JAKARIA 10:2 - KITABI HABARI MOPIOHE

² Tau-tauwala mohile potuhata to babaa-laahalaalo wau tahi polamalia, bo totoonulalo totameto u motapu mai limongolio yito wimbulo wau toongi wambao̒. Woluo tamo tombanga tohiilopo, bo tombangi mongolio bo mopolapalo olimongoli, wau liyango u wohilio diila oboliilio. Sababu uito ulipu mobubuu-ayaawa debo odelo himba. Timongolio mohiheo mongongoto sababu diila otau̒wa.

JAKARIA 10:2 ပူးပေါင်းရင်းမြစ်များ

ILOOWALI 31:19

Tou̒ boito tei Laban woluo tohuta udatahu wau luasi donggo hemo huntinga lambuto himbalio, wau tou̒ boitolo ti Rahel lotao̒ bui̒ poduo̒laa ngaalaa̒ uwoli-yamolio.

BOHULO MONGO OLONGIA 22:17

Tei Mikha lomalasi mao̒, “Watia heloo̒onto suludadu lo Isirai̒lu lo aa̒a-mbulatia to huhuu-ideyaalo. Timongolio debo odelo himba diila odiiti, wau Eeya lotahuda mai pasali limongolio, ‘Tau-tauwala botie diila otau̒wa. Poluliyalo mao̒ timongolio mohualinga wolo moa̒ahu.’ ”

AYUBA 13:4

Sababu timongoli helo depuhe ohulodumu wolo wimbulo, diila talaalio debo odelo mongo hulango paluti.

AYUBA 21:34

Oditolio, polo-liyangumu boito toongi wau totoonulalo totametumu yimbulo!”

YESAYA 41:29

Otutu, dedeewaalo boito diila ohuna, timongolio bo bui̒ tiluwanga, udiila o lotolo wau diila mambo mohutu wolo-wolo.”

YESAYA 44:25

Wau̒ulo tadiila lopomata laamalani lo tamoo-laamalia, wau helo poitohe tahi ahalia umotota u hitua-tuawua u gaibu. Tataa-heyaalo lotaa molinepo bilatataa-U̒, otinepo limongolio pilowali-U̒ oohulodu.

YESAYA 44:9

Tau-tauwalo tahipo hutua bui̒ balaahala boito diila ohuna, wau dedeewaalo u hepujaa limongolio boito diila opae̒daalio. Tau-tauwalo tahipo lubowa bui̒ boito pitoo̒ wau diila motota lolo-loolo, sababu uito timongolio mao̒dungga lo woolito.

YESAYA 46:5

Wolita timongoli ohilaa mopo ngilabota ola-U̒? Tingga woluo tamowali potutuu-wauwola wola-U̒?

YEREMIA 10:8

Abaloolo wau mohulodu timongolio ngoa̒amila sababu dewalio bo ayu wambao̒, diila mowali mongaajali u ohuna.

YEREMIA 14:13

Lapatao̒ watia loloi̒ya mao̒, “Yaa Eeya Taa Laba-labaalo molanggato, otaawa lo Eeya mongo nabi malo loi̒ya ode ulipu deu̒ diila tawoluo mai popaatea meeambo polobiti, sababu Eeya malodanti deu̒ tolipu botie laito mawoluo mai odudame.”

YEREMIA 14:22

Dedeewaalo babaa-ngusawalo diila moo̒ potuhutai didi ode dunia. Penu boli hulungo diila mowali olo moluwatai didi wolo kawasaalio lohihilao. Bo Eeyaalo halapani lamiaatia. Eeya lohutu mai ngoa̒amila boito lotoduo.

YEREMIA 23:17

Ode tau-tauwalo taa udiila mohuto modungohe tataahee-U̒, timongolio laito hemoloi̒ya, ‘Timongoli mamoa̒ahu.’ Wau ode timii̒du taa u baaa̒ngiolo, timongolio hemoloi̒ya, ‘Yio̒ diila tamoo̒ toduo mai topotala.’ ”

YEREMIA 23:32

Wau̒, Eeya, mamoluwali mongo nabi boito mopotunggula totoo-hilopio u polupolu lo wimbulo. Timongolio mopolapalo umati-U̒ wolo wimbulo wau tabibo limongolio. Wau̒ diila lopoa̒hu mongo nabi boito. Timongolio sama-samaata diila ohuna ode umati-U̒. Wau̒, Eeya, malo tahuda mai.”

YEREMIA 27:10

Timongolio mohimbulo olimongoli tilinggula timongoli deloolio molamingo monto lipumu. Wau̒ mamopolahi olimongoli monto lipumu wau timongoli mabinaasa.

YEREMIA 27:14

Diila mao̒ dungohi mongo nabi tamodini oli Baginda taa̒aluku toli olongia lo Babel, sababu timongolio mohimbulo oli Baginda.

YEREMIA 27:9

Diila mao̒ podungohe tomongo nabi meaambo penu boli olo tatoonu wambai̒o tamodini olimongoli taa̒aluku toli olongia lo Babel, eleponu timongolio momasisi malo lolimo potuhata lonto tohiilopo, roroo-huwaalo u aaluti, meaambo wolo momake olootolo udiila oontonga.

YEREMIA 28:15

Ngoa̒amila boito pilopo tunggulo lowatia odelei Hananya, lapatao̒ watia luli loloi̒ya mao̒, “Dungohilo mai, wuu Hananya! Eeya diila lolao mai olemu; yio̒ malohutu bangusa botie yakini to loi̒ya wimbulo.

YEREMIA 29:8

Wau̒ Eeya, Taa Laba-labaalo kawasa, Allahu Taa̒ala lo Isirai̒lu, mopoe̒elai olimogoli alihu batangamu diila mao̒ polulimu wimbuloa lomongo nabi tahi biluloa̒wa to huungi mongoli meaambo penu boli tatoonu wambai̒o tamoloi̒ya deu̒ timongolio mowali molaamali dulahee momooli. Diila mao̒ poo̒tuota limongoli ngoa̒amila tohiilopi mongolio.

YEREMIA 37:19

Tou̒toonu mongo nabi li Baginda boito tahemoloi̒ya deu̒ ti olongia lo Babel diila tamoluhu oli Baginda wau lipu botie?

YEREMIA 50:17

Eeya lotahuda mai, “Taulo Isirai̒lu debo odelo himbala himba u yililapita wau pilobubuu-alaawa lo singa. Bohu-bohulio timongolio tilihu li olongia lo Asyur, lapatao̒ lei Nebukadnejar olongia lo Babel longokoto tutuu-lalowaalo limongolio.

YEREMIA 51:23

Yio̒ pomake-U̒ u mopobinasa diiti wau bibiahio, tamoomengia wau sapi pomadei̒o, takawa-kawaasa, wau mongo polowila talailaio̒.”

YEREMIA 6:14

Papaa-liyaalo umati-U̒ he aanggapuo limongolio bo pali kikiio̒ wambai̒o, ‘Aa, diila mongoola,’ uali mongolio mao̒, ‘ngoa̒amilalo mopiohu wau aamani.’ Lebe-lebe pomao̒ sama-samaata diila.

YEREMIA 8:11

Papaa-liyaalo umati-U̒ he ilaanggapu limongolio pali kikiio̒ wambai̒o, ‘Aa diila mongola,’ uali mongolio, ‘ngoa̒amila aamani.’ Lebe-lebe pomao̒ sama-samaata diila.

HIYONGO MOPOILAALO SUUSA 2:14

U pilopo tunggulai lomongo nabi ode olemu, bo haasili lowimbulo wau diila otutu sama-samaata. Timongolio diila pee̒enta mao̒ lomuo̒ dusaamu, tilinggula sababu uito yio̒ diila lolilihu. Bolii̒o mao̒ timongolio bo lopo tunggulai ode olemu loloo-iyaalo wimbulo u moa̒anga.

YEHESKIEL 21:21

Ti Olongia Babel timihulao̒ totili lodupi polunu dalalo boito. U motota mao̒ dalalo toonu umapo libayaalio, tio mohile potuhata monto babaa-laahalaalio, mohunggungo pana wau momalakisa hilaa lo binatangi u boheli pilopobake.

YEHESKIEL 21:29

Bibilohu u iloontonga limongoli yito paaluti, wau laamali uiloi̒ya limongoli olo toongi wau wimbulo. Timongoli moleeto boli momaahu palenta, wau saaa̒ti lo hukuumanimu u pulitio maleembidu. Wamilo boito mamolimade buloo̒omu.

YEHESKIEL 34:5

Sababu diila o diiti, hihii-mbawaalo boito lobubuu-ayaawa wau lowali mangusa lo binatangi mongantau.

YEHESKIEL 34:8

Domi Wau̒, Allahu Taa̒ala tatumu-tumulo, poo̒tuotilo! Hihiimbaa-U̒ madilangapo wau iliilaa lo binatangi mongantau, sababu diaaluo tamo himbala mao̒ olimongolio. Timongoli mongo diiti-U̒ diila momandungi hihii-mbaawaalo boito. Timongoli bo hemo mikiilangi batangamu lohihilao, diila polohuna daa̒ ode hihii-mbaamu.

HOSEA 3:4

Odi-odieelo mola sua̒liilio wolo bangusa lo Isirai̒lu; lohiheo daa̒ timongolio musi tumumula lou̒ diila o olongia meaala tau̒wa, diaaa̒ bake meaala tutuu-guwaalo aulia, diaaa̒ babaa-laahalaalo meaala jijii-matiyaalo u mopoo̒taa mai hitua-tuawua u milakusudu hetuuo̒lo todulahee momooli.

MIKHA 2:12

Eeya luli lotahuda mai, “Wuu umati lo Isirai̒lu tadonggo ilolabita! Timongoli tantu maa̒mbuwo-U̒ wau potuwauwo-U̒ debo odelo himba u lohualingai ode lantungalio. Debo odelo huta luasi u pilobutua lo huo̒yoto upolu-polu wolo himba, oditolo olo lipumu mamuli mopolu mai wolo taa dadaata.

HABAKU 2:18

Malaa̒-laa̒natilo yio̒! Yio̒ loloi̒ya ode ayu ngoputu, “Tihuloolo mola!” meaalo ode botu leidaa̒ tuwau, “Pobongulo!” Wolo mowali bui̒ tuwau moloi̒ya u hitua-tuawua to olemu. Mowaliilio bui̒ noito owolodu hulawa wau talaa̒, bo nyawa diaaluo to olio. Wolo hunalio bui̒ balaahala? Uito bo huhutu lomanusia wambai̒o. U motapumu monto olio bo wimbulo ngoa̒amilalo. Diila ohuna oyoyakini lo tamoohutua balaahala duo̒lo huhutu lo uluu̒lio, u diila mowali mobisala boito.

JAKARIA 11:17

Malaa̒-laa̒natilo diiti tadiila ohuna boito! Tio malo lolaa himbala lohimbalio. Popaatea mamo poo̒pulitao̒ okokawasaalio. Polotodu uluu̒lio mamowali molulupuhu wau matolio olowala mowali pitoo̒.”

YIA̒APO 27:17

ngotaalio tamowali Eeyanggu towakutu timongolio mopaatea. Diila mao̒ polulia umati-Mu botie debo odelo himba udiila odiiti.”

MATIUSI 9:36

Tou̒ ti Isa loo̒onto taa dadaata boito, malodehu hilaa-Lio olimongolio, sababu didu tantu hilaa limongolio wau didu olootolo, debo odelo himba u diilalo odiiti.

MARKUSI 6:34

Tou̒ ti Isa lolaaheo̒ lonto bulotu, Tio loo̒onto taa dadaata. Lodehu hilaa-Lio olimongolio, sababu timongolio debo odelo himba u diilalo oditilio. Yi Tio malo lumulo helo ngaajali dadaata sua̒li olimongolio.

TINGULI 13:2

wolo makusudu alihu timongoli molubo meaalo motiwato to ila-ila udiila pee̒enta mao̒ oonuhe limongoli, penu boli wolo upilo dantilio boito tio̒otutua motoduo mai,

MONGO HAKIMU 18:14

Olimo lota tatilugasia motulete lou̒ poo̒-poo̒oyo omoo̒omolu yilao boito loloi̒ya ode mongo sahabatilio, “Wolo otaawa limongoli deu̒ tala tuwau lobele boito obui̒ uwolu-wolude talaa̒? Woluo olo bubuu-iyaalo wewo wau boo̒ li iimamu. Nte pikiilangia mola wolo umusi pohutuonto.”