KOLOSE 1:16 - KITABI HABARI MOPIOHE

¹⁶ Sababu lotimbulude o-Liolo Allahu Taa̒ala lopowali totoonulalo u hitua-tuawua tosologa wau toitaato dunia, totoonulalo u hitua-tuawua u oontonga wau udiila oontonga, leituwoto olo ngoa̒amila rohu u okawasa wau u hemo malenta. Ngoilanggubu aalamu botie pilowali-Lio mai lotimbulude li Almasi wau odeli Almasi.

KOLOSE 1:16 ပူးပေါင်းရင်းမြစ်များ

BOHULO TAWARI 29:11

Eeya otutu udaa̒, wau okawasa. Eeya molamahu, laito otilapulo wau udaa̒. Totoonulalo u hitua-tuawua tohulungo wau todunia yito miliki lo Eeya. Eeya olongia daa̒, takawa-kawaasa to ngoa̒amilalo mao̒.

NEHEMIA 9:6

Lapatao̒ ulipu lo Isirai̒lu helodua̒ mola odie, “Eeyaalo Eeya, Eeyaalo Taa Tuwa-tuwaulo: Pilopowali lo Eeya poliyama wau ngoilanggubu baangio daa̒, wau olo deheto wau huta boli totoonulalo tuangio, lapatao̒ longohi tutumulo wau tilaala mai lo Eeya. Ode Eeya totoonulalo kawasa to hulungo molubo wau mosujudu; timongolio taa̒aluku to Eeya wau hipohudua mola batanga.

POHUMAYA 16:4

Totoonulalo hitua-tuawua u pohutuo mai lo Eeya opatujulio; wau patuju ode taa moleeto yito obobinasa.

YESAYA 43:21

Timongoliolo bangusa tapilowali-U̒ duo̒lo batanga-U̒, alihu mowali mopololadu poloi̒laalo momuji ode Olau̒.”

YESAYA 44:24

Odieelo mola tahuda lo Eeya Tamoo-poa̒ahua olemu talo powali olemu tumulalo mai todelomo talomo, “Wau̒ulo Eeya talopowali mai totoonulalo u hitua-tuawua, u tutuuwau lomua̒de hulungo, wau lou̒ diila bilantu lopowali dunia.

YAHYA 1:10

Tahuda woluo todunia, dunia pilowali mai lotimbulude o-Lio, bo dunia diila moo̒onuhe o-Lio.

YAHYA 1:3

Ngoa̒amilalo pilowali mai lotimbulude o-Lio, wau monto ngoa̒amilalo uwoluo diaaluo mao̒ penu boli tuwau u pilowali mai wonu diila monto o-Lio.

ROMA 11:36

Allahu Taa̒ala talo powali totoonulalo u hitua-tuawua. Ngoa̒amilalo asaliilio mai lonto Allahu Taa̒ala wau duo̒lo Allahu Taa̒ala. Ilopujialo mola Allahu Taa̒ala u ohiheo-hiheolo mao̒! Amin. ROM

ROMA 8:38

Sababu watia palacaya daa̒ deu̒ to ngoilanggubu dunia, mopio opopate meaalo tutumulo, mopio malai̒kati meaalo takawa-kawasa, mopio aa̒an-jamuwalo masaatia botie meaalo aa̒an-jamuwalo todulahe u madungga-dungga mai meaalo ololoo-towaalo uwewolio;

ROMA 9:5

Timongolio yito wali mai linenemoyanto. Ti Almasi odelo pohuli lomanusia asalii-Lio mai lonto bangusa limongolio. Tio lebe lailaio̒ wolo ngoa̒amilalo. Ilopujiaalo mola Allahu Taa̒ala u ohiheo-hiheolo mao̒! Amin.

1 KORINTUS 8:6

Bo olanto, Allahu Taa̒ala bo tuwau. Tio Allahu Taa̒ala talo powali mai totoonulalo u hitua-tuawua. Ode o-Liolo ito tumumulo. Wau Eeya bo tuwau olo, deu̒ito-yito ti Isa Almasi. Lotimbulude o-Lio totoonulalo u hitua-tuawua pilopowali, wau sababu Tioolo yi ito tumutumulo.

EPESUS 1:10

Lanjana boito yito alihu totoonulalo u hitua-tuawua, mopio u tosologa meaalo u todunia, mowali tuwau woli Almasi odelo tau̒wa. Wau sua̒li boito mapoo̒ lapato lo Allahu Taa̒ala wonu malei dungga wakutuulio.

EPESUS 6:12

Sababu ito mohipate diila moluwali manusia, bo moluwali ngoa̒amila olootolo lo lalaa-tiyaalo u motolo kawasa jamani u moleeto botie. Ito moluwali olootolo roroo-huwaalo moleeta u motolo kawasa dulente daa̒.

TINGULI 4:39

Sababu uito pototaalo lou̒ tau todulahee botie wau diila mao̒ lipata: Eeya tatuwa-tuwaulo Allahu Taa̒ala tohulungo wau todunia; diaaluo taweewo.

PILIPI 2:10

Yi u mohulumati li Isa, ngoa̒amila mahaluku u tosologa, wau u todunia, wau u to walungo dunia mamolubo o-Lio.

KOLOSE 1:15

Ti Almasi yito bayahu u moi̒laalo monto batanga lo Allahu Taa̒ala udiila oontonga; Ti Almasi yito Walao̒ tamohuhula daa̒, lebe polohuna daa̒ lotoonula u pilowali mai.

KOLOSE 1:20

Wau lotimbulude to Walao̒ boito olo Allahu Taa̒ala lolantu mai u lohutu totoonulalo u hitua-tuawua muli mopiiohe wo-Lio – mopio totoonulalo hitua-tuawua u todunia, boli u tosologa. Allahu Taa̒ala lohutu mai uito lotimbulude to opopate lo Wala-I̒o to ayu salipu.

KOLOSE 2:10

Wau kalana tumutumulo lotituwau woli Almasi, timongoli olo yilohia-Lio tutumulo lealeaatulo mao̒. Sababu ti Almasi yito tau̒wa lo timii̒du rohu u okawasa wau u hemomalenta.

KOLOSE 2:15

Tosalipu boito ti Almasi helohutu ngoa̒amila roroo-huwaalo u hemomalenta wau okawasa lowali diilalo okawasa. Timongolio pilowali hepo bibiilohe lotaa dadaata tou̒ ti Almasi lodelo olimongolio debo odelo tawalo todelomo nonao̒ lo polemboa̒ tutuuyuta lo ohahama-Lio.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.

IBRANI 2:10

Memangi mapatutilio Allahu Taa̒ala – talo powali mai totoonulalo u hitua-tuawua ode makusudu-Lio lohihilao – lohutu li Isa Tamoo-poa̒ahua u wimu-wimumuto tutu lotimbulude topolo dutolo. Woleeto Allahu Taa̒ala mowali moheinga taa dadaata u modudua̒ pou̒daa̒alo pee̒-pee̒enta woli Isa. Sababu Tiolo pomuo̒ dalalo olimongolio u mowali poa̒ahuwolo.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.