JAKARIA 2:4 - KITABI HABARI MOPIOHE

⁴ Malai̒kati tabohulio loloi̒ya ode malai̒kati tao̒luolio, “Hua̒a ponao̒lo ode tabohulotau boito, wau polelea mao̒ deu̒ Yerusalemu mao̒dito hutoyoa̒alio wolo manusia wau binatangi tilinggula diila mowali pomongulalo dingingo meeseli topalitio.

JAKARIA 2:4 ပူးပေါင်းရင်းမြစ်များ

ESTERI 9:19

Uitoolo sababuulio taulo Yahudi tahi biluloa̒wa to kokoo-tawaalo kekeei̒ helo poe̒ela mola dulahu opulaa pato hulalo Adar odelo dulahu u potiwengahelo, dulahu u potihungguwalo wolo weengahe sambela hemo-ngongoohia paraseni debo odelo ua̒alo.

YESAYA 33:20

Bilohilo kota lo Sion, tambati hepo rameyanginto popoo-tihungguwalo agama. Bilohilo Yerusalemu! Donggo boli aamanilio tambati boito u poti-biluloa̒alo, debo odelo kema udiila pee̒enta mao̒ yilimbato, patoi̒o diila pee̒enta mao̒ pilahuto wau taliilio diila pee̒enta mao̒ lobunto.

YESAYA 44:26

Wau̒ulo talo poo̒toheeto loi̒ya lo wato-U̒, wau loponao̒ lanjana u piloi̒laalo utoliya-U̒, Wau̒ lotahuda mai deu̒ Yerusalemu mamuli potibiluloa̒lo, wau kokoo-tawaalo Yehuda mamuli bongulo-U̒; tutuu-woodio mapowuliyo-U̒.

YESAYA 49:20

Tau̒kekeei̒ tapilotutu mai to polayahu mamoloi̒ya olemu, ‘Lipu botie meepita daa̒ de olau̒, wohiyalo mai tambati alihu wau̒ mowali motibiluloa̒ tewe.’

YESAYA 54:16

Wau̒ulo talo powali mai pani lowate tamongayabe tulu u modupa tingolo. Wau̒ulo olo talo powali mai pajule tamomake tingolo boito u momate-mateelo mao̒.

YEREMIA 1:6

Watia lolametao̒, “Yaa Eeya Taa Laba-labaalo molanggato, watotia diila motota mobisala sababu watotia donggo humula daa̒.”

YEREMIA 31:24

Tau mamoti biluloa̒ to Yehuda wau kakaa-mbungulio. Mola teto mawoluo mai tamoomengia wau tamoomiahe bibiahu wolo sapi wau himbalio.

YEREMIA 31:27

Wau̒, Eeya, motahuda mai deu̒ mamei dungga wakutuulio lipu lo Isirai̒lu wau Yehuda poo̒o-poluwo-U̒ wolo manusia wau binatangi.

YEREMIA 33:22

Wau̒ mamoduhengai wali mola lei Dauda wato-U̒ wau mongo iimamu suku lo Lewi, tilinggula jumulaalio mowali dadaata debo odelo hungayo to pentadu wau poliyama to hulungo u diila o yia̒apa.”

YEHESKIEL 38:11

Yio̒ molantu u moluhu lipu udiila obintengi boito, tou̒toonu ulipulio hitumula wolo aamani wau damee to kokoo-tawaalo u diila odingingo meeseli wau diila o pakaakasi u pomintengi.

DANIALI 1:17

Allahu Taa̒ala longohi ode tabohulotau wopatota boito hikimati wau ahali todelomo ilimi wau kesusasteraa̒ni. Wewolio mao̒ leeto odelei Daniali yilohiya-Lio olo pongotota u motombanga bibilohu wau tohiilopo.

DANIALI 1:4

Timongolio musi mongo bohulotau tadiila oa̒aibu. Timongolio musi tahi gaagawa, tahi osikolawa molanggato, motoloa̒ wau opongotota u luasi wau paatuti u motuugasi to delomo bele biluloa̒ saaha li olongia. Tei Aspenas musi mongaajali mao̒ olimongolio mobaca wau moluladu bahasa lo Babel.

MIKHA 7:11

Wuu Yerusalemu! Malei dungga wakutuulio timongoli muli momongu didii-ngingaalo meeseli lo kotaamu. To dulahee boito madalamu mapo luasiyolo.

JAKARIA 1:16

Botia Wau̒ muli mohualinga ode Yerusalemu mota mongambungu kota boito. Belee-U̒ mamuli bongulolo wau kota lo Yerusalemu mamuli ponguliyolo.”

JAKARIA 1:17

Malai̒kati boito lopoa̒hu olaatia lopo tunggula tahuli botie olo, “Eeya Taa Laba-labaalo kawasa lodanti deu̒ kokoo-taalio mamuli mowali maa̒amulu wau deu̒ pee̒entapo Tio mamotulungi Yerusalemu wau motolongaku mao̒ odelo milikii-Lio lohihilao.”

JAKARIA 12:6

To dulahee boito ngoa̒amila ngaalaa̒ lo Yehuda mapowaliyo-U̒ debo odelo tulu todelomo huntua lo ayu podiio̒ meaalo morongo lei̒-lei̒ita to walungo ngongoo-buhuta batango pale; timongolio mamopo binasa babaa-ngusawalo to palitio. Bo ulipu lo Yerusalemu maadebo motibiluloa̒ todelomo kota wolo aamani.

JAKARIA 14:12

Eeya mamopo dungga mai ngongoto u moo̒tihela hapato ode yitaato ngoa̒amila bangusa tamaa lopaatea loluwali Yerusalemu. Mato wau dila limongolio, tumbao̒ ngangaawaa̒lo mao̒ limongolio mamo hutodu tou̒ timongolio donggo hitumula.

1 TIMOTIUS 4:12

Diila mao̒ polulia penu boli ngota monganggapu olemu dupadupapa sababu yio̒ donggo muda. Bolii̒o mao̒, mamusi yio̒ mowali obaayawa lotau-tauwalo palacaya todelomo loi̒yamu wau pii̒limu, todelomo dudelomu motolia̒nga ngota timongota wau palacaya li Isa Almasi, wau wolo tutumulumu ubelesi.