KOLOSE 1:10 - KITABI HABARI MOPIOHE

¹⁰ Lou̒ odito timongoli mowali tumumulo modudua̒ otohilaa lo Allahu Taa̒ala, wau laito moposanangi hilaa-Lio, tilinggula todelomo totoonulalo u hitua-tuawua timongoli moo̒wohi tilapulo to susuu-aliyaalo u mopiohe. Wau pongotota limongoli pasali lo Allahu Taa̒ala olo maa oduhenga mola olo.

KOLOSE 1:10 ပူးပေါင်းရင်းမြစ်များ

POHUMAYA 16:7

Wonu yio̒ moposanangi hilaa lo Eeya, mumuusuumu powaliilio sahabati.

YESAYA 53:11

Sababu uito Eeya lotahuda, “Lapatio mao̒ modutolo sikisa, tio masanangi tutu wau olulia lohilao. Wato-U̒ boito, tamopo sanangi hilaa-U̒, malomanta mao̒ hukuumani lotaa dadaata; domi tio Wau̒ mamo ngambungu mai olimongolio.

DANIALI 12:4

Lapatao̒ ualo malai̒kati boito poli odelaatia, “Daniali heu̒utilo buku boito botia, wau dutua mao̒ seeheli alihu debo heu̒uuta de mola pulitio lo jamani. Dadaata tau maa mohimontala motulete wolo udonggo todu-toduo. Bo tolopani limongolio boito maa paracuma ngoa̒amilalo.”

MIKHA 4:5

Timii̒du bangusa todunia molubo wau modungohe todewalio lohihilao. Bo ito mamodungohe to Eeya Allahu Taa̒alanto wau molubo o-Lio u ohiheo-hiheolo mao̒.

HABAKU 2:14

Bo debo odelo auhu lopolu wolo taluhu, odito olo dunia mapoo̒ poluolo wolo pongotota pasali lo Eeya wau kawasaa-Lio.

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 15:8

Wonu timongoli momungo dadaata, ti Paapa-U̒ pou̒daa̒alo mola; wau lou̒ odito otu-otutuulo mao̒ timongoli mowali muri-U̒.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

ROMA 1:13

Mongo wutato! Otohilaa lowatia alihu otaawa limongoli deu̒ mapoo̒-poo̒daata watia omakusudu mola mobiilohe woli mongoli bo laito woluo wambao̒ umoo̒ tabuto. Otohilaa lowatia towolota limongoli olo kalaja lowatia otilapulio odelo woloolo mola kalaja lowatia mailo tilapulo towolota lotau-tauwala tadiila Yahudi to tataa-mbatiyalo uwewo.

ROMA 4:12

Tei Abraham olo tiyamo delo pohuli lorohani ode tau-tauwalo talo dudua̒ wuu̒du lotuuna. Tio tiyamo delo pohuli lorohani limongolio diila bo sababu timongolio helo dudua̒ wuu̒du lotuuna, bo sababu timongolio olo hitumula wolo palacaya ode Allahu Taa̒ala, tutuuwauwa debo odelo tei Abraham tou̒ tio diipo lodudua̒ wuu̒du lotuuna.

ROMA 6:4

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

2 KORINTUS 2:14

Bo sukuru ode Allahu Taa̒ala! Tio laito hemodelo olamiaatia u lodudua̒ ngopoa̒mbua tau ohohaama li Almasi sababu amiaatia tumutumula lotituwau wo-Lio. Allahu Taa̒ala lomake olamiaatia alihu habari tomimbihu li Almasi mololadu debo odelo boolo monu u moloo̒polo mola ode utoonulalo mao̒.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

2 KORINTUS 5:9

Sababu uito amiaatia motolopani tio̒otutua u mopo sanangi hilaa-Lio, mopio tou̒ amiaatia donggo tobele lamiaatia teea, meaalo mola teto.

2 KORINTUS 9:8

Allahu Taa̒ala okawasa mongohi mai olimongoli balakati ulaba-labaalo daatalio, alihu timongoli laito o woluwowa lou̒ wolo upalaluo limongoli; tumbao̒ timongoli maa olebealio u mohutu mopiohe wau o amaali.

EPESUS 1:17

Watia lomolohone mola alihu Allahu Taa̒ala Eeyanto Isa Almasi, ti Paapa tamolaio̒, mongohi Rohu-Lio olimongoli. Rohu boito mamopowali olimongoli molinepo, wau mamopo ilaalo mai Allahu Taa̒ala olimongoli tilinggula timongoli mototaa-Lio.

EPESUS 2:10

Ito yito pilowali lo Allahu Taa̒ala, wau lotimbulude li Isa Almasi, Allahu Taa̒ala lopoo̒piohu mai olanto alihu ito mohutu mao̒ susuu-aliyaalo u mopiohe umaa pilohetu-Lio olanto.

EPESUS 4:1

Uito sababuulio watia – tau ngota lotutupa, tau̒ tataahangi sababu hemomaya to Eeya – mohile lou̒ tio̒otutua olimongoli: poti tumulolo motuuu̒de wolo huhuloa̒a limongoli debo odelo taamaa tiliyango Allahu Taa̒ala.

EPESUS 4:13

Lou̒ odito ito ngoa̒amila mowali tuwau sababu iimani u tutuuwauwa wau huhaama u tutuuwauwa tomimbihu Walao̒ Allahu Taa̒ala. Wau ito mowali tau-tauwalo tamoontapo u hihii-heolio mao̒ helebe oduhenga mola ngoa̒amilalo wimu-wimumuto debo odelo ti Almasi.

EPESUS 5:10

Potolo panilo u motota mao̒ wolo umoo̒ sanangi hilaa lo Eeya.

EPESUS 5:15

Sababu uito, poo̒tuota mao̒ tio̒otutua dudelo tutumuli mongoli. Diila mao̒ potitumulo debo odelo tau-tauwalo tahi hulode, poti tumuloolo debo odelo tau-tauwalo molinepo.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

PILIPI 1:27

Naa, u polohuna daa̒ botia yito deu̒ timongoli tumumulo motuuu̒de lou̒ wolo u pohile wolo moo̒ohuu̒ lo Habari Mopiohe pasali li Isa Almasi boito. Lou̒ odito, diila otaawa laatia donggo moo̒ dunggaya woli mongoli meaalo diila, watia mamo dungoheo̒ deu̒ timongoli molotolo motituwau wau mohipate pee̒-pee̒enta bo u makusudu tuwau wau tuwau ilohilaa; deu̒ito-yito to opopalacaya u motuuu̒de wolo Habari Mopiohe monto Allahu Taa̒ala boito.

PILIPI 4:18

Watia malo lolimo ngoa̒amilalo – tumbao̒ lebe lou̒ motuuheta! Ngoa̒amila wowohi uilao mai limongoli olaatia, matilolimo lowatia lonto olei Epaproditus. Botia watia mai̒lo woluwoa lo ngoa̒amila upalaluo lowatia. Ngoa̒amila wowohi lonto olimongoli boito yito debo odelo boolo moonu lo bake u pilodewo ode Allahu Taa̒ala wau u tilolimo lo Allahu Taa̒ala wolo hilaa sanangi.

KOLOSE 2:19

tilinggula diilalo motidihu toli Almasi talowali tau̒wa. To walungo tau̒wa li Almasi, ngangaawaa̒lo mao̒ tataalo wau pilo potuwau lotoonula leleetualio, wau mobutu modudua̒ otohilaa lo Allahu Taa̒ala.

KOLOSE 2:6

Mongo wutato malo lolimo li Isa Almasi odelo Eeya. Sababu uito mamusi timongoli tumumulo motituwau wo-Lio,

KOLOSE 3:20

Mongo walao̒! Deu̒ito-yito uwajibu olimongoli odelo taulo Nasara u laito modungohe tomongo dulaa̒mu, sababu ui-uitolo umoo̒ sanangi hilaa lo Allahu Taa̒ala.

KOLOSE 4:5

Todelomo wumbuta limongoli wolo tau-tauwalo tadiila palacaya, mamusi timongoli tumumula molinepo wau momake timii̒du hiyangio lou̒ mopio-piohulo mao̒.

1 TESALONIKA 2:12

Amiaatia monaseehati mai olimongoli, amiaatia mongohi mai sumangati olimongoli wau amiaatia mohuntulai alihu timongoli tumumulo odito rupalio tunggula moo̒ sanangi hilaa lo Allahu Taa̒ala. Sababu Allahu Taa̒ala malo tianga olimongoli u lowali walaga Dunia Bohu lo Allahu Taa̒ala wau moo̒laasa odudua̒-Lio.

1 TESALONIKA 4:1

Pulitio mao̒ Mongo wutato, amiaatia malongohi mai obaaya olimongoli tomimbihu woloolo mola timongoli musi tumumulo u moposanangi hilaa lo Allahu Taa̒ala. Memangi timongoli maa tilumumulo debo odelo uito. Bo botia tokawasa li Isa Eeya, amiaatia mohile lou̒ tio̒otutua olimongoli wau mohuntulai alihu timongoli lebe motolopani mao̒ todelomo sua̒li boito!

2 TIMOTIUS 2:4

Pajule ngota tadonggo otuugasi, diila tamotolo pusingi batangalio wolo uu̒u-luusanilio lohihilao, sababu tio ohilaa mopo sanangi hilaa li eeyanggulio.

TITUSI 3:1

Poe̒ela mao̒ pongawaa̒ lo jajaa-maa̒amu alihu timongolio taa̒luku tomongo tau̒wa wau tamotolo kawasa lipu, wau modungohe boli motidapato mohutu motii̒du sua̒li u mopiohe.

TITUSI 3:14

Tau-taunto musi mopoo̒olato mohutu susuu-aliyaalo u mopiohe alihu mowali mopoo̒polu totoonulalo koporluani ulaba-labaalo palaluwolo; diila bolo timongolio tumumulo diila ohuna.

IBRANI 11:5

Sababu o iimani, yi tei Heno diila yilate, bo tumbao̒ bilintaa̒ mola wau dilelo ode Allahu Taa̒ala. Diaaluo penu boli ngotaa mao̒ taloo̒ dungga olio, sababu tio mabilintaa̒ mola ode Allahu Taa̒ala. Todelomo Kitabi tulatulade deu̒ tou̒ tei Heno bilintaa̒ mola, tio lopo sanangi hilaa lo Allahu Taa̒ala.

IBRANI 13:16

Diila mao̒ lipata mohutu u mopiohe wau motutuu-lungia sababu uti-utieelo babaa-keyaalo umoo̒ sanangi hilaa lo Allahu Taa̒ala.

IBRANI 13:21

Pohileaala dua̒ Allahu Taa̒ala pobutua mai salaamati boito mopo wimumutai olimongoli wolo totoonulalo umopiohe upalaluo limongoli u mohutu kahandaki-Lio. Pohileaala dua̒ motimbulude li Isa Almasi, Allahu Taa̒ala mokalaja todelomo olanto, wolo u otohilaa-Lio. Mamusi ti Almasi pujiolo ohiheo-hiheolo mao̒! Amin.

2 PETRUS 1:8

Ngoa̒amilalo boito yito pipii-iliyaalo upalaluo limongoli. Wonu pipii-iliyaalo boito woluo to olemu wolo daata-daatalo mao̒, timongoli mamowali moo̒lohu wau otilapulo, wau motota li Isa Almasi Eeyanto lou̒ lebe mopioheo̒ poli.

2 PETRUS 3:18

Mamusi timongoli helebe moo̒laasa ponu li Isa Almasi, Eeya wau Olongia Tamoo-poa̒ahua olanto, wau mamusi timongoli olo helebe motota o-Lio. Ilopujiaalo mola Tio, botia wau dilumutu ohiheo-hiheolo mao̒! Amin. Hulumati lamiaatia, Petrus 9

1 YAHYA 3:22

Wau wolo u pohilento monto o-Lio, mamo tapunto, sababu ito modungohe papaa-lentaa-Lio wau mohutu wolo umoo̒ sanangi hilaa-Lio.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

3 YAHYA 1:6

Timongolio malo poo̒taa tojamaa̒ totambati lamiaatia tomimbihu tolia̒ngumu. Tulungia mao̒ timongolio alihu mowali mopo tolonga mola lononao̒ limongolio wau lou̒ odito moo̒ sanangi hilaa lo Allahu Taa̒ala,