momongu batanga lotau.

1 KORINTUS 9:24

Tantu otaawa lo Wutato deu̒ todelomo u mobaalia ngoa̒amila tahidudua̒ modudua̒ tumetea̒ olo, bo wambao̒ ngota tamololimo palaseni. Masababu uito teteo̒olo odito lupalio tilinggula Wutato mololimo palasenilio.

2 KORINTUS 11:3

Bo watia molawalo pikiilangi limongoli maa owaingalio udiilalo tatapu wau molotolo hilao toli Almasi, debo odelo ti Hawa omoo̒omolu olo ilowainga lo aakali moleeto lo tulidu.

2 KORINTUS 12:20

Watia molawalo deu̒ tou̒ watia de mola mobiilohe woli mongoli, odungga lowatia diila debo odelo wolo u hehalapuo lowatia, wau timongoli olo mamoo̒ dungga olaatia diila debo odelo u hehalapuo limongoli. Diila bolo de woluo tamolohulua, mohiihia, hilaa mopatu, polohuna daa̒ batanga lohihilao, mopipii-tanawa, mopo totoodei hilao lotau alihu moingo, sombongi wau motolonggalo.

EPESUS 4:17

Sababu uito domi tanggulo Eeya, uti-utieelo u mapolele wau popidudutai lowatia: diilalo potitumulo debo odelo tau-tauwalo tadiila hitootawa to Allahu Taa̒ala, wau momikiilangi udia-diaaluo mao̒.

EPESUS 5:6

Diila mao̒ timongoli o aakalia lo loloo-iyaalo utoongi. Sababu susuu-aliyaalo botieelo u mopotoodei muluka lo Allahu Taa̒ala totau-tauwalo tadiila hidungohe o-Lio.

TINGULI 29:29

Woluo dengolo sua̒li u hiluli lo Eeya Allahu Taa̒alanto; bo buto-I̒o mapilo ilaalo-Lio mai to olanto, wau ito wau walinto mola musi modungoheo̒ u ohiheo-hiheolo mao̒.”

PILIPI 3:14

Uito sababuulio watia tumeteo̒ tulusi motidulunga ode patuju pulitio umoo̒ toduo ohohaama, deu̒ito-yito tutumulo tosologa; woleeto boitolo Allahu Taa̒ala lotianga olanto lotimbulude li Isa Almasi.

KOLOSE 2:23

Memangi oontonga mao̒ sua̒li boito molinepo, wolo nasehatilio alihu tau molubo malai̒kati, mopodupapa batanga, wau moposikisa batanga; bo ngoa̒amilalo boito diila ohuna u mongotongo napusu lomanusia.

KOLOSE 2:4

Poo̒taa mai lowatia utie alihu timongoli diila bolo o aakalia penu boli lotatoonu olo lotaa bo mopiohu totunggilo toli mongoli.

KOLOSE 2:8

Mamusi timongoli mopoo̒ daha-dahaalo mao̒, diila bolo woluo tamoheinga olimongoli wolo totoonulalo palasapa lomanusia udiila ohuna, bo moo̒ lapalo wambai̒o. Totoonulalo palasapa boito diila lonto li Almasi, bo lonto pongotota lomanusia wambao̒ wau lonto roroo-huwaalo ukawa-kawasa todunia.

1 TIMOTIUS 1:7

Timongolio motohilaa mowali guguu-ruwaalo lo agama, lebe-lebe pomao̒ timongolio lohihilao diila paahamu tataa-heyaalo u hepilomake limongolio meaalo susuu-aliyaalo u tiloo̒owoli limongolio lou̒ odito yakini.

1 TIMOTIUS 4:1

Rohullah wolo pintalo lotahuda mai deu̒ to mamaa-sawaalo umamei dungga mai, ngotayadu tau mamolapi iimanilio, momaahe li Almasi. Timongolio mamo dungohe to roroo-huwaalo umopo lapalo wau modudua̒ popoo-ngajaliyalo lorohu u moleeto,

2 PETRUS 2:14

Timongolio diila mopotolu-tolu mohutu dusa wau u otohilaa limongolio yito molontonga taabua huloto. Wau taa u boheli palacaya mao̒ wau donggo diipo boti yakini, hea̒anga limongolio. Hilaa limongolio malali biliyasa wolo ototamaa̒. Timongolio yito tau-tauwalo tahi laa̒natia!

1 YAHYA 2:26

Tiluladei laatia utie olimongoli tomimbihu tau-tauwalo tadonggo hipo tolopania mohimbulo olimongoli.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.

WAHI 13:14

Wau ngoa̒amila tau tahi tumula todunia ilaakaliilio wolo momoo̒o-linggolabeyalo ulowali pilohutulio totalu lo binatangi u bohulio boito. Wau timongolio ngoa̒amilalo ilahulalio lopo tihulao̒ bui̒ tuwau lonto binatangi umaa pilaliilio lowamilo, bo debo tumutumulo.

WAHI 13:8

Binatangi boito matuboo lo ngoa̒amila taa utumu-tumulo toitaato dunia, ngopohia tau-tauwalo u tanggulio malei daputali tou̒ dunia diipo pilowali mai, todelomo buku taa tumu-tumulo miliki lo Walao̒ Himba umaa iloloto.

WAHI 19:10

Watia leidambao̒lo mola totalu lo malai̒kati boito wau ohilaa molubo olio, bo tio loloi̒ya mai olaatia, “Diila! Diila polubo olau̒, tubowalo Allahu Taa̒ala sababu wau̒ olo wato tutuuwauwa debo odelo yio̒ wau debo odelo ngoa̒amila wutatumu tadihu-dihu tio̒otutua to ososakusi li Isa!” Sababu ososakusi li Isa boitolo u loi̒lihami mai totau-tauwalo tahipo nubuwatia.

WAHI 3:11

Wau̒ hua̒a meidungga mai! Poo̒dahai tio̒otutua wolo u mililiki limongoli, alihu diaaluo penu boli ngotaa mao̒ tamohehu palaseni u ilohaamamu.