KOLOSE 1:12 - KITABI HABARI MOPIOHE

¹² wau wolo lapali oduo̒lo odeli Paapa. Sababu ti Paapa boitolo talohutu mai olimongoli paatuti mololimo wolo upilo dapato lo Allahu Taa̒ala ode umati-Lio todelomo yilaidia-Lio u mobaango.

KOLOSE 1:12 ပူးပေါင်းရင်းမြစ်များ

BOHULO MONGO OLONGIA 6:7

U babaa-lakiyaalo boito hepilakea ayu woohu lo Libanon. Huhebu lo huhuu-waliyalo poduhengo to belebelea towalungo maito to ambahu huliaalio, wau wonu ode belebelea oluolio wau otolulio otutua̒du bilibidu. Lapatao̒ tei Salomo lopohuli mao̒ papaa-huwaalo bele boito. Woleeto tio helomake ayu meaalo wawohu u pilopohuli bula-bulawahu debo odelo tulalo datala towatopo wau dupi lonto ayu woohu Libanon. Ngotilonggadu Bele lo Eeya boito hebongulola, sama-samaata diila odungohe tingohu duuduo̒, bulingo meaalo pakaakasi wate, sababu boboo-tuwaalo u pilomake pilomongula hudungu boito mapilohetu leimulo tou̒ donggo hepaya-payangolio. Odi-odieelo mola tei Salomo helomongu Bele lo Eeya boito tunggula yilapato.

BOHULO TAWARI 29:20

Lapatio mao̒ lodua̒ mola odito, tei Dauda loloi̒ya mao̒ totaa dadaata tahi ambua teto, “Pujialo mola Eeya Allahu Taa̒ala limongoli!” Yi ngoa̒amila tau boito hipomuji-mujia mola Eeya Allahu Taa̒ala tahe tuboo loluuhuru limongolio. Lapatao̒ timongolio losujudu lomola u lohurumati Eeya wau olongia.

JABURU 116:7

Pilopo duo̒otuu̒ mola hilaau̒, sababu Eeya mopiohu to olaatia.

JABURU 36:9

Timongolio olulia lohilao wolo ua̒alo laba-labaalo daata to Bele lo Eeya, wolo minumani monto dutulaa lo Eeya umopowali nyaamani.

JABURU 79:13

Yi amiaatia umati lo Eeya, himba he himbalawa lo Eeya, mamosukuru mola to Eeya u ohiheo-hiheolo mao̒, wau momuji to Eeya wawaalia mola.

JABURU 97:11

Mobaango malobutu mai ode taa u ohilao motulidu, wau wengahu ode taa u juujulu.

POHUMAYA 16:1

Manusia mowali mohutu lanjana, bo Allahu Taa̒ala tamongohi mai putuusani.

POHUMAYA 4:18

Dalalo lotaa moleeto modio̒lomo debo odelo tontoyoo̒mio lou̒ hui. Timongolio meiteduo̒ wau modehu lou̒ diila otaawa limongolio. Bolii̒o mao̒, dalalo u polibaya lotaa mopiohe boito debo odelo pobutua mai lodulahu; hihiiheo mao̒ lebe hemobaango tunggula pulitio mamobaangodaa̒.

DANIALI 2:23

Oo, Allahu Taa̒ala tahe pujaa loluhuru lowatia, Eeya pujio lowatia wau polamahu lowatia. Sababu Eeya longohi mai odelaatia hikimati wau olootolo. Polohone lamiaatia matilolimo lo Eeya. Wau totametai odeli olongia mapiloo̒taa mai lo Eeya.”

MATIUSI 25:34

Lapatao̒ ti Olongia boito mamo tahuda ode tau-tauwala to ambahu olowala-Lio, ‘Duloolo timongoli tabilaa-katia li Paapa-U̒. Tuwotolo mai ode delomo Yiladia u piloheetu olemu tumulalo mai tobohulo dunia.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 20:17

“Diila mao̒ dihima Wau̒,” tahuda li Isa olio, “Sababu Wau̒ diipo lobotula mola odeli Paapa. Bo ponao̒lo mota ode mongo wutatu-U̒, wau polelea mao̒ olimongolio deu̒ botia Wau̒ mamo botula mola odeli Paapa-U̒ wau odeli Paapamu, Allahu Taa̒ala-U̒ wau Allahu Taa̒alamu.”

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

WUNGGULI LOMONGO RASULU 20:32

Botia mawuduo mai lowatia timongoli ode Allahu Taa̒ala alihu Tio tamaa molaala olimongoli wau alihu timongoli motidihu tohabari odehu hilaa lo Allahu Taa̒ala. Allahu Taa̒ala okawasa u mopoo̒ lotolai olimongoli wau mongohi olimongoli babaa-lakatiyalo umaa pilohetu-Lio ode ngoa̒amila umati-Lio.

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

ROMA 11:17

Ngotayadu tataa-ngowaalo bungo loa̒yu jaituni – deu̒ito-yito tau-tauwalo Yahudi – mai̒loyodio. Wau tobakasi oyodio boito piloo̒mbitio mao̒ tango loa̒yu jaitun udiila topalihala, deu̒ito-yito Mongo wutato tadiila Yahudi. Wutato piloo̒mbitio teto alihu Wutato moo̒laasa mao̒ ngoa̒amila u mopiohe monto tutumulo rohu lotau-tauwalo Yahudi.

ROMA 15:27

Wolo hilaa sanangi timongolio malolantu u mohutu mao̒ uito. Memangi otutuulio mao̒ paatuti timongolio momantu mongo wutato tamosikini to Yerusalemu boito; sababu monto tau-tauwalo Yahudilo tau-tauwala tadiila Yahudi boito malo lolimo babaa-lakatiyalo lonto Allahu Taa̒ala. Oditolio, tau-tauwala tadiila Yahudi boito paatuti olo motulungi tau-tauwalo Yahudi wolo babaa-lakatiyalo upango.

ROMA 8:17

Naa, wonu ito yito mongo wala-I̒o, yi ito olo ahali lowarisi-Lio u mamololimo babaa-lakatiyalo upilohetu lo Allahu Taa̒ala ode mongo wala-I̒o. Ito mamololimo pee̒-pee̒enta woli Isa Almasi wolo u mapilohetu lo Allahu Taa̒ala o-Lio; sababu wonu ito modutolo pee̒-pee̒enta woli Isa Almasi, ito mapolaio̒-Lio olo pee̒-pee̒enta wo-Lio.

ROMA 9:23

Allahu Taa̒ala olo oniyati mopo bilohei olanto osanangi tutu udiila o enggadelio u bilongguwa-Tio mai olanto tapilonu-Lio. Ito mapilo dapa-Tio u mololimo osanangi tutu boito.

1 KORINTUS 8:6

Bo olanto, Allahu Taa̒ala bo tuwau. Tio Allahu Taa̒ala talo powali mai totoonulalo u hitua-tuawua. Ode o-Liolo ito tumumulo. Wau Eeya bo tuwau olo, deu̒ito-yito ti Isa Almasi. Lotimbulude o-Lio totoonulalo u hitua-tuawua pilopowali, wau sababu Tioolo yi ito tumutumulo.

1 KORINTUS 9:23

Ngoa̒amila boito pilohutu lowatia duo̒lo Habari Mopiohe monto Allahu Taa̒ala boito, alihu watia olo pee̒-pee̒enta balakatia-Lio.

2 KORINTUS 11:14

Diila moo̒linggolabe wonu timongolio mohutu odito, sababu Ibilisi lohihilao olo hemo lomelo baya debo odelo malai̒kati mobaango!

2 KORINTUS 5:5

Tamopo dapato olanto boito yito Allahu Taa̒ala lohihilao, wau Eeya lohihilao mongohi mai Rohu-Lio ode olanto odelo pongaku.

EPESUS 1:11

Allahu Taa̒ala helo kalaja mai totoonulalo u hitua-tuawua lodudua̒ otohilaa-Lio, wau putuusani-Lio lohihilao. Tumulalo mai bohulio Tio malo lulaota olanto sababu Tio motohilaa alihu ito mowali umati-Lio sababu motituwau woli Almasi.

EPESUS 1:18

Watia lomolohone mola alihu Allahu Taa̒ala momuo̒ pikiilangi limongoli tilinggula mowali mobango; alihu timongoli mongalati wolo u mowali halapuo limongoli monto Allahu Taa̒ala tamotianga olimongoli. Olo alihu otaawa mao̒ limongoli donggo boli daatalio babaa-lakatiyalo u mopiohe upilo dapato Allahu Taa̒ala ode umati-Lio;

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.

EPESUS 3:6

Hitua-tuawua u milakusudu hetuuo̒lo boito yito utie: motimbulude to Habari Mopiohe boito, tadiila taulo Yahudi modudua̒ moo̒laasa totoonulalo balakati lo Allahu Taa̒ala u muloololio mai pilohetu bo ode taulo Yahudi. Tau-tauwalo diila taulo Yahudi malowali pongawaa̒ lobatanga u tutuuwauwa, wau lodudua̒ lololimo wolo upilo danti mai lo Allahu Taa̒ala lotimbulude li Isa Almasi.

EPESUS 4:6

wau tuwau Allahu Taa̒ala, talowali ti Paapa lotaa ngoa̒amila. Tiolo Eeya ngoilanggubu aalamu, tahelo kalaja lotimbulude tou̒ ngoa̒amilalo, wau okawasa todelomo ngoa̒amilalo.

EPESUS 5:11

Diila mao̒ pohutua totoonulalo huhutu udiila ohuna u hepohutuo lotau-tauwalo tahitumula todelomo dio̒lomo. Bolii̒o mao̒ mamusi tio̒otutua yinggila mao̒ limongoli susuu-aliyaalo debo odelo uito. (

EPESUS 5:20

Mololaita wau tomimbihu penu boli wolo olo, mamusi timongoli molapali mola oduo̒lo ode Allahu Taa̒ala ti Paapa, to tangguli Isa Almasi Eeyaanto.

EPESUS 5:4

Diila paatuti olo olimongoli moloi̒ya tataa-heyaalo u kootolo, u huloto wau udiila paatuti. Bolii̒o mao̒ mamusi timongoli molapali mola sukuru ode Allahu Taa̒ala.

EPESUS 5:8

Timongoli lohihilao mulooloalio todelomo dio̒lomo. Botia timongoli malowali umati lo Eeya, oditolio timongoli woluo todelomo mobaango. Masababu uito timongoli musi tumumulo todelomo mobaango.

KOLOSE 2:2

Ngoa̒amilalo botie hepilohutu lowatia alihu hilaa limongolio mowali molotolo wau timongolio mototoolia̒nga tilinggula timongolio moa̒ita tutu mowali tuwau. Lou̒ odito timongolio tio̒otutua mongalati boli yakini wau motota hitua-tuawua u milakusudu tiluuo̒ Allahu Taa̒ala, deu̒ito-yito ti Almasi lohihilao.

KOLOSE 3:15

Mamusi totoonulalo putusani limongoli tantuo mao̒ lo odudame uilohi mai li Almasi todelomo hilaa limongoli. Sababu Allahu Taa̒ala lotianga olimongoli u lowali pongawaa̒ lou̒ ngobatanga, alihu timongoli tumumulo todelomo odudame monto li Almasi boito. Mamusi timongoli mosukuru mola.

KOLOSE 3:17

Ngoa̒amila wolo upohutuo meaalo loi̒ya limongoli, mamusi uito pohutuwola wau loi̒yaalo to tangguli Isa Eeya. Posukurulo mola ode Allahu Taa̒ala ti Paapa tou̒ wolo u pilohutu li Isa olimongoli.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 12:23

Timongoli modudua̒ tuwaulio lo dudunggaya ulame daa̒ – dudunggaya lomongo walao̒ Allahu Taa̒ala tamohuhula daa̒, u tataa-nggulio leidupatali todelomo sologa. Timongoli monao̒ mai motaalua lo Allahu Taa̒ala, Hakimu lo ngoilanggubu umati lomanusia. Timongoli motaalua wolo roroo-huwaalo lotau-tauwalo tamopiohu, tamaa pilowali wimu-wimumuto tutu.

IBRANI 3:1

Mongo wutato timongota lo Nasara tamaa tiliango olo lo Allahu Taa̒ala! Nte pikiilangia mola tio̒otutua tomimbihu li Isa botie! Allahu Taa̒ala lolao mai o-Lio tolomodu u mowali Iimamu Daa̒ todelomo agama u hedudua̒nto.

IBRANI 3:14

Ito ngoa̒amila yito tamani ngopo hipate woli Isa Almasi, asali ito demola pulitio modihu tio̒otutua oyoyakini u mililikinto tou̒ bohulio mai.

YAKOBUS 3:9

Ito mopohuna mao̒ dila u molapali oduo̒lo ode Eeya wau ti Paapanto, bo olo u molaa̒nati ngota timongotanto tamaa pilowali-Lio mai lodudua̒ gambali lo Allahu Taa̒ala.

1 PETRUS 5:1

Pohile laatia tomongo tau̒wa lojamaa̒ limongoli mopoo̒ tuotao̒. Watia loluladei tulade botie odelo tamani sama-sama tau̒wa wau odelo taa umalo sakusi lohihilao polodutolo lo Almasi, wau tamamo dudua̒ olo poudaa̒alo, wonu bolo odudaa̒ Almasi pobilohulo ode manusia. Pohile laatia lou̒ tio̒otutua

1 YAHYA 1:3

Wolo umaa iloontonga wau ilodungohe lamiaatia, uitolo olo u pohabario mai lamiaatia olimongoli, alihu timongoli pee̒-pee̒enta wolamiaatia modudua̒ molaasa hitua-tuawua todelomo hilao to tutumulo motituwau woli Paapa wau wolo Wala-I̒o Isa Almasi.

WAHI 21:23

Kota boito diila palalu otinela mato lodulahu meaalo hulalo, sababu odudaa̒ lo Allahu Taa̒ala molinela olio, wau Walao̒ Himba boito yito tohelio.

WAHI 22:14

Potisanangilo tutu taa u momoboa̒ jumbalio tunggula belesi alihu timongolio ohaku molamelo hungo lo ayu potumulo wau tumuwoto ode delomo kota boito moli huhebu hulubangilio.

WAHI 22:5

Timongolio diila tamomalalu tohe meaalo tinelo dulahu, sababu hui madiduu̒, wau Eeya Allahu Taa̒ala lohihilao mamolinela olimongolio. Yi timongolio mamo malenta odelo olongia u ohiheo-hiheolo mao̒.