KOLOSE 1:5 - KITABI HABARI MOPIOHE

⁵ Timongoli palacaya wau timongoli motolia̒ngo, sababu timongoli hemo tiwunela tou̒ wolo umaa podapato lo Allahu Taa̒ala tosologa olimongoli. Timongoli maloo̒ dungohu pasali losua̒li boito, tou̒ Habari Mopiohe u otutu pilo tunggulai ode limongoli.

KOLOSE 1:5 ပူးပေါင်းရင်းမြစ်များ

JABURU 31:19

Pambolilo ngango lo tahi pohimbuloa u wolo batingga hemo henteo̒ taa juujulu.

LUKASI 12:33

Potaliyalo milikimu wau wohia mota doilio ode taa mosikini. Pohutua mao̒ ode batangamu lohihilao dompeti udiila mowali moodulo, deu̒ito-yito halata u tilahu tosologa. Halata boito diila mowali mooli sababu tamootao̒wa diila mowali mohama wau wale olo diila mowali mopolusa mao̒.

WUNGGULI LOMONGO RASULU 10:36

Mongo wutato malotota tuango habari upilo tunggulai lo Allahu Taa̒ala ode bangusa lo Isirai̒lu. Habari boito yito pasali lo Habari Mopiohe tomimbihu lou̒ damee lotimbulude li Isa Almasi, deu̒ito-yito Eeya lotaa ngoa̒amila.

WUNGGULI LOMONGO RASULU 13:26

Mongo wutato wali mai lei Abraham, wau ngoa̒amila Mongo wutato tawewolio tewe tamo dungohe to Allahu Taa̒ala! Allahu Taa̒ala malolao mai ode olanto habari u mopoa̒ahu boito;

WUNGGULI LOMONGO RASULU 23:6

Tei Paulus loo̒onto deu̒ ngotayadu lo popoo-ngawaa̒alo mahakama boito bo wambao̒ tau-tauwalo Saduki wau ngotayade poli bo wambao̒ tau-tauwalo Parisi. Sababu uito tio loloi̒ya mao̒ ode mahakama boito, “Mongo wutato! Watia ngotaalio lo Parisi, wali mai lo Parisi. Watia bilutoi̒o teea, sababu watia palacaya deu̒ tahe lopunungo mamuli tumumulai.”

WUNGGULI LOMONGO RASULU 24:15

Tutuuwauwa debo odelo timongolio, watia olo ohalapani to Allahu Taa̒ala deu̒ ngoa̒amila tau mamuli tumumulai tou̒ mailate mao̒ – tau-tauwalo mopiohu, meaambo tau-tauwalo moleeto!

ROMA 10:8

Makusudulio yito odie, “Habari monto Allahu Taa̒ala boito membide daa̒ wolemu; to tunggilumu wau todelomo hilaamu.” Uitolo habari u pololadei lami; habari deu̒ tau musi palacaya.

1 KORINTUS 13:13

Oditolio, tosaaa̒ti botie woluo tolo sua̒li u debo musi pohutuwonto; palacaya, mohalapu wau mototoo-lia̒ngo. Ulebe polohuna daa̒ lou̒ toto-totolulo boito yito motolia̒ngo tau-tauwalo wewo.

1 KORINTUS 15:19

Wonu halaapaninto toli Almasi ponto-pontolo to tutumulonto todelomo dunia botie wambao̒, yi to ngoilanggubu umati lomanusia todelomo dunia botie, ito-itolo talaba-labaalo nahati!

2 KORINTUS 5:19

Amiaatia helo pohabari deu̒ lotimbulude li Almasi, Allahu Taa̒ala lohutu mai manusia luli lopiiohe wolo batanga-Lio. Allahu Taa̒ala lohutu mai lou̒ diila lopoilaalo suusa totoonulalo totala u mapilohutu lomanusia ode batanga-Lio. Wau amiaatia maa tilugasia lo Allahu Taa̒ala u lopohabari habari boito.

2 KORINTUS 6:7

wau lou̒ helo pohabari habari ulonto Allahu Taa̒ala wau wolo kawasa lo Allahu Taa̒ala, amiaatia helo pobiloheo̒ deu̒ amiaatia botie yito mongo wato lo Allahu Taa̒ala. Amiaatia helo tidihu to kahandaki lo Allahu Taa̒ala odelo sinapangi lamiaatia umoluhu meaalo mopoduulua batanga.

GALATIA 2:14

Odito iloontonga mao̒ lowatia deu̒ timongolio diila opii̒li tutuuu̒de wolo obobanali lo Habari Mopiohe boito, watia malo loi̒ya odelei Petrus totalu lotaa ngoa̒amila tawoluo teto, “Wonu Wutato odelo taulo Yahudi maa tilumumulo debo odelo taa diila Yahudi, yilongola Wutato botia ohilaa momakusa tau-tauwalo wewo tumumulo debo odelo taulo Yahudi?”

GALATIA 2:5

bo amiaatia diila lotaa̒luku penu boli ngoi̒di mao̒ toli mongolio, sababu amiaatia ohilaa modaha alihu Habari Mopiohe boito debo mantali ode limongoli.

GALATIA 5:5

Bo olamiaatia, amiaatia motiwunela deu̒ wolo polo tulungi lo Rohullah wau patopatoa̒ topalacaya lamiaatia li Almasi, Allahu Taa̒ala lopoluasi mai olamiaatia lopiiohe wo-Lio.

EPESUS 1:13

Timongoli olo malowali umati lo Allahu Taa̒ala tou̒ timongoli lodungoheo̒ tahuli lo Allahu Taa̒ala, deu̒ito-yito Habari Mopiohe umoo̒aahu olimongoli. Timongoli palacaya li Isa Almasi, sababu uito Allahu Taa̒ala longohi mai tuoto miliki-Lio toli mongoli, deu̒ito-yito Rohu-Lio upilo danti-Lio mai.

EPESUS 4:21

Timongoli malo dungohe tomimbihu o-Lio! Wau odelo tahidudua̒ o-Lio, timongoli mai̒laajali olo pasali pii̒li lo Allahu Taa̒ala u woluo to o-Lio!

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

1 TESALONIKA 2:13

Donggo Woluo poli sua̒li tuwau uwewo ulohutu olamiaatia lolapali oduo̒lo ode Allahu Taa̒ala. Sua̒li boito yito, deu̒ tou̒ amiaatia lopo tunggulai habari lonto Allahu Taa̒ala olimongoli, timongoli lodungohe wau lololimo habari boito diila odelo habari lonto manusia, bo odelo habari u tutuulio tutu lonto Allahu Taa̒ala. Tiolo tadonggo kalakalaja todelomo batanga limongoli tapalacaya li Almasi.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

1 TIMOTIUS 1:15

Otutu banari loi̒ya botie – sababu uito paatuti tolimoolo wau palacayalo tio̒otutua –: “Ti Isa Almasi leidungga mai ode dunia botie u lopoa̒ahu taa odusa.” Wau watiaalo taa odusa wau tamoleeta daa̒.

2 TIMOTIUS 4:8

Wau masaatia wuupa lo ohohaama hemohima olau̒. To Dulahe Kiama, Eeya, Hakimu taa̒adili boito mamohudu mai wuupa boito olau̒, sababu wau̒ tumutumula lopiiohe wolo Allahu Taa̒ala. Wau diila bo wau̒ wambao̒ tamaa mololimo wuupa boito, bo olo ngoa̒amila tahi wimawa podudungga mai lo Eeya wolo hiwoloola daa̒.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

IBRANI 7:19

Butoo̒ agama lo Yahudi diila mowali mohutu penu boli hitua-tuawua mowali wimu-wimumuto tutu. Uito sababuulio ito botia yilohia halapani tuwau ulebe mopioheo̒; woleeto ito mowali mohimbide Allahu Taa̒ala.

1 PETRUS 2:2

Mamusi timongoli mowali debo odelo tau̒nge u boheli pilotutu mai, laito mototoa̒ngo losusu lorohu u puluwa. Lou̒ odito timongoli matumumulo wau poa̒ahuwolo.

1 PETRUS 3:15

Bo todelomo hilaamu, mamusi timongoli mongohi li Almasi polo hulumati u tolomodu umotuu̒de wolo huhuloa̒-Lio odelo Eeya. Wau mamusi timongoli laito dapadapato mongohi tameto to timii̒du taa mohintu tomimbihu halapani u mililiki limongoli.

2 PETRUS 1:12

Sababu uito, watia laito hemo poe̒elai olimongoli pasali losua̒li boito, eleponu timongoli malotota mao̒ wau palacaya daa̒ to pongaajali lonto Allahu Taa̒ala umaa tilolimo limongoli boito.

1 YAHYA 3:3

Ngoa̒amila tau u ohalapani utie toli Almasi, modaha batangalio alihu otu-otutuulo mao̒ mantali, belesi monto dusa odelo woloolo mola ti Almasi mantali olo.