JAKARIA 7:3 - KITABI HABARI MOPIOHE

³ Timongolio olo ilahulalio lohintu tomongo iimamu wau mongo nabi odie, “Donggo palalu ami mohilimutao̒ oa̒antulu Bele lo Eeya wolo mopuasa totimii̒du hulalo olimolio debo odelo u mapilohutu lami otaa-taunuwa mola hiheolio?”

JAKARIA 7:3 ပူးပေါင်းရင်းမြစ်များ

ESRA 3:10

Tou̒ tahi pokalajawa hudungu lolumula lomayangao̒ pundasi Bele lo Eeya, mongo iimamu helomake jumba wau wolo hidihuma toroompeti helohama tambati ngota-ngota. Tau-tauwalo Lewi lonto kaumu Asap olo hitihula teto wolo hidihuma toongi kekeei̒. Timongolio helomuji-muji mola to Eeya lo tuuu̒de wolo wuu̒du u matilantu mao̒ tumulalo mai maasa li Olongia Dauda.

TAMOO-HUTUBAWA 3:4

Allahu Taa̒ala lolantu mai wukutu u humoyongo wau wakutu u moi̒ii̒, wakutu u mohilimuta wau wakutu u mongelungo,

HOSEA 4:6

Timongoli, mongo iimamu, diila helo mandungi ola-U̒ tilinggula timongolio tilopotala. Timongoli helo potouli popoo-ngaajali-U̒. Oditolio, Wau̒ olo mamo potouli olimongoli, wau mongo walau̒mu diila taa̒kuwo-U̒ odelo mongo iimamu-U̒.

YOEL 2:17

Ahuliilo mongo iimamu tahi pomayawa to Eeya, humoyongo towolota lomesba wau sulambe totalu, sambela moloi̒ya, “Ponuwalo mai umati lo Eeya, yaa Eeya; diila mao̒ polulia miliki lo Eeya mowali o aibu,” tilinggula babaa-ngusawalo wewo mopodalili wau moloi̒ya, “Tou̒toonu Allahu Taa̒ala limongolio?”

HAGAI 2:11

Tahudaa-Lio, “Pohilea mai putuusani lomongo iimamu tomimbihu sua̒li botie:

JAKARIA 7:4

Uti-utieelo tahuli lo Eeya u leidungga mai odelaatia.

JAKARIA 7:5

Tahudaa-Lio, “Potunggula mao̒ ode ngoilanggubu tuango lipu botie wau ode mongo iimamu deu̒ puasa wau hilimuta u pilohutu limongolio tohulalo olimolio wau opitulio ngotilonggadu pitu lopulu lotaunu mola botie diila polo hulumati ode Olau̒.

JAKARIA 8:19

“Puasa u pohutuwola todelomo hulalo opaatio, olimolio, opitulio, wau opululio mamowali lalaa-meyangiyalo u polupolu lou̒ wengahu wau sanangi duo̒lo ulipu lo Yehuda. Tolia̒ngilo daa̒ u otutu wau dame!”

MALEAKHI 2:7

Memangi uwajibu tomongo iimamu mongaajali mao̒ u otutu pasali ola-U̒, Eeya Taa Laba-labaalo molanggato. Toli mongoliolo ulipu musi mohintu wolo kahandaki-U̒, sababu timongolio boito mongo otoliya-U̒.

MATIUSI 9:15

Ti Isa lolametao̒, “Woloolo mola huhama limongoli? Tingga mowali tahe tiloduo to potihunggu lonika boito motisuukali lohilao wonu tibulentiti lai̒ donggo woluo pee̒-pee̒enta woli mongolio? Tantu diila! Bo mamei dungga wakutuulio tibulentiti lai̒ boito mahamaalio monto olimongolio. Tou̒ boito deu̒ito timongolio mamo puasa.

1 KORINTUS 7:5

Diila mao̒ pohalahu ngota timongota odelo motolodile. Mowali bo u ngopee̒ mola, asali duduulotalo malo akoloa. Lou̒ odito ngota-ngota mowali modua̒ mola lou̒ diila otaibuto. Bo lapatio mao̒, timongoli mamusi tinggai muli moduudula odelo motolodile. Wonu diila odito, de timongoli mao̒ piyowa lorohu u moleeto, sababu timongoli diila molotolo mongotongo napusu.

TINGULI 33:10

Timongolio helo ngaajali umati lo Eeya lodungoheo̒ ngoa̒amila palenta lo Eeya wau helo podewo bake toitaato mesba lo Eeya.