JAKARIA 10:3 - KITABI HABARI MOPIOHE

³ Eeya lotahuda, “Wau̒ takaawasa tahemo malenta umati-U̒, wau timongolio mahukuu-maniyo-U̒. Bo ulipu lo Yehuda milikii-U̒, wau Wau̒, Eeya Taa Laba-labaalo kawasa mamolaala olimongolio. Timongolio mapowaliyo-U̒ wadala lo popaatea tamolotolo boli buheli daa̒ ode Olau̒.

JAKARIA 10:3 ပူးပေါင်းရင်းမြစ်များ

YEHESKIEL 34:2

“Wuu manusia panaa, dinia wolo moo̒ohuu̒ mongo olongia lo Isirai̒lu, wau potunggula mota wolo u Wau̒, Eeya Taa Laba-labaalo molanggato lotahuda mai ode limongolio, ‘Matopotala timongoli, wuu mongo diiti lo Isirai̒lu. Timongoli bo hemo mikiilangi polohuna daa̒ lo batangamu lohihilao, diila polohuna daa̒ lo hihii-mbaamu.

JAKARIA 11:17

Malaa̒-laa̒natilo diiti tadiila ohuna boito! Tio malo lolaa himbala lohimbalio. Popaatea mamo poo̒pulitao̒ okokawasaalio. Polotodu uluu̒lio mamowali molulupuhu wau matolio olowala mowali pitoo̒.”

JEPANYA 2:7

Ulipu lo Yehuda tamoo̒ lopato, mamo tibiluloa̒ tomadalamu boito. Timongolio mamo himbala mao̒ bibiahe tohuta boito, wau tou̒ hui timongolio mamotuluhe to bebee-leyaalo taulo Askelon. Sababu Eeya, Allahu Taa̒ala limongolio mamoduo̒la olimongolio poli wau mopowali olimongolio muli maa̒mulu.

YEREMIA 25:34

Wuu mongo tau̒wa, wuu mongo diiti umati lo Eeya! Hiyongolo mola moo̒ohuu̒-huu̒ulo mao̒! Potililii-liliidulo mola todelomo peaahuo̒, sababu malei dungga wakutuulio timongoli pateelio mate-mateelo mao̒, tamolopato mapobubuu-alaalio. Timongoli madebo odelo ginti ohalaga u lodehu wau lopoo̒.

POHUMAYA 21:31

Eleponu polotuuhua powimumutolo wolo wadala popaatea, tamolantu ohohaama yito Eeya.

1 PETRUS 2:12

Pii̒li limongoli towolota lotaa udiila motota lo Allahu Taa̒ala mamusi mopiohe daa̒, tilinggula wonubolo timongolio mopitana olimongoli odelo taa moleeto, timongolio debo musi motolo akuwo huhutumu u mopiohe, tilinggula timongolio mamomuji Allahu Taa̒ala todulahe podungga-Lio mai.

LUKASI 1:68

“Dulo ito momuji mola to Eeya, Allahu Taa̒ala bangusa lo Isirai̒lu! Tio malei dungga mai lotulungi umati-Lio wau lopobebasi olimongolio.

RUT 1:6

Dengolo wakutu mola lapatio mao̒ ti Nao̒mi loo̒dungohe deu̒ Eeya malo balakati umati lo Isirai̒lu wolo tilapulo sembo u mopiohe. Sababu uito ti Nao̒mi wolo walao̒ moluhengio duulota lotidapato u mololaa mao̒ Moab.

PILOTIMUA̒TA 4:31

Yi maa pilalacaya timongolio, wau tou̒ timongolio loo̒dungohe deu̒ Eeya malo poo̒tuotai bangusa lo Isirai̒lu wau maloo̒onto ngoa̒amila polodutoli mongolio, timongolio losujudu lolubo.

JEPANYA 1:8

“To dulahee pongolotalo boito,” tahuda Eeya, “Wau̒ mamo hukuumani taduduulaa̒ lolipu, walao̒ mongo lolai̒ li olongia, wau ngoa̒amila taa u lodudua̒ uu̒udu lotau deli.

YEREMIA 50:6

Umati-U̒ debo odelo himba u mapiloluli yilapalo to hihui̒-hui̒dea lomongo ditilio. Timongolio monao̒ ode utoonulalo mao̒ monto hui̒dee tuwau ode hui̒dee uwewo wau diilalo motota tou̒toonu bele limongolio.

YEREMIA 25:12

Lapatao̒ uito Wau̒ mamo hukuumani mai bangusa lo Babel wau olongiaalio sababu dusa limongolio. Lipu lo Babel malohuwo-U̒ wau poluli-U̒ moa̒ntulu u ohiheolo mao̒.

YEREMIA 11:22

Sababu uito, Eeya Taa Laba-labaalo kawasa lotahuda mai, “Wau̒ mamo hukuumani olimongolio! Tau-tauwalo tahimuudawa limongolio maamate todelomo popaatea, mongo walai̒ mongolio maamate polaangolo.

YEREMIA 10:21

Watia lolametao̒, “Mohulodu mongo tau̒wanto boito. Timongolio diila lohile potuhata lonto Eeya, uito sababuulio timongolio diila ilohaasili, wau ito lopupuu-lepelo ode utoonulalo mao̒.

YESAYA 24:21

Tou̒ boito Eeya mamo hukuumani mai tahi kawaasawa to baangio daa̒ wau mongo olongia to dunia.

YESAYA 10:12

Bo Eeya lotahuda, “Wonu u mapohutuwo-U̒ to Huludu Sion wau to Yerusalemu boito mailapato, Wau̒ mamo hukuumani mai li olongia lo Asyur sababu osombongi wau obatingga hilaalio.”

LAHU MOLAMAHU 1:9

Tilantahuu̒, yio̒ debo odelo wadala bilango u hemodedea̒ kaleta li olongia lo Masiri.

YEHESKIEL 34:12

debo odelo ngotaalio lodiiti mololohe wau mohimoa̒ hihii-mbaalio u lobubuu-ayaawa tulusi lolaalaao̒ olimongolio. Timongolio madeloo-U̒ mohualingo monto totoonulalo tambati iloololade limongolio to dulahee u modio̒lomo wau marapo boito.

DANIALI 11:32

Yi wolo wimbulo hidala-dalaala ti olongia boito mamomiyo tau-tauwalo tamaa lololaa agama limongolio, alihu mohuto momantu olio. Bo tau-tauwalo tamodungohe to Allahu Taa̒ala mabuheli moluwali olio.

AYUBA 39:25

Tio mohilao moo̒huu̒-huu̒ulo mola timii̒du torompeti potingohulo monto u molamingo ilobowalio boolo polotuhua. Ilodungohelio wuwaatio̒ lomongo polowila tou̒ timongolio hemongohi palenta.

YEHESKIEL 34:11

Eeya Taa Laba-labaalo molanggato lotahuda mai, “Wau̒ lohihilao mamololohe hihiimbaa-U̒ wau molaala olimongolio,