KOLOSE 1:6 - KITABI HABARI MOPIOHE

⁶ Habari lonto Allahu Taa̒ala lololadulo mola ode ngoilanggubu dunia, wau tutumulo tau tulusi bilalakatia lohabari boito, tutuuwauwa debo odelo tutumuli mongoli bala-balakati tumulalo mai tosaaa̒ti timongoli loo̒dungohe pasali odehu hilaa lo Allahu Taa̒ala wau tio̒otutua lo toloe̒elao̒.

KOLOSE 1:6 ပူးပေါင်းရင်းမြစ်များ

JABURU 110:3

To dulahu yio̒ meidungga wolo kawasa, to huludu umantali, ulipumu momaju wolo iloheela lohilao. Debo odelo wambulo tou̒ dimodupo, mongo bohulotau monao̒ mai ode olemu.

JABURU 98:3

Eeya loe̒elai ponu wau otatapu wau molotolo hilao lo Eeya to Isirai̒lu, umati lo Eeya. Ngoa̒amila bangusa to ngoilanggubu dunia maloo̒onto ohohaama lo Allahu Taa̒alanto.

MATIUSI 24:14

Wau Habari Mopiohe pasali lou̒ woloolo mola Allahu Taa̒ala momalenta mapo habariyolo to ngoilanggubu dunia, alihu ngoa̒amila tau mamoo̒ dungoheo̒. Lapatao̒ uito deu̒ito meidungga mai kiama.”

MATIUSI 28:19

Sababu uito ponao̒lo ode ngoa̒amilalo bangusa to ngoilanggubu dunia, pohutua mao̒ timongolio mowali muri-U̒. Wau lihua mao̒ timongolio lou̒ molanggula tangguli Paapa, wau Walao̒, wau Rohullah.

MARKUSI 16:15

Lapatao̒ ti Isa lotahuda ode limongolio, “Ponao̒lo ode ngoilanggubu dunia wau pololadelo mola Habari Mopiohe monto Allahu Taa̒ala boito ode ngoa̒amila umati lomanusia.

MARKUSI 4:8

Bo woluo olo bili u lobiihuto tohuta u molomiodu. Bili boito lobutu, lapatao̒ lowali iludaa̒ mola tulusi lomungo, woluo utolo pulu, woluo uwolomo pulu wau woluo u ngohetuto piu̒wa.”

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 17:19

U polohuna daa̒ olimongolio, Watia mohudu mola batanga odelo tolomudu miliki li Paapa, alihu timongolio olo mowali tolomodu miliki li Paapa moli obobanali.

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

WUNGGULI LOMONGO RASULU 11:18

Tou̒ loo̒dungohe uito, timongolio diilalo lobatata. Lapatao̒ timongolio lomuji mola Allahu Taa̒ala. Timongolio loloi̒ya, “Wonu odito tau-tauwalo tadiila Yahudi olo yilohia wakutu lo Allahu Taa̒ala u molilihu monto ngoa̒amila dusalio wau moo̒laasa mao̒ tutumulo utuutu!”

WUNGGULI LOMONGO RASULU 12:24

Yi tahuda lo Allahu Taa̒ala malebe hemo lolade mola wau lebe hemo totohetao̒.

WUNGGULI LOMONGO RASULU 16:14

Ngotaalio limongolio yito tamoo-dahangia kaingi lailoumu, tai̒lunte Lidia wau asaliilio mai lonto Tiatira. Tio motolia̒ngo to Allahu Taa̒ala, yi Eeya malo ngoliyoo̒ hilaalio alihu tio mololimo wolo upilo ngaajali lei Paulus olio.

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

ROMA 1:13

Mongo wutato! Otohilaa lowatia alihu otaawa limongoli deu̒ mapoo̒-poo̒daata watia omakusudu mola mobiilohe woli mongoli bo laito woluo wambao̒ umoo̒ tabuto. Otohilaa lowatia towolota limongoli olo kalaja lowatia otilapulio odelo woloolo mola kalaja lowatia mailo tilapulo towolota lotau-tauwala tadiila Yahudi to tataa-mbatiyalo uwewo.

ROMA 15:19

udiludua̒ wolo totoonulalo u moo̒linggolabe wau susuu-aliyaalo upolu-polutuo̒; ngoa̒amilalo boito wolo kawasa lo Rohullah. Habari Mopiohe pasali li Isa Almasi mapilo habari lowatia ngoa̒amilalo ode tau-tauwala, tumulalo mai lonto Yerusalemu demola Ilirikum.

ROMA 15:28

Wonu watia malo poo̒lapato tuugasi lowatia botie, wau malohudu olimongolio tamola to Yerusalemu boito dembulo u mailimoo̒ boito, yi watia mamo monggata mola odelipu lo Spanyol lumaode tokota limongoli.

ROMA 16:26

Bo botia, topalenta lo Allahu Taa̒ala u ohiheo-hiheolo mao̒ lanjana boito mapilo ilaalo wau piloo̒taa mai ode ngoa̒amila bangusa lotimbulude to tutuu-ladeyaalo lomongo nabi, alihu timongolio ngoa̒amilalo palacaya wau modungohe to Allahu Taa̒ala.

2 KORINTUS 10:14

Oditolio, tou̒ amiaatia mobiilohe woli mongoli wau modelo Habari Mopiohe pasali li Almasi ode limongoli, otutuulio mao̒ amiaatia diila lumuala monto eenggade lomadala pokalajawa lamiaatia.

2 KORINTUS 6:1

Sababu amiaatia hemo kalaja pee̒-pee̒enta wolo Allahu Taa̒ala, yi halapuo lamiaatia lou̒ tio̒otutua diila mao̒ polemea limongoli opopiohu hilaa lo Allahu Taa̒ala boito.

EPESUS 3:2

Tantu timongoli maloo̒ dungohe deu̒ Allahu Taa̒ala, sababu opopiohu hilaa-Lio, malongohi mai olaatia tuugasi botie domi polohuna daa̒ limongoli.

EPESUS 4:21

Timongoli malo dungohe tomimbihu o-Lio! Wau odelo tahidudua̒ o-Lio, timongoli mai̒laajali olo pasali pii̒li lo Allahu Taa̒ala u woluo to o-Lio!

EPESUS 4:23

Pikiilangi wau hilaa limongoli mamusi pobohuwalo ngoa̒amilalo.

EPESUS 5:9

Sababu monto mobaango boitolo mobutu mai totoonulalo huhutu umopiohe hidala-dalaala, aadili wau tuulusi to bibilohu Allahu Taa̒ala.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

PILIPI 4:17

Uito diila oboliilio deu̒ watia bo wambao̒ ohilaa mololimo wowohi. U otohilaa lowatia yito alihu watia mowali moo̒onto titii-lapuwaalo u moduhengo pae̒eda olimongoli.

KOLOSE 1:10

Lou̒ odito timongoli mowali tumumulo modudua̒ otohilaa lo Allahu Taa̒ala, wau laito moposanangi hilaa-Lio, tilinggula todelomo totoonulalo u hitua-tuawua timongoli moo̒wohi tilapulo to susuu-aliyaalo u mopiohe. Wau pongotota limongoli pasali lo Allahu Taa̒ala olo maa oduhenga mola olo.

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

1 TESALONIKA 1:5

Sababu amiaatia mopo tunggulai Habari Mopiohe tolimongoli diila wolo loi̒ya wambao̒, bo olo wolo kawasa wau wolo Rohullah. Wau amiaatia mayakini daa̒ lou̒ u obobanari lo Habari Mopiohe boito. Otaawa limongoli woloolo mola amiaatia tumutumulo ode polohuna daa̒ limongoli tou̒ amiaatia woluo tohuungi mongoli.

1 TESALONIKA 2:13

Donggo Woluo poli sua̒li tuwau uwewo ulohutu olamiaatia lolapali oduo̒lo ode Allahu Taa̒ala. Sua̒li boito yito, deu̒ tou̒ amiaatia lopo tunggulai habari lonto Allahu Taa̒ala olimongoli, timongoli lodungohe wau lololimo habari boito diila odelo habari lonto manusia, bo odelo habari u tutuulio tutu lonto Allahu Taa̒ala. Tiolo tadonggo kalakalaja todelomo batanga limongoli tapalacaya li Almasi.

2 TESALONIKA 2:13

Mongo wutato tapilonu lo Eeya! Amiaatia laito musi molapali mola oduo̒lo ode Allahu Taa̒ala tomimbihu olimongoli, sababu tou̒ bohuliolo mai Allahu Taa̒ala malo lulaota olimongoli u piloa̒ahu. Sua̒li boito lotoduo mai tou̒ wolo u kilalaja lo Rohullah olimongoli u lopowali olimongoli umati lo Allahu Taa̒ala tamantali wau masababu timongoli palacaya tohabari u otutu lonto Allahu Taa̒ala.

1 PETRUS 5:12

Tuladu laatia ulimbu-limbua̒ botie tiluladei laatia olimongoli lou̒ bilantua lei Silas, taa ilanggapu laatia ngotaalio lowutato Nasara taatatapu wau molotolo hilao. Watia ohilaa mohuntulai olimongoli wau mopoyakini olimongoli deu̒ wolo u tiluladei laatia botie habari u otutu tomimbihu ponu lo Allahu Taa̒ala. Mamusi timongoli motidihu tio̒otutua to ponu boito.