KOLOSE 1:23 - KITABI HABARI MOPIOHE

²³ Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

KOLOSE 1:23 ပူးပေါင်းရင်းမြစ်များ

JABURU 125:5

Bo taa u hemohutu udiila juujulu bolo potala hukuumanio mai lo Eeya pee̒-pee̒enta wolo taa moleeto. Pohileaala dua̒ umati lo Eeya moa̒ahu!

HIYONGO MOPOILAALO SUUSA 3:66

Yilapitalo wau pobinasaalo mai timongolio ngoa̒amila tunggula timongolio mopuli-pulitoolo mao̒ monto dunia.”

YEHESKIEL 18:26

Wonu taa u mopiohu diilalo mohutu u mopiohu, tumbao̒ mamohutu u moleeto, yi tio maamate, sababu ololeeto u pilohutulio.

JEPANYA 1:6

Wau̒ mamopo binasa olimongolio tadiila monao̒ mai ode Olau̒ meaalo mei̒ potuhata ola-U̒ wau tamaa lololaa ola-U̒ wau diilalo mohuto modudua̒ ola-U̒.”

MARKUSI 16:15

Lapatao̒ ti Isa lotahuda ode limongolio, “Ponao̒lo ode ngoilanggubu dunia wau pololadelo mola Habari Mopiohe monto Allahu Taa̒ala boito ode ngoa̒amila umati lomanusia.

LUKASI 22:32

Bo Wau̒ malodua̒ mola olemu, Simon, alihu iimanimu diila mao̒ moluluto. Wau wonu yio̒ malo hualingai ode ola-U̒, yio̒ mamusi mopoo̒ lotolao̒ mongo wutatumu.”

LUKASI 6:48

Tio debo odelo taa u tou̒ momongu bele mongau̒de modelo-delomolo mao̒, lapatao̒ mohutu pandemenilio tobotu. Tou̒ woluo taluhe daa̒ wau taluhu dutula molemba bele boito, bele boito diila mowali moe̒etu, sababu mabilongu toitaato pandemeni u mopiohe.

YAHYA 15:6

Taa u debo diila motituwau wola-U̒, mapo mahulolio debo odelo tango, lapatao̒ mowali mohengu. Tataa-ngowaalo udebo odelo uito maimoo̒olo wau pomahulola ode delomo tulu, tulusi tumbilalo.

WUNGGULI LOMONGO RASULU 1:17

Tei Yudas yito tala ngota lonto olanto, wau tio maa tilulaota olo u lodudua̒ lokalaja pee̒-pee̒enta wolanto.” (

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 11:23

Wau tou̒ tei Barnabas leidungga mola odito, wau loo̒onto woloolo mola Allahu Taa̒ala lobalakati tau-tauwala boito, tio leengahe daa̒. Lapatao̒ pilohilelio alihu timongolio tio̒otutua tatapu wau molotolo hilao modungohe to Eeya wolo lealeaatu lohilaa limongolio.

WUNGGULI LOMONGO RASULU 14:22

To kokoo-tawaalo boito timongolio helo poo̒lotolo hilaa lo tahidudua̒ li Isa wau helo nasehati to tahidudua̒ boito alihu debo palacaya li Isa. “Ito wajibu meimulopo modutolo dadaata deu̒yito ito mamoo̒ toduo mai usanangi tutu to Dunia Bohu lo Allahu Taa̒ala,” odieelo mola mongo rasulu boito helo ngaajali to tahidudua̒ li Isa to kokoo-tawaalo boito.

WUNGGULI LOMONGO RASULU 2:5

Tou̒ boito ngohuntua taulo Yahudi lonto lipu hidala-dalaala to ngoilanggubu dunia hibiluloa̒wa to Yerusalemu. Timongolio boito tau-tauwalo tahi podungohe to Allahu Taa̒ala.

WUNGGULI LOMONGO RASULU 20:24

Bo watia diila pandungi wolo tutumulo watia botie, asali watia mowali mopoo̒ lapato tuugasi upilo malacaya mai li Isa Eeya olaatia wau asali watia tatapu wau molotolo hilao tunggula mate u mopo loladu Habari Mopiohe boito pasali odehu hilaa lo Allahu Taa̒ala.

WUNGGULI LOMONGO RASULU 26:16

Pobongulo wau tihulolo mola! Wau̒ mopo bilohei batanga olemu wolo makusudu u momuduo̒ olemu mowali tamoomayawa ola-U̒. Yio̒ musi mopohabari ode taawewo wolo u iloontongamu to dulahee botie pasali-U̒ wau pasali lou̒ wolo u demaa pobilohu-U̒ mai olemu towakutu udungga-dungga mai.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

ROMA 10:18

Bo watia lohintu mao̒: Wolo memangi timongolio diipo loo̒dungohe habari boito? Tantu maloo̒ dungohu! Sababu todelomo Kitabi tulatulade odie, “Suala limongolio mailumolao̒ ode ngoilanggubu dunia, tataa-heyaalo limongolio malei dungga demola huudu dunia.”

ROMA 15:16

Mapiludu-I̒o watia tamoomayawa li Isa Almasi uilao-Lio ode babaa-ngusawalo tadiila Yahudi. Wau watia helo kalaja odelo iimamu, u lopohabari Habari Mopiohe lonto Allahu Taa̒ala alihu tau-tauwalo tadiila Yahudi mowali dewo tuwau ode Allahu Taa̒ala u mowali tolimoo-Lio. Pohileaala dua̒ Rohullah mohutu olimongolio u tolomodu mowali dewo tuwau ode Allahu Taa̒ala.

ROMA 2:7

Allahu Taa̒ala mongohi mai tutumulo tutu wau ohiheo-hiheolo mao̒ ode limongolio taa tatapu wau molotolo hilao hemohutu mopiohe u moo̒tapu mao̒ ulailaio̒, u hulu-hulumati wau u abadi.

ROMA 5:5

Halapani udebo odelo utie diila tamoo̒ kikiio̒ hilaanto, sababu hilaanto matiluanga lo Allahu Taa̒ala wolo ponu-Lio. Allahu Taa̒ala lohutu mai uito lotimbulude to Rohu-Lio, u mailohi-Lio mai olanto.

1 KORINTUS 15:58

Masababu uito, Mongo wutato taa otolia̒nguu̒, mamusi timongoli molotolo wau diila moe̒tu. Pokalajalo tulusi ode Eeya lou̒ otu-otutuulo mao̒, sababu otaawa limongoli deu̒ ngoa̒amila u kalajaa limongoli ode Eeya, ohunalio.

1 KORINTUS 3:5

Otutuulio mao̒ tatoonu tei Apolos boito? Wau tatoonu tei Paulus? Amiaatia bo tahi pomayawa to Allahu Taa̒ala, tamaa lodelo olimongoli u lomalacaya li Almasi. Amiaatia bo hemo ponao̒ lokalaja uiludu mai lo Eeya olamiaatia ngota-ngota.

2 KORINTUS 10:1

Botia watia, Paulus, ohilaa moo̒owoli mai hitua-tuawua olimongoli. Watia botie, modudua̒ heloi̒ya lotau, molumboyoto hale wonu motaalua woli mongoli, bo buheli wonu lalaaminga. Naa, sababu olumboyoto hale wau opopiohe hilaa li Almasi,

2 KORINTUS 11:23

Tahi pomayawa li Almasi timongolio? Odungohe mao̒ watia debo odelo tamaa iloolia lo aakali, bo watia memangi tamoomayawa talebe mopiohe woli mongolio ngoa̒amilalo! Watia helo kalaja lebe loo̒ohuu̒, tingga maito watia hetuwotolio ode tutupa, watia poo̒-poo̒daata hesilikisa wau laito bolo ngopee̒ mate.

2 KORINTUS 3:6

Tiolo talo pomambo olamiaatia lowali tamomayawa ode tuwaulio lo daantia u bohu; daantia u motiwunela to Rohullah, diila tobutoo̒ u tulatulade. Sababu u tulatulade boito modelo ode mautu, hiambola Rohullah boito mongohi tutumulo.

2 KORINTUS 4:1

Amiaatia helo ponao̒ kalaja botie sababu omuura hilaa lo Allahu Taa̒ala. Uito sababuulio amiaatia diila yooli halapani.

2 KORINTUS 6:1

Sababu amiaatia hemo kalaja pee̒-pee̒enta wolo Allahu Taa̒ala, yi halapuo lamiaatia lou̒ tio̒otutua diila mao̒ polemea limongoli opopiohu hilaa lo Allahu Taa̒ala boito.

GALATIA 4:11

Watia molawalo, diila bolo tolopani wolo kalaja tio̒opatea lowatia olimongoli diila ohunalio wambao̒.

GALATIA 5:5

Bo olamiaatia, amiaatia motiwunela deu̒ wolo polo tulungi lo Rohullah wau patopatoa̒ topalacaya lamiaatia li Almasi, Allahu Taa̒ala lopoluasi mai olamiaatia lopiiohe wo-Lio.

GALATIA 5:7

Muloololio mai timongoli helo hipate lou̒ mopiohe! Botia yilongola timongoli diilalo modungohe tou̒ otohilaa lo Allahu Taa̒ala? Tatoonu tamalomiyo olimongoli?

GALATIA 6:9

Sababu uito, ito diila mao̒ potolu mohutu susuu-aliyaalo u mopiohe; sababu wonu ito diila mohuheli mohutu susuu-aliyaalo boito pee̒enta mai ito mamo ngotolo tilapulio.

EPESUS 1:18

Watia lomolohone mola alihu Allahu Taa̒ala momuo̒ pikiilangi limongoli tilinggula mowali mobango; alihu timongoli mongalati wolo u mowali halapuo limongoli monto Allahu Taa̒ala tamotianga olimongoli. Olo alihu otaawa mao̒ limongoli donggo boli daatalio babaa-lakatiyalo u mopiohe upilo dapato Allahu Taa̒ala ode umati-Lio;

EPESUS 2:21

Tiolo tamopo woludu ngoa̒amila hudungu boito mowali Bele lo Allahu Taa̒ala u tolomodu duo̒lo Eeya.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

EPESUS 4:16

To walungo lo totau̒wa-Lio, ngoa̒amila pongawaa̒ lobatanga boito leisusungi mopiohe, wau tinggai pilopo wumbutio lotimii̒du leleetualio. Wau wonu timii̒du pongawaa̒ boito mokalaja debo odelo u patutilio, yi ngoilanggubu batanga boito mamobutu mowali leidaa̒ wau molotolo moli tolia̒ngo.

TINGULI 2:25

Tumulalo mai todulahee botie Wau̒ mamohutu mao̒ olimongoli penu boli tou̒toonu oohe lo babaa-ngusawalo. Timii̒du tau mahumehela moohe wonu moo̒dungohe pasali olimongoli.’ ”

TINGULI 4:19

Diila mao̒ pohutu dusa sababu molubo wau motiwato tou̒ wolo u oontonga limongoli tohulungo: mato lodulahu, hulalo wau bibii-natangiyalo. Eeya Allahu Taa̒ala limongoli lopoluli mao̒ babaa-ngusawalo wewo helolubo uu̒u-pangowalo boito.

KOLOSE 1:25

Allahu Taa̒ala lopoa̒hu olaatia lowali tamoomayawa jamaa̒-Lio u polohuna daa̒ limongoli. Watia musi mopo tunggulo habari lo Allahu Taa̒ala, ngoa̒amilalo;

KOLOSE 2:7

wau monguwaa̒ta to o-Lio. Mamusi timongoli momongu tutumuli mongoli woli Almasi odelo patoi̒o. Mamusi timongoli lebe palacaya mao̒ li Almasi, modudua̒ wolo u mapilo ngaajali olimongoli. Wau mamusi hilaa limongoli daata-daatalo mao̒ wolo lapali oduo̒lo.

1 TESALONIKA 3:3

Lou̒ odito diaaluo penu boli ngotaa mao̒ monto olimongoli tatumouli sababu totoonulalo polo dutolonto botie. Otaawa limongoli lohihilao deu̒ totoonulalo polodutolo boito leituwoto tolanjana lo Allahu Taa̒ala ode olanto.

1 TESALONIKA 3:5

Uitolo sababuulio watia molao mai olei Timotius, sababu watia ohilaa daa̒ motota woloolo mola ololaii̒ mongoli todelomo sua̒li palacaya li Almasi. Watia molawalo bolo Ibilisi moo̒ heinga olimongoli tilinggula ngoa̒amila tolopani tioopate daa̒ lamiaatia mowali dia ohuna.

1 TESALONIKA 5:8

Bo ito botie tau-tauwalo tahituwota todulahe u mobaango; sababu uito pikiilanginto musi mobaango. Ito musi debo palacaya to Eeya wau motolia̒ngo tau-tauwalo wewo wau motiwunela lou̒ yakini deu̒ Allahu Taa̒ala aahu mai olanto. Uitolo tingolo u moduo̒lai olanto todelomo mohipate moluwali u modio̒lomo.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

1 TIMOTIUS 1:12

Watia molapali mola oduo̒lo odeli Isa Almasi Eeyanto. Tio malongohi mai lotolo olaatia u lomaya o-Lio, wau Tio longanggapu olaatia lotuuu̒de ode tuugasi boito,

1 TIMOTIUS 2:7

Wau uitolo sababuulio watia ilahula lonao̒ ode tau-tauwalo tadiila Yahudi u lopololadu olimongolio habari pasali lo opopalacaya u otutu. U tiloo̒woli mai laatia botie yito otutu, watia diila mohimbulo.

1 TIMOTIUS 3:16

Diaaluo penu boli ngotaa mao̒ mowali momaahu, malo odito udaa̒alio hitua-tuawua u milakusudu hetuuo̒ lo agamaanto; Tio lopo bilohei batanga todelomo rupa lomanusia, wau piloi̒laalo otutu lo Rohullah, wau iloontonga lo mamaa-lai̒katiyalo. Habarilio pilopo toliyongo towolota lo babaa-ngusawalo, wau Tio pilalacaya to ngoilanggubu dunia wau bilinta-I̒o mola ode sologa.

TITUSI 3:7

alihu wolo odehu hilaa li Isa, ito muli mopiiohe wolo Allahu Taa̒ala wau ito moo̒toduo mai tutumulo u tutuulio tutu wau ohiheo-hiheolo mao̒ u hehala-halapuwonto.

IBRANI 10:38

Wau umati-U̒ tao̒tutu mapalacaya wau tumumulo; bo wonu woluo towolota limongolio tatumouli, yi Wau̒ diila tasanangi olio”

IBRANI 3:14

Ito ngoa̒amila yito tamani ngopo hipate woli Isa Almasi, asali ito demola pulitio modihu tio̒otutua oyoyakini u mililikinto tou̒ bohulio mai.

IBRANI 3:6

Boti Isa Almasi tatapu wau molotolo hilao odelo Walao̒ tatihu-tihula duo̒lo Bele lo Allahu Taa̒ala. Wau ito botieelo Bele lo Allahu Taa̒ala, wonu ito debo osumangati wau debo yakini u moo̒tapu mai wolo u hehalaa-puwonto.

IBRANI 4:14

Uitolo sababuulio ito musi mopoo̒ toheeto modihu tou̒ pilongakua opopalaa-cayanto. Sababu ito o Iimamu Daa̒ uleidaa̒, tamaa tilumuwoto demola ode talu lo Allahu Taa̒ala – Tiolo ti Isa Walao̒ Allahu Taa̒ala.

IBRANI 6:19

Harapaninto boito debo odelo jangga ulei pantongo demola delomio daa̒ wau debo odelo didihu u motoheeto wau aamani duo̒lo tutumulonto. Halapani boito lolaapata to lalante lo Huwali Leidaa Laba-labaalo mantali to Bele lo Eeya tosologa.

1 PETRUS 1:3

Duloolo ito mosukuru mola ode Allahu Taa̒ala, ti Paapa Eeyanto Isa Almasi! Malo odito ponu-Lio olanto, uito sababuulio Tio longohi mai olanto tutumulo bohu, lou̒ luli lopotumulai li Isa Almasi lonto opopate. Utie mongohi mai olanto halapani u motoheeto.

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.

WAHI 2:10

Diila mao̒ oohe to dudutolo udiilalo mohiheo musi olaasawa limongoli. Eelai mao̒, Ibilisi mamopo tuwoto ngotayadi mongoli ode delomo tutupa u mohimontala olimongoli. Timongoli mamodutolo mopulu hui mola hiheolio. Mamusi timongoli tatapu wau molotolo hilao to ola-U̒ tunggula mate, yi Wau̒ mamongohi mai olemu tutumulo u tutuulio tutu wau ohiheo-hiheolo mao̒ odelo palaseni lo ohohaama.