KOLOSE 2:1 - KITABI HABARI MOPIOHE

¹ Otohilaa lowatia timongoli motota mao̒ woloolo mola polutuio watia helo hipate ode limongoli wau ode limongolio tato Laodikia wau ngoa̒amila tadiila motota olaatia delo dudelo hihilao.

KOLOSE 2:1 ပူးပေါင်းရင်းမြစ်များ

ILOOWALI 30:8

Uali Rahel, “Watia malo hipate tio̒opatea helo luwali oli taata lowatia, wau watia loo̒hama,” sababu uito iluntelio walao̒ boito Naptali.

LUKASI 22:44

Ti Isa lodutola daa̒ lohilao tilinggula Tio helebe tio̒otutua lodua̒. Wula-Tio debo odelo duhu u hilumeheta ode huta.]

WUNGGULI LOMONGO RASULU 20:25

Watia malo biilohe wolo Mongo wutato ngoa̒amilalo wau malo pohabari olo pasali lou̒ woloolo mola Allahu Taa̒ala momalenta odelo Olongia. Botia to pongolaasa lowatia diilalo modunggaya wolo Mongo wutato.

WUNGGULI LOMONGO RASULU 20:38

Timongolio siluukali daa̒ tidiyolo mao̒ tou̒ tei Paulus loloi̒ya deu̒ timongolio diilalo moo̒ontonga wolio. Tulusi timongolio malo depita olio demota kaapali.

GALATIA 4:19

Mongo walau̒uu̒ taa otolia̒nguu̒! Watia masaatia botie luli lodutolo sababu timongoli. Watia helo dutolo debo odelo tiilo ngota lodutolo tou̒ mamo potutu mai. Watia mamo dutolo tulusi wonu pii̒li li Almasi diipo meilodungo tobatanga limongoli!

PILIPI 1:30

Masaatia timongoli olo modudua̒ wolaatia todelomo polohipate u tutuuwauwa; deu̒ito-yito u pee̒enta iloontonga limongoli hipo hipatea laatia muloololio mai, wau udebo donggo hipo hipatea laatia dilumutu botia, debo odelo umaa ilodungohe limongoli botia.

KOLOSE 1:24

Botia watia sanangi modutolo ode polohuna daa̒ limongoli. Sababu wolo dudutolo lowawao̒ laatia, watia mopo wimumuto wolo udonggo musi dutola li Almasi ode jamaa̒-Lio, deu̒ito-yito batanga-Lio.

KOLOSE 1:29

U mongaato sua̒li boito watia helo kalaja tio̒opatea. Watia helo hipate wolo ngoa̒amila lotolo uilohi mai li Almasi olaatia wau ukala-kalaja todelomo batanga laatia wolo polupolu lokawasa.

KOLOSE 2:5

Sababu eleponu watia molaminga woli mongoli, anggapuwalo deu̒ watia woluo towolota limongoli. Wau watia meengahu moo̒onto olimongoli tuwau lohilao wau palacaya tutu li Almasi.

1 TESALONIKA 2:2

Otaawa limongoli deu̒ tou̒ amiaatia diipo lonao̒ mai ode limongoli to Tesalonika, amiaatia maa ilalinaya wau hilinalio to Pilipi. Bo eleponu dadaata tahelo tehengi olamiaatia, Allahu Taa̒alanto malongohi mai olamiaatia obobuheli u lopohabari olimongoli Habari Mopiohe u asaliilio mai lonto o-Lio.

IBRANI 5:7

Tomaasa li Isa tumutumulo todunia botie, Tio helodua̒ wau lomolohone wolo watiwaatio̒ wau hiyongo ode Allahu Taa̒ala, tamambo lopoa̒ahu o-Lio lonto opopate. Wau sababu Tio taa̒luku to Allahu Taa̒ala wolo hulumati u lealeaatulo mao̒; yi Tio dilungohe-Lio.

1 PETRUS 1:8

Timongoli motolia̒nga o-Lio, eleponu muloololio mai timongoli diila loo̒onto o-Lio. Wau timongoli palacaya to o-Lio eleponu botia timongoli diila moo̒onto olio. Uito sababuulio timongoli motiwengahe, wau molaasa hilaa meengahe u udaa̒ wau diilalo mowali loi̒yaalo.

WAHI 1:11

Suala boito lotahuda mai, “Tulade mao̒ wolo u iloontongamu, wau lawola mola buku boito ode pitu jamaa̒ deu̒ito-yito: ode Epesus, Smirna, Pergamus, Tiatira, Sardis, Piladelpia, wau Laodikia.”