KOLOSE 1:11 - KITABI HABARI MOPIOHE

¹¹ Pohileaala dua̒ wolo kawasa lo Allahu Taa̒ala u udaa̒, timongoli polootolo-Lio mai tilinggula timongoli mambo modutolo totoonulalo u hitua-tuawua wolo sabali wau sanangi lohilao

KOLOSE 1:11 ပူးပေါင်းရင်းမြစ်များ

JABURU 63:2

Yaa Allahu Taa̒ala, Eeyaalo Allahu Taa̒ala lowatotia, helolohu lo watotia wau ilowooloola mola lowatotia, yaa Eeya. Debo odelo huta delita mototoa̒ngo lo taluhu odi-odieelo mola watotia mooloolo to Eeya.

PILOTIMUA̒TA 15:6

Olootolu-Mu malo moo̒linggolabe, yaa Eeya, pilohutu-Mu mao̒ musu lopulito loa̒antulu.

POHUMAYA 24:10

Wonu yio̒ mooli halaapani todelomo owowoluwoa aa̒anjamu topotala, yi yio̒ taa u molulupuhu.

YESAYA 45:24

Tau-tauwalo mamoloi̒ya, ‘Ua̒adili wau olootolo bo monto Eeya!’ Ngoa̒amila taa u molonuo̒ ola-U̒ mamonao̒ mai de ola-U̒ wau odungga lo woolito.

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 5:41

Mongo rasulu boito lololaa mao̒ Mahakama Agama wolo wengahu sababu Allahu Taa̒ala malo nganggapu olimongolio paatuti u moo̒tapu mao̒ hihiina sababu ti Isa.

ROMA 2:7

Allahu Taa̒ala mongohi mai tutumulo tutu wau ohiheo-hiheolo mao̒ ode limongolio taa tatapu wau molotolo hilao hemohutu mopiohe u moo̒tapu mao̒ ulailaio̒, u hulu-hulumati wau u abadi.

1 KORINTUS 16:13

Mamusi timongoli mopoo̒daha wau sabali todelomo tutumuli mongoli odelo taulo Nasara. Pokalajalo wolo buheli wau powalilo molotolo.

2 KORINTUS 4:7

Bo halata rohu u gaaga daa̒ boito dilelo lamiaatia tobatanga lamiaatia udiila ohalaga botie upilohutu lonto huta. Lou̒ odito loilaalo mai deu̒ odudaa̒ lokawasa boito dudutuulio to Allahu Taa̒ala wau diila to lamiaatia.

EPESUS 3:16

Watia modua̒ mola bolo potala Allahu Taa̒ala talaba-labaalo lailaio̒ motuhatawa u mopoo̒ lotolo hilaa limongoli wolo Rohu-Lio.

EPESUS 4:2

Mamusi timongoli laito motidupapa lohilao, molumboyoto, wau sabali. Pobilohe mao̒ tolia̒ngi mongoli lou̒ momantu ngota timongota.

EPESUS 6:10

Pulitio mao̒, mamusi timongoli mowali molotolo wolo olootolo u lotapu limongoli lonto kawasa lo Eeya, sababu timongoli lotituwau wo-Lio.

PILIPI 4:13

Wolo kawasa uilohi mai li Almasi odelaatia, watia loo̒toduo mai lotolo u lotaalua wolo totoonulalo owowoluwoa u hidala-dalaala.

2 PETRUS 1:6

wau ngopohia lo pongotota, timongoli olo musi mowali mongawasa batanga, wau ngopohia mowali mongawasa batanga mamusi timongoli olo mopolingohu batanga u taaba motaalua lo totoonulalo u hitua-tuawua. Ngopohia sabali motaalua lo totoonulalo u hitua-tuawua, timongoli olo musi tumumulo modudua̒ u otohilaa lo Allahu Taa̒ala.

YUDAS 1:25

Tiolo Allahu Taa̒ala tuwa-tuwaulo, Tamoo-poa̒ahua olanto motimbulude li Isa Almasi Eeyaanto. Tiolo Allahu Taa̒ala tamolamahu, udaa̒, okawasa wau otilihula anggadu muloololio mai daa̒ dilumutu botia wau u ohiheo-hiheolo mao̒! Amin. 4

WAHI 14:12

Todelomo sua̒li botie umati lo Allahu Taa̒ala tamo dungohe papaa-lentawalo Allahu Taa̒ala wau tatapu molotolo hilao toli Isa palalu mowali sabali.