KOLOSE 1:9 - KITABI HABARI MOPIOHE

⁹ Uitolo sababuulio amiaatia laito helodua̒ mola olimongoli anggadu amiaatia loo̒dungohe tomimbihu olimongoli. Pilolohone lamiaatia ode Allahu Taa̒ala alihu Rohullah mongohi mai tinepo wau huhama tilinggula timongoli motota mao̒ lou̒ wimu-wimumuto ngoa̒amilalo wolo u otohilaa lo Allahu Taa̒ala.

KOLOSE 1:9 ပူးပေါင်းရင်းမြစ်များ

JABURU 119:99

Huhama lowatotia mongilabotao̒ huhama lo guguu-ruwaalo laatia, sababu watia lotipoo̒yo lomikiilangi mola totoonulalo palenta lo Eeya.

JABURU 143:10

Poo̒laata mai watotia moponao̒ kahandaki lo Eeya, sababu Eeyaalo Allahu Taa̒ala lowatotia. Eeya mopiohe hilao, wau mamodelo olo watotia todalalo upaya-payadu.

YAHYA 7:17

Taa u mohuto moduduo̒ u otohilaa lo Allahu Taa̒ala, mamotota mao̒ wolo pongajali-U̒ boito dudunggaalio mai monto Allahu Taa̒ala meaambo monto ola-U̒ lohihilao.

WUNGGULI LOMONGO RASULU 12:5

Oditolio tei Petrus tilahangialio to tutupa; bo popoo-ngawaa̒alo jamaa̒ bolo wambao̒ hipodua̒awa mola wolo tio̒otutua ode Eeya tolei Petrus.

ROMA 12:2

Diila mao̒ poduduo̒ totoonulalo dudelo lodunia botie. Hulii mao̒ Allahu Taa̒ala tamohutu mai batangamu lohihilao mowali bohu, alihu timongoli molomelo. Lou̒ odito timongoli mambo motota mao̒ u otohilaa lo Allahu Taa̒ala – deu̒ito-yito wolo umopiohe wau umoo̒ sanangi hilaa-Lio wau u wimu-wimumuto ngoa̒amilalo.

1 KORINTUS 1:5

Sababu timongoli malowali miliki li Isa Almasi, yi tutumulumu kaya todelomo tilolahepalo sua̒li. Pongototamu pasali lou̒ totoonulalo u hitua-tuawua modeloma daa̒, wau timongoli motota helo ngaajali mao̒ pongotota boito.

EPESUS 1:8

Tio lohutu mai uito sababu laba-labaalo ponu-Lio olanto, wau ponu boito bilangguwa-Tio mai olanto wolo otinepo lealeaatulo mao̒ wau huhaama mopio.

EPESUS 5:10

Potolo panilo u motota mao̒ wolo umoo̒ sanangi hilaa lo Eeya.

EPESUS 5:17

Diila mao̒ potihulodu, bo tuletea mao̒ wolo u otohilaa lo Eeya.

EPESUS 6:6

Diila mao̒ potihutu odito bo tou̒ timongoli he imatowalo, bo u moo̒tapu poloi̒laalo pujio lomanusia. Bo timongoli mamusi mopohutu mao̒ odelo wato li Almasi tadonggo hemodudua̒ otohilaa lo Allahu Taa̒ala wolo lealeaatu lohilao.

PILIPI 1:4

Wau timii̒du watia modua̒ mola to Wutato ngoa̒amilalo, watia hemodua̒ wolo sanangi lohilao.

KOLOSE 1:6

Habari lonto Allahu Taa̒ala lololadulo mola ode ngoilanggubu dunia, wau tutumulo tau tulusi bilalakatia lohabari boito, tutuuwauwa debo odelo tutumuli mongoli bala-balakati tumulalo mai tosaaa̒ti timongoli loo̒dungohe pasali odehu hilaa lo Allahu Taa̒ala wau tio̒otutua lo toloe̒elao̒.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

KOLOSE 4:12

Salamu lonto olei Epapras. Tio olo lonto waiti mongoli. Tio wato li Isa Almasi, talaito hemodua̒ mola lou̒ tatapu wau molotolo hilao ode limongoli. Hepilo hilelio wolo tio̒otutua to Allahu Taa̒ala alihu iimani limongoli mowali molotolo wau timongoli tio̒otutua mowali moontapo, alihu timongoli lou̒ wimu-wimumuto ngoa̒amilalo modungohe tou̒ otohilaa lo Allahu Taa̒ala.

KOLOSE 4:5

Todelomo wumbuta limongoli wolo tau-tauwalo tadiila palacaya, mamusi timongoli tumumula molinepo wau momake timii̒du hiyangio lou̒ mopio-piohulo mao̒.

1 TESALONIKA 5:17

wau podua̒alo mola laito.

2 TESALONIKA 1:11

Uitolo sababuulio amiaatia laito hipo dua̒awa mola olimongoli. Amiaatia helodua̒ mola alihu Allahu Taa̒ala mopowali olimongoli paatuti u tumumulo modudua̒ kahandaki-Lio; ode ui-uitolo Tio motianga olimongoli. Pohileaala dua̒ Allahu Taa̒ala, wolo kawasaa-Lio mopoo̒polu mai u otohilaa limongoli u mohutu mopiohe wau mopo wimumuto ngoa̒amila kalaja u hepohutuo limongoli sababu palacaya li Almasi.

PILEMON 1:4

Timii̒du watia modua̒, watia hemo langgulao̒ tanggulo Wutato wau molapali mola oduo̒lo ode Allahu Taa̒ala.

PILEMON 1:6

Watia modua̒ mola pohileaala dua̒ potolo wutatonto odelo tau-tauwalo palacaya mamoo̒ toduo mai huhaama ulebe udaa̒ mao̒ to ngoa̒amilalo balakati u mililikinto sababu lotituwau woli Almasi.

IBRANI 10:36

Timongoli palalu mosabali, alihu timongoli mowali mohutu kahandaki lo Allahu Taa̒ala wau lou̒ odito mololimo wolo upilo dantia-Lio mai.

IBRANI 13:21

Pohileaala dua̒ Allahu Taa̒ala pobutua mai salaamati boito mopo wimumutai olimongoli wolo totoonulalo umopiohe upalaluo limongoli u mohutu kahandaki-Lio. Pohileaala dua̒ motimbulude li Isa Almasi, Allahu Taa̒ala mokalaja todelomo olanto, wolo u otohilaa-Lio. Mamusi ti Almasi pujiolo ohiheo-hiheolo mao̒! Amin.

YAKOBUS 1:5

Wonu woluo ngotaalio to wolotamu diila botie molinepo, mamusi tio mohile monto Allahu Taa̒ala, yi Allahu Taa̒ala mamongohi mai tinepo olio; sababu ode timii̒du tau, Allahu Taa̒ala mongohi mai wolo muula lohilao wau wolo pongolaasa hilaa hilao.

YAKOBUS 3:17

Bo taa o tinepo u asalilio mai monto yitaato, tio tabohu-bohulio daa̒ belesi, lapatao̒ ohilaa modaamea, mopiohe hale, wau tamoo-dungohea. Odehu hilaalio lealeaatu wau mongohi tilapulo tou̒ totoonulalo huhutu u mopiohe. Tio diila motiwambao̒ wau diila munapiki.

1 PETRUS 2:15

Sababu Allahu Taa̒ala motohilaa alihu wolo totoonulalo huhutuumu u mopiohe timongoli mongunti tunggilo lotaa u mohulodu mobisala.

1 PETRUS 4:2

Sababu uito, mamusi timongoli tumumulo wumbutio mola todunia botie modudua̒ otohilaa lo Allahu Taa̒ala wau diila modudua̒ otohilaa lomanusia.

1 YAHYA 2:17

Dunia wau totoonulalo hitua-tuawua todelomio u otohilaa lomanusia, mamooli. Bo tamodudua̒ u otohilaa lo Allahu Taa̒ala, debo tumutumulo dilumutu ohiheo-hiheolo mao̒.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

BOHULO SEMUEL 12:23

Tomimbihu batangau̒, pohileaala dua̒ wau̒ diila bolo odusa to Eeya sababu diila helodua̒ mao̒ olimongoli. Bolii̒o mao̒ wau̒ olo madebo mopoo̒latao̒ olimongoli susuu-aliyaalo u mopiohe wau u otutu.