KOLOSE 2:16 - KITABI HABARI MOPIOHE

¹⁶ Sababu uito diila mao̒ polulia tau mopotala olimongoli tomimbihu ua̒alo wau minuumani, meaalo tomimbihu duduu-laheyaalo buka lo agama, meaalo totoonulalo lameyangi hulala bohu, meaalo tomimbihu dulahu Saabati.

KOLOSE 2:16 ပူးပေါင်းရင်းမြစ်များ

OLUO MONGO OLONGIA 4:23

“Yilongola musi monao̒ botia?” yilintu mao̒ lodilelio. “Dulahee botie diila dulahee saabati wau olo diila dulahu buka lo Hulalo Bohu.” “Diila mongola,” tametio mao̒.

BOHULO TAWARI 23:31

wau olo timii̒du wakutu wonubolo woluo bake u yilalango ode Eeya todulahu Saabati, to rameyangi Hulalo Bohu, wau to raraa-meyangiyalo wewolio. Tomimbihu jumulaa taulo Lewi tamusi motuugasi timii̒du pee̒enta, mapilohutua olo wuu̒dio. U ohiheo-hiheolo mao̒ taulo Lewi musi moponao̒ tuugasi boito.

OLUO TAWARI 31:3

Lonto bibiahio lohihilao ti olongia helo posadaka bibii-natangiyalo u pilalaalu ode bake yilalango timii̒du dimodupo wau timii̒du lolaango, wau ode bake u hepodewolo todulahu Saabati, to rameyangi Hulala Bohu, wau to lalaa-meyangiyalo wewo debo odelo utilantu todelomo bubuu-too̒waalo Eeya.

NEHEMIA 10:31

Wonu bolo woluo bangusa deli taa ohilaa mopotali lopale meaambo penu boli wolo ode olami to dulahu Saabati meaalo to dulahu mantali wewolio, ami diila tamotali mao̒. To timii̒du taunu u opitulio, ami diila tamokalaja halabolu wau diila tamolagi biloli.

NEHEMIA 10:33

Ami mamopo dapato totoonulalo kapaluwani poi̒baadatialo to Bele lo Eeya, deu̒yito-yito: roti pohinta, dewo lopale timii̒du dulahu, binatangi ode bake yilalango timii̒du dulahu, dewo mantali uwewo, babaa-keyaalo pongambungualo dusa lo Isirai̒lu, wau totoonulalo wolo u palaluolio ode Bele lo Eeya.

NEHEMIA 8:9

Loo̒dungohe Butoo̒ u pilobacalio mao̒ boito, ulipu malo linggolabe daa̒, tulusi hilumoyongo. Yi ti gubolonulu Nehemia woli Iimamu Esra taa̒ahali lo Butoo̒ boito, wau tau-tauwalo Lewi tahe lotombangao̒ Butoo̒ boito, loloi̒ya mao̒ ode ngoilanggubu ulipu odie, “To dulahe botie dulahe u tolomodu ode Eeya Allahu Taa̒ala limongoli, oditolio diila mao̒ potisuukali meaambo humoyongo.

JABURU 42:4

Hui wau dulahu wau̒ hilumoyongo, bo ponu wambao̒ ua̒alou̒. Ilo-ilolaanga musuu̒ hemohintu, “Tou̒toonu Allahu Taa̒alaamu?”

JABURU 81:3

Potingohelo mola rabana, pomintao̒lo mola lahu, pokutilo gaambusi wau kocapi wolo moonungo.

YESAYA 1:13

Diila ohuna wambai̒o helodelo dewoomu boito. Wau̒ mongingi wolo boolio. Wau̒ molonuo̒ wau diila loo̒taahangi loo̒onto olimongoli hemo porame Hulala Bohu, duduu-laheyaalo Sabaati wau duduu-laheyaalo buka wau duduu-nggayawalo agama. Ngoa̒amila boito hetilambio̒ limongoli wolo duduu-sawaalo limongoli wau debo odelo banta Olau̒; Wau̒ maloongolo lomanta mao̒.

YEHESKIEL 4:14

Bo watia lolametao̒, “Aduu Eeya Taa Laba-labaalo molanggato! Tumulalo u kikiia̒i demai botia, diipo pee̒enta mao̒ watotia helo ponajisi batanga lo watotia wolo ua̒alo pate lo binatangi meaambo labito mangusa lo binatangi mongantau. Diila pee̒enta mao̒ watotia lolamelo ua̒alo u he anggapuolio halamu.”

YEHESKIEL 45:17

Tiolo tawajibu motali mao̒ bibiahu duo̒lo bake yilalango wau babaa-haniyaalo bake lopale wau bake lo angguru duo̒lo ngoa̒amila bangusa lo Isirai̒lu to duduu-laheyaalo buka, Rameyangi Hulala Bohu, duduu-laheyaalo Saabati wau duduu-laheyaalo buka wewo. Tio musi mopodapato bake pongambungualo dusa, bake lopale, bake yilalango, wau bake lo polodame u mei̒ ambungu mai duo̒lo bangusa lo Isirai̒lu.”

AMOS 8:5

Timongoli hipoloiyawa to batangamu lohihilao, “Donggo boli hiheolio duduu-laheyaalo rameyangi. Ito motohilaa hua̒a mopotali paleento poli, bo rameyangi boito diila hemo pulito. Omolua dulahu Saabati mopulito, alihu ito mowali molumula mopotaalia poli? Ito ohilaa daa̒ mopo daahangi u hitua-tuawua wolo dudelo udiila patutilio wau mohama pae̒eda daata-daatalo mao̒, mohimbulo wolo titimenga, wau mohutu diila motulidu hale wolo titimenga.

YIA̒APO 10:10

Wau olo to duduu-laheyaalo timongoli motiwengahu, deu̒yito-yito to popoo-tihungguwalo Hulala Bohu wau to lalaa-meyangiyalo limongoli uwewolio, torompeti boito musi hiipalo tou̒ timongoli mopodewo bake yilalango wau bake lo polodame ode ola-U̒. Yi Wau̒ mamo tulungi mai olimongoli. Wau̒lo Eeya Allahu Taa̒ala limongoli.”

MATIUSI 15:11

U tumuwoto ode ngangolio diila moo̒ najisi tau boito; bo u lumualai monto ngango ui-uitolo umoo̒ najisi olio.”

MARKUSI 7:19

Sababu u tumuwoto boito diila moli hilao bo moli ombongo, wau lapatao̒ muli lumualai.” Wolo tahuda boito ti Isa lopoo̒ patatao̒ deu̒ ngoa̒amila ua̒alo halale.

WUNGGULI LOMONGO RASULU 15:20

Bo ito musi moluladee mota tuladu ode limongolio wau monaseehati alihu timongolio diila molamela ua̒alo najisi u mapilo dewo limongolio ode balaahala, meaambo molamela tapu lo binatangi uilate tilingoloo̒, meaambo molamela duhu! Wau olo alihu timongolio mopo halahu batanga monto totoonulalo huhutu u huloto.

ROMA 14:10

Wolo hunalio mopotala to wutatumu tango iimani? Wau wolo hunalio Wutato monganggapu olio dupadupapa? Ito ngoa̒amila mamotaalua wolo Allahu Taa̒ala u butoo̒-Lio.

GALATIA 4:10

Timongoli hemo polame duduu-laheyaalo tantutantu huhuu-lalowaalo u tantutantu, tataa-wunuwaalo u tantutantu.

KOLOSE 2:20

Timongoli mailate pee̒-pee̒enta woli Almasi, wau mailopato lonto roroo-huwaalo ukawa-kawasa aalamu botie. Naa, yilongola timongoli hitumula debo odelo taa donggo kiluwaasa lodunia botie? Yilongola timongoli taa̒luku tou̒ wuwuu-uduwaalo debo odelo utie,

IBRANI 13:9

Diila mao̒ polulia totoonulalo pongaajali u hidelia wau mopolapalo olimongoli. Hilaanto musi poo̒lotolola lo opopiohu hilaa lo Allahu Taa̒ala, uitolo u mopiohe; diila mao̒ bo sababu wuwuu-uduwaalo lo ua̒alo. Tau-tauwala tamuloololio mai helo dungohe wuwuu-uduwaalo boito diila loo̒tapu hunalio.

IBRANI 9:10

Sababu uu̒upa-calawaalo boito bo motuhatawa lou̒ aalo, minumani wau upacala hidala-dalaala u pomantaliyalo. Ngoa̒amilalo bo wuwuu-uduwaalo lahiri u pohu-pohutu dilumutu saa̒tilio pobohua mai lo Allahu Taa̒ala.

YAKOBUS 4:11

Mongo wutato, diila mao̒ poheheentea̒ meaalo tinggai mopotala. Tamohentea̒ wau mopotala wutatio timongota Nasara, tio mohentea̒ wau mopotala butoo̒ Allahu Taa̒ala. Wau wonu timongoli mopotala butoo̒ Allahu Taa̒ala, uito boliilio mao̒ diila modudua̒ bubuu-too̒waalo boito, bo mowali hakimulio.

BOHULO SEMUEL 20:18

Lapatao̒ malo loi̒ya tei Yonatan olio, “Loombu mola Potihunggu lo Hulalo Bohu. Tantu mao̒taahua deu̒ yio̒ diaaluo, sababu tambatimu diila otua tomeja polamelalo;

BOHULO SEMUEL 20:5

Tei Dauda lolametao̒, “Odie, loombu yito Potihunggu lo Hulalo Bohu, wau patutilio wau̒ molamela pee̒-pee̒enta woli baginda. Bo wonu yio̒ akolo, wau̒ mamonao̒ wau motituuo̒ tohuta datahu wau luasi tunggula ngoonu lou̒ hui.