JAKARIA 5:3 - KITABI HABARI MOPIOHE

³ Lapatao̒ tio loloi̒ya mai olaatia, “To lilibu kitabi boito tula-tuladee laa̒nati ode ngoilanggubu lipu botie. To baya tuwau tula-tuladee deu̒ timii̒du tamootao̒wa malualoolo monto lipu botie. To baya wewolio tula-tuladee deu̒ timii̒du taa u motadia paaluti malualoolo olo.

JAKARIA 5:3 ပူးပေါင်းရင်းမြစ်များ

PILOTIMUA̒TA 20:15

Diila mao̒ potao̒.

POHUMAYA 29:24

Taa u moheehea̒ mokalaja wolo tamootao̒wa, boliilio molonua̒ batanga lohihilao. Wonu tio diila tuua̒ao̒-tuua̒ao̒ to bubutoo̒, tio madehualio hukuumani. Bo wonu tio motipoo̒yo wambai̒o, tio mao̒tuhata laa̒anati lo Allahu Taa̒ala.

POHUMAYA 3:33

Eeya molaa̒anati bele lotaa moleeto, bo mobalakati mai bele lo taa u modungohe o-Lio.

POHUMAYA 30:9

Sababu, wonubolo wau̒ kaya mola, otanu wau̒ mamoloi̒ya deu̒ wau̒ diila momalalu olemu. Wau wonu wau̒ mosikini, otanu wau̒ mamotao̒ tilinggula mopoo̒leeta tanggulumu.”

YESAYA 24:6

Sababu uito Eeya malo laa̒nati mai dunia wau lohukuumani ulipulio sababu huhutu limongolio. Timongolio pobuolio wau bo ngoi̒di wambao̒ tamoa̒ahu.

YESAYA 43:28

mongo iimamu malo pokootolo Bele-U̒. Yi Isirai̒lu yiludu-U̒ mao̒ u hinaalio, wali mai lei Yako piloluli-U̒ poo̒pulitolo sama-samaata.”

YESAYA 48:1

Dungohilo, wuu wali mai lei Yako, wali mai lo Yehuda talomake tanggulo Isirai̒lu, loi̒yamu yio̒ lotolongaku Allahu Taa̒ala lo Isirai̒lu, wau helo tadia to tanggulo Eeya. Bo ngoa̒amila loi̒yamu boito diila tio̒otutua wau belesi hilao.

YEREMIA 23:10

Lipunto polupolu wolo taa udiila tatapu wau molotolo hilao to Eeya. Timongolio hitumula moleeto wau hemoponao̒ kawasa limongolio u talatala. Sababu yilaa̒nati mai lo Eeya, huo̒yoto tohuta datahu u luasi daa̒ lowali lohengu wau ngoilanggubu lipu ilosuusa lohilao.

YEREMIA 26:6

Wonu timongoli debo diila mohuto modungohu, yi bele poi̒baa-datiyalo botie mapohutuwo-U̒ mai debo odelo Silo, tilinggula totoonulalo bangusa todunia momake tanggulo kota lo Yerusalemu botie odelo laa̒anati.”

YEREMIA 5:2

Timongoli hemoloi̒ya deu̒ timongoli hemolubo to Eeya, lebe-lebe pomao̒ timongoli diila opatuju odito.

YEREMIA 7:9

Timongoli motao̒, momate-mateelo mao̒, mojina, mongohi sakusi wimbulo, mopodewo bake ode Baal, wau molubo dedeewaalo u diila oonuhe limongoli.

YEHESKIEL 2:9

Lapatao̒ watia loo̒onto uluu̒ u wuduwudu mai odelaatia. To delomo uluu̒ boito o lilibu kitabi,

DANIALI 9:11

Ngoilanggubu Isirai̒lu malo lambanga bubuu too̒waalo Eeya wau diila lohuto helo dungohe suala lo Eeya. Mongowatotia mai̒lodusa to Eeya, wau sababu uito pilopo dungga mai lo Eeya ode mongowatotia laa̒anati u malei tuladee todelomo Buku lei Musa, wato lo Eeya.

HOSEA 4:2

Timongolio hemotadia bo timongolio diila moe̒elao̒; timongolio hemohimbulo, hemomate mate-mateelo mao̒, hemotao̒, wau hemojina. Ololeeto heo̒duhenga mola, wau polomatea mate-mateelo mao̒ helo toduo tutuuntunga.

IMAAMATI 19:11

Diila mao̒ potao̒, mongaakali meaalo mohimbulo.

IMAAMATI 19:12

Diila mao̒ podanti domi tanggulu-U̒ wonu timongoli diila omakusudu mopoo̒polu mao̒ danti boito, sababu woleeto timongoli mohina tanggulu-U̒. Wau̒ Eeya Allahu Taa̒ala limongoli.

AMOS 3:10

Eeya lotahuda mai, “Tau-tauwala boito hipoluanga bebee-leyaalo biluloa̒ saaha li olongia limongolio wolo babaa-langiyalo ulotapu mai limongolio lou̒ helohama untungi daa̒ wau wolo diila omanusia. Tumbao̒ timongolio sama-samaata diila motota motihutu motulidu hale.

JAKARIA 5:4

Eeya Taa Laba-Labaalo kawasa lotahuda deu̒ laa̒nati boito mapo dunggaalio ode yitaato bele lotimii̒du tamootao̒wa wau ode bele lotimii̒du taa u motadia paaluti. Bebee-leyaalo boito matulusi otuhata lo laa̒nati boito tunggula mowali tutuu-wodeyaalo.”

JAKARIA 8:17

Diila mao̒ pomatuju u moleeto ode timongotamu. Diila mao̒ polapali tadia paaluti. Wau̒ molonua̒ to wimbulo wau udiila aadili boli diila omanusia.”

MALEAKHI 3:5

Tahuda lo Eeya Taa Laba-labaalo kawasa, “Wau̒ mamei dungga mai ode olemu u momutoo̒. Wau̒ mahua̒a mowali sakusi ode tahi posihiria, tau-tauwalo tahi pojinawa, tahemo sakusi wimbulo, tahe mohutu diila motulidu hale todelomo mongohi wuupa ode taa hewupaalo, tamodeehe mongo janda, tadidu otiilo otiyamo, wau tau deli, ode ngoa̒amila taa udiila mohulumati ola-U̒.”

MALEAKHI 4:6

Tio mamohutu mao̒ mongo dulaa̒ wau tau̒kekeei̒ motituwau lohilao, alihu Wau̒ diila monao̒ mai mopobinasa lipumu.”

MATIUSI 25:41

Lapatao̒ ti Olongia boito mamo tahuda mao̒ ode tau-tauwala to ambahu oloihi-Lio, ‘Pohinggilo mao̒ monteea tamoleeto daa̒! Tuwotolo mota ode tulu udiilalo mate, u mapilohetu ode Ibilisi wau mamaa-lai̒katilio!

LUKASI 21:35

Sababu Dulahee boito mamei dungga debo odelo talele to ngoa̒amila tau todunia botie.

EPESUS 4:28

Taa u biaasa motao̒ musi mohuheli motao̒. Bolii̒o mao̒ tio musi mokalaja alihu moo̒tapu rijiki wolo hilaa motulidu wau moo̒ tulungi tahi odiaaluwoa.

1 TIMOTIUS 1:9

Tantulo mao̒ musi eelaalo deu̒ butoo̒ boito pilohutu diila ode taa mopiohe, bo ode tahipo lambangawa butoo̒, tahileeta, taa loluusa, ode taa odusa, taa diila o agama, taa osiipati dunia, ode taa momate tiilo wau tiyamolio mate-mateelo mao̒, tabiasaalio tahi pomatea mate-mateelo mao̒,

YAKOBUS 5:12

Ulebe polohuna daa̒, deu̒ito-yito: Diila mao̒ potadia, mopio domi hulungo, meaalo domi dunia, meaalo penu boli domi wolo wambai̒o. Loi̒yaalo mao̒ “Joo” wonu patujumu joo, wau “Diila” wonu patujumu diila; alihu timongoli diila mao̒ podehuwalo hukuumani lo Allahu Taa̒ala.

YAKOBUS 5:4

Timongoli diila hemo mayali wuupa lotau-tauwalo tahemo kalaja to halabolumu. Botia dungohilo poloi̒laalo suusa limongolio! Tau-tauwalo tahipo himoa̒ tilapula lo halabolumu hiwatia̒ mei̒ tulungi wau wuwaatii̒ mongolio mai̒lo dungohe lo Allahu Taa̒ala, Eeya Taa Laba-labaalo kawasa.

YOSUA 9:20

Ito diila mowali momate olimongolio mate-mateelo mao̒ sababu ito malodanti; wau wonu ito diila moe̒elao̒ danti boito yi Allahu Taa̒ala mamo hukuumani mai olanto.

WAHI 21:8

Bo taa mooheya, tamoo-hiyanatia, taa moruusa, tamoomatea mate-mateelo mao̒, taa huloto, taa u momeke ii̒i-limiyalo gaibu tamoo-lubowa balaahala, wau ngoa̒amila tamoo-himbuloa, mapomahulo ode delomo auhu lotulu wau walirangi uhinta-hintalabu, deu̒ito-yito opopate tahapu oluolio.”

WAHI 22:15

Bo tau-tauwalo tahi pohutua susuu-aliyaalo u hina, tahi pomakea ii̒i-limiyaalo gaibu, wau tau-tauwalo tahi pohutua huhuu-hutuwaalo u huloto, tamoomatea mate-mateelo mao̒, tahi polubowa balaahala, wau tau-tauwalo tahi pohimbuloa, mopio wolo loi̒ya meaalo wolo huhutu, ngoa̒amila tau boito tambatilio to bulemengo kota boito.